||حكايات مشوّقة عن ورطات وقع فيها غيرنا و قد نقع فيها نحن كذلك .. شاركونا بالحلول و كونوا هنا بالقرب||.. مفآجآتـ متجددة. - الصفحة 11

~ حراير ~ · 2013-02-20, 17:28

السلام عليكم و رحمة الله تعالى و بركاته
تعرفي اختي معا الى الله نقرا و تقولشي واحد يجري من ورايا عندك اسلوب ماشاء الله تخلينا نحسو تقول رانا مع صاحب الورطة
و رغم اني جيت متوخرة يعني بلاك هاد المخلوقة راهي حلت ورطتها و جاوها ضيافها و تقهواو و تعشاو و روحو باش فقت انا ... لكن ماعليهش جيت متوخرة خير من الي ماجيتش ....... و عندك تكتبيلي اسمي الاخير في الحلول
عموما انا جاتني انها مع شافت الشمعة طاحت يتسما الشمع مازال ما يبسش على هك غير ياله تروح للدوش و تغسلو بالماء السخون يغلي باش ماييبسش بالماء البارد و بعدين تغسل بصابون الفيسال لأنه يرغوي اكثر "هاد مجرد فكرة ماجربتهاش"
و من بعد تفوت عليه المكواة باش يشيح و ترجع تفرشو
كان يبس الشمع فتنحيه بذراع المغرف افضل من الموس لأنه مع هي زعفانة تخافي تقطعو فالموس يستعمل للأرضيات خير
و بعد ماتنحي كامل الشمع تغسل بالماء السخون و الصابون و تكويه طبعا مش راح تفرشو مبلول
هاد هي فكرتي البسيطة

الورود المنسية · 2013-02-21, 18:53

نرى اين انتي اخيتي معا الى الله اليوم الخميس

ام ظافر · 2013-02-23, 21:54

اختي معا الى الله عسى مانعك خير
افتقدناك

stayfiya · 2013-02-23, 23:56

رانا في الإنتظار نشالله خير برك

بيلسان11 · 2013-02-24, 09:19

السلام عليكم
أختنا معا الى الله ان شاء الله تكوني بخير و بألف عافية افتقدناك كثيرا عسى المانع خيرا.

it's me · 2013-02-24, 11:25

في الانتظار
ان شاء الله ترجعيلنا بخير اختي معا الى الله

الورود المنسية · 2013-02-24, 12:46

اخيتي معا الى الله اتمنى ان يكون المانع خير

~ حراير ~ · 2013-02-24, 20:32

اخواتي لعزيزات و من بعد اذن اختنا معا الى الله ممكن تساعدوني في ورطتي الصغيرة
و هي انه جارتي النفساء تسلفت من عند ترموس "الله الله" شارياتو بالغلا و انا ماحبيتش نجحدو عليها و نكون من الي قال فيهم ربي "ويمنعون الماعون"
المهم مشكلتي انها لالة داراتو للتيزانة على عكس توقعاتي انها ديرو للقهوة
و لكم ان تتخيلو الرائحة و انا حاولت بالجافيل و حليته كامل و عمرت زجاجته بالجافيل لكن رغم هذا مازال على الريحة الي فيه
قالولي داوميه للقهوة لكن بكل صراحة خفت عليه يفسدلي من كثرة الغسيل او يتخربشلي و هو عزيز عليا شريتو من مكان عزيز

وفاء سعاد · 2013-02-25, 16:08

ليلىاختي والله ساعات كاين ناس يحشموك في حوايج عزاز ومايحقولهمش وكي تمديهوملهم يردوهملك مايسواوش واحيانا يسمطو برواحهم ويقعدو عندهم بالاشهر بح انت كون قلتيلها راهم تاع العز والضياف برك وعطيتيها تاع التيزانة بلاكش ماعندهاش خلاص ليتارموس على هاديك استعملتها منطولش عليك انا الروبو في الصيف كي نرحي التوم فيه مهما نغسلو تبقا الريحة فيه نحكم الخبز اليابس ونرحيه فيه يمتص هاديك الريحة كامل وانت حطيه يها مرحي وخليه فيها او فحم ايضا يمتص الريحة وخليها مفتوحة عدة ايام راهي تروح الريحة وان شاء الله تتهناي سراتلك كيما انا جاو داوهم للعرس وشريتهم ب400الف ردوهملي بلا حجر والبروش انتاعهم والله غير غاضوني حطيت في قلبي وسكت

ام فاروق... · 2013-02-26, 10:47

أضن أن الحل معروف عند الجميع لأنه ليس هناك حل آخر على ما أعتقد و الحل هو التخص من البقع البارزة و وضع ورقة امتصاص على البقعة و نمرر المكواة عليها و بهذا تقوم الورقة بامتصاص الشمع المتبقي وشكرا على الموضوع

abd-esatar-swag · 2013-02-26, 10:53

................................

abd-esatar-swag · 2013-02-26, 10:54

شكرا لجميع المشاركين بهذا الموضوع

ام فاروق... · 2013-02-26, 11:07

السلام عليكم ورحة الله و بركاته
اختي اريج المسك انا انصحك بوضع قليل من بيكربونات الصودى (الي نستعملوها في المطبخ ) وضيفيلها ماء مغلي وتركيها شوية ثم اغسله مليح وخليه حتى ينشف وخليه مفتوح مدة ان شاء الله تروح ريحة التيزانة منه
أما بالنسبة للتسلاف للجيران فما عليك غير تقولي ( قدر الله وما شاء فعل ) لانه ما تقدريش تعرفي كيفاش رايحة ترجعلك حاجتك و الاحسن تنحي الحشمة و ما تسلفيش

لمسة ابداع · 2013-02-26, 16:42

اختي معا اللى الله
انشاء الله لاباس وش الغيبة هادى توحشناك انتي و الحلول المفيدة تاعك

mamarine · 2013-02-27, 05:36

الطريقة هي ناخد الزيت ونضعه فوق العلك ثم نقوم بحكه حتى يزول تماما.