وما تنسوشي السوفية

[halas]

اللهجة السوفية كباقي اللهجاة جيدة ولكن هي وسيلة وليست غاية لذلك اختاروا موضوع هادف وناقشوه باللهجة ذاتهال

[ريحانة]

والله يا وخي الكذب على ربي حراااااام

امالة راني والله ماني عارفة ناس بكري وش كانو يقصدو بالريحانة
المهم راهو هذا اسمي المفضل
والريحانة راهي شجرة في الجنة ريحها طيب وثمرها طيب.


و هي شجرة ورد


تي ما تسمعشي بنوار الريحان ول؟؟؟؟؟؟؟؟
يا غدادي منك ...اربي وشو هالحديث تبلاهي كان حشمتونا..
اضري النح بركه...

[ريحانة]

تماني قتلك الكذب على ربي حرام
امالة كيفاش نضرب انح وانقول نعرفها

لا اااااااا ما نعرفهاشي


المهم بارك الله فيك على المعلومة...

[ريحانة]

يصبح الله بنور الايمان
بارك الله فيك

[anis111]

السلام عليكم يا جماعة

نظن راني وحدي هالساعة
بلحق راهو وقت الفطور تو
إن شاء الله راهي الداية مطيبتنا مطابيق ولا كسرة شحمة
قولوا آمين
المهم صحى فطوركم الكل

صباح الخير يا السوافة واللي يحبوا السوافة

[ريحانة]

ياااااااااااااااااااااااااااااااااااااااااااااو بالعقل يا اولاااااااادي
فترتوني نا نقرا في كتيبتكم
واشي هذا بايتين قعود ول؟؟؟؟؟؟؟؟؟؟
والا قلبتوها مشاتية الحداثة
الله يهديكم ويصلح رايكم انشاءالله
هذا كويس التاي وش دار قيكم
امالة كون جت كسرة مطبقة والا شخشوخة واش تعملو انتم
انظن ماعاش نلقو اللطى باش نكتبو معاكم.........

[Hicham Ahmed]

ما فهمت والو

[ريحانة]

السلام عليكم
نهاركم سعيد مبارك
وش صبحتو يا امالي الدار
توا مشكم مبطلين من حداثة هالتاي
نرقدو عليها ونصبحو عليها
يا غدادي منكم..................راو عيب حتى من يطل علينا يلقانا واحلين في كويس تاي
اها اضربو النحة وفكونا من هالحداثة
وبش تتهنو خلي نا نفصللكم فيها
التاي الي دارتها لالا الاميرة راهو صحيح مية في المية
بالصح هذاكا الي انطيبوه في الدار
معناها انتاع كل يوم ومعروف اكثر بتاي انساء
اما الي قال عليه سي نصري
هذاكا تاي وش من تاي ...يلطييييييف رشيفة منه تبيتك قاعد الليل اكل
ثقيل قاطع، يهواه اكثر الرجال ...الندرى وش يعجبهم فيه؟؟؟؟؟
بالصح كلمة ربي تنقال، هو الحق بنين وطيب كانهو بعد حين اذوقو منه رشيفة والا زوز..
اما كان درتوه لعبادة احمى......وش انقلكم راو غداااااااااد

واحسن تاي في نظري نا التاي التقرتي
والله ناس تقرت عندهم واحد التااااااااي الله مصلي على النبي..
قد ما تشرب منه ما تشبعوشي وما تمهروشي
تاي موزون وعليه الكلام....
واني انقلكم كان حبيتو مرة اخرة كيفاش يطيبوه

والله الا مهرتونا من الحديث على التاي
اها بدلو ساعة برفاي، وجيبولنا حداثة اخرى.....

[ريحانة]

اهاا مشي هكا الحديث يا اميرة
اضعفي الشيطان وماتغشيشي روحك
اجماعة راهم قاعدين ايكسرو عليك في الكوكاو
قوليلي نا عليهم
لا يعجبهم العجب ولا الصيام في رجب

وبيناتنا: حتى كان تمسخرو شوي معاك
ماتزيريش راهم او خيانك، والا لاااا

الى اخي سناقرية

علاش يا اوخي ديما تعمل اقتباس في ردك
اكتب ديفيلي، وجيبلنا الجديد
وربي يبارك فيك على اصالتك..

وانت يا سي نصري
يا غدااااااااااااااادي منك مشي عليك
تربي قولي كيفاش سوفي وما تعرفشي هالكلمة
راهي من اعمدة القاموس السوفي الله يهديك
ما ني ديما انقولك وانعاودلك
يا غداااااااااااااااااادي من هالشيء

[ريحانة]

المشاركة الأصلية كتبت بواسطة nasrifcm

الكلمة هذي نعرفها مليح يعطيك غداد ......

بصح ما كنتش نتوقع انشوفها هنا .......

المهم أنا رايح انسميك خيري إسم من الاسامي التالية ( المرجع الصحيح للسوفية ) ولا ( صحيح ريحانة في اللهجة

السوفية ) ولا ( يا غدادي للهجة السوفية )

واعلاه عليك احنا من البارح انرضوا فيها ها الأميرة و التاي انتاعها قبلناه بسماحته وبشاعته .....

وانتي تقوليلها رانا انكسروا عليها في الكوكاو ....

امالا تايك انتي ماء وزغاليل كيعاد يعجبك تاي تقرت ( مارانيش رايح انعلق اعليه ) .....

تعرف يا سي نصر كنت نحسابك سوفي مقطر
بالصح من الرد انتاعك هذا نلقاك لاهو لاهو
حتى كلمت غداد ماتعرفشي توضفها؟؟؟؟؟؟لاحولة ولاقوة الا بالله

للعلم هذه الكلمة لا وجهين نقيضين
كان عرفت الوجه الطيب فيها، راك تضيف طابع الفكاهة والمزاح في كلامك
اما كانك قلت الوجه لاخر
........................
يا ويلك ويا سواد ليلك، راك عدت قبيح
ومشي هكا الحديث

[ريحانة]

خسارة عليك يا سي نصري
هذا وين قريت ردودك السابقة
تو مالقيتلي غير هالاسم تسميني بيه
راو والله كان عيب، وتطييحه كبيرة منك

اربي روح اليوم لامك والا لشايب والا عزوز كبيرة وقلها راو كاين واحد باش انسميه غدادي وش رايك في هالاسم؟
وشوفها وش تقولك،
الله يهديك
شوكيتوني اليوم

بطلت انظن معاش ندخللكم هنا....

[soufi39]

صحيتو با جماعة الخير هاني جيتكم باش نتحدث و كقعمز معاكم و نخظر روحي كنت مقيل فبي البرطال الظهراوي و شارب جغيمة حليب رايب وش تحبو نجيبلكم معايا للسهرية

صحستو يا جماعة الخير وش حالكم وش راكم قاعدين ديرو توسعو في بالكم و هكاي قعدة طرشة حتى كاس تاي ما كانش استنوني شوية تو نفتش عن واحد من الفازاغيل تقوله كرطش للحوش يقلهم قاللكم الجباري ينصبونا كاس تاي و انجي نقحم بحضاكم ان شاء الله

صحينو يا جماهة الخير وشبيها القعدة طرشاء ابعثو واحد من ها الفزاغيل الى حوش حمة ولد بوكة ولا العايش ولد حدي قلهم يطيبونا كاس تاي

وش حالكم يا جماعة الخير و اش حال والديكم و اش حال جمعكم الكل و اش حال نزلتكم و زويلاتكم واشي صبتشي عندكم مطر احنايا في جيهتنا ما كا ن حتي شيء ربي ياتي بالغيث هيا تو انقلكم السلام راني انفتش عن جمل غاديلي لما وحيتولي كاش خبر عليه

وش بيكم قاعدين بلاش كاس تاي عوايدنا بيكم يا السوافة ما يخطاكمش التاي

[ayouba85]

من اراد زيارو مدينة الزقم بالوادي فليتفضل بسرعة

حذف رابط موقع

السلام بصح انسيتو احني ..في الزقم نحن .هدا دليل على تنوع الثقافات .ادخل هنا بسرعة
روابط المواقع ممنوع في المشاركات

[ريحانة]

صحينو يا جماهة الخير وشبيها القعدة طرشاء ابعثو واحد من ها الفزاغيل الى حوش حمة ولد بوكة ولا العايش ولد حدي قلهم يطيبونا كاس تاي

المشاركة الأصلية كتبت بواسطة soufi39

صحستو يا جماعة الخير وش حالكم وش راكم قاعدين ديرو توسعو في بالكم و هكاي قعدة طرشة حتى كاس تاي ما كانش استنوني شوية تو نفتش عن واحد من الفازاغيل تقوله كرطش للحوش يقلهم قاللكم الجباري ينصبونا كاس تاي و انجي نقحم بحضاكم ان شاء الله

ربي يبارك فيك يا سوفي ترنت ناف
كتيبتك اكل تبرد على القلب
مشي خرط هالمتاحيف، اما يتعاركونا مع اميرة، والا يضيقو فينا، والا كي ما فخرهم حتى واحد قلبوها سبور الحداثة، توش بيهم لباس؟؟؟؟...؟
هالشي اكل دايرته فيهم هالجرد جلطة منفخة ينطرو فيها لبعضاهووووووووووم...؟؟؟؟؟
ربي يهدي ويصلح رايهم...
قولو امين على الاقل..

يا غدااااادي....

[ريحانة]

راني بالعاني نتحدث بكلام العزايز
احياءا للهجتنا ووقاية لها من الاندثار

الله لا يمسخ اعلينا حال يا ربي

او عاجبك هالحديث هذا ما يا سي نصري؟
هذا وش شاهي انت مااا؟