يوميات فتاة جزائرية متجدد

[نينا الجزائرية]

السلام عليكم
بدات الدروس وكل أستاذ يدخل يمدلنا ال programme ومعاه les exposées لي نديروهم وأكيد الدروس كانت هي نفسها هذوك les exposées
لي نوجدوهم أحنا ونشرحوهم لزملائنا والأستاذ يقعد في آخر القسم وفي نهاية العرض يسقسي كاش واحد مافهمش وكي مايلقى حتى واحد رد عليه يقول كامل فهمو وبعدها يطلب من لي دارو العرض يطبعو البحث ويقسموه على الباقي وهكة يكون هو دار لي عليه يعني كانت كامل الدروس في السنة الثالثة عبارة عن مجهودات فردية


في القسم كنت نقعد انا وفاطيمة في طاولة وحدة وبعدنا تقعد فتيحة مع بنت اسمها رزيقة وفي أول بحث لينا كنا احنا الأربعة مع بعض والبحث كان حول
La migration génétique des pupulation
أكيد من عنوانو باين بلي بحث صعيب حوسنا بزااف ودرنا جلسات طويلة في قاعات الانترنت طبعا الجلسات كان يتخللها شوية بحث في أخبار الفنانين باش نديفولو شوية كي نكرهو يعني ماكناش نحسو كيفاش يفوت الوقت بلا مانكملو البحث تاعنا كيما يلزم ولي عجزنا انو مالقيناش بزاف معلومات فات الوقت وماحسيناش بيه كامل حتى بقا يومين ونقدمو البحث بدينا نجروا ونحوسو في الكتب وتماك لقينا معلومات أكثر من المطلوب وماعرفناش كيفاش نوظفوها كنا رح نستسلمو خلاص بصح لي سلكتنا تع الصح هي رزيقة كانت تعرف وحدة لافامي تعها قارية نفس تخصصنا في وهران سقساتها على هذا البحث وقالتلها بلي صحاباتها داروه طلبت منها تبعثلها نسخة منو في الإيميل وهي كانت ناس ملاح مسكينة بعثاتلونا كيما هو واجد يخصو برك الطبع وهذا كان دورنا احنا أكيد
وجاء يوم العرض طبعنا البحث واعطيناه للأستاذة ووجدنا نسخة اخرى مختصرة نعرضوها احنا بواسطة
Power point
جبنا ال
Projecteur
وركبنا ال
Flash disque
وبدينا بالواحدة تقرا القسم لي حضراتو هي وحفظاتو وأكيد مش مهم تكون فهماتو مدام حضرناه في آخر لحظة
وفي نهاية العرض الأستاذة عجبها بزااااف البحث وشكرتنا وحتى الطلبة قالو بلي فهمنا مليح وكان بسيط وموضح وخاصة كي كان فيه بزاف schéma

يعني الكل فهم البحث ماعدا احنا الأربعة لي كنا نقراو فقط في واش كتبنا لأن ماكانش عندنا الوقت باش نفهمو
وصلى اللهم وسلم على سيدنا محمد

[نينا الجزائرية]

السلام عليكم
مر أكثر من شهرين تع قراية وتعب وبحوث مستمرة تقريبا كان عندنا كل اسبوع بحث وهذا ماكانش كامل عاجبنا حسينا رواحنا نتعبو اكثر من les prof لي راهم يخلصو على جهدنا احنا ولأننا كنا قسم فيه جميع أنواع المتمردين قررنا باش نديرو اضراب قدام الإدارة ونقولو بلي رانا نتعبو بزاف واحنا رانا نقومو بدور الأساتذة والطلبة في نفس الوقت ولازم يلقولنا حل ودخلنا بالإضافة لهذا المطلب مطالب اخرى باش نبانو بلي رانا على حق مثل انو رانا حابين نشوفو اشياء عملية وبأننا كرهنا من تكرير
Les TP
تع السنوات لي فاتو و مازلنا مادرنا حتى جديد ولا حاجة متعلقة بالتخصص تاعنا بشكل خاص
درنا الإعتصام و شاركونا فيه بزاف طلبة ماشي إقتناعا بقضيتنا بصح كامل الناس تبغي الهيلولة وانا كنت وحدة منهم.

الإدارة إقتنعو بمطالبنا وقالولنا يجي ال déléguai تاعكم ويحكي معانا واحنا نوعدوكم بحلول ترضيكم
وبما أنو كان عندنا مسؤول واعر يعرف مليح كيفاش يجيب حقو لي كان هو حقنا كامل يسمى نتكلو عليه تع الصح خيرناه وقبلنا انو هو لي يتفاوض معاهم وطلبنا من الممثل تاعنا يكون عند المسؤولية ويريحنا من البحوث القاوية لي راهي تستنى فينا
وبعد ما انتهى الإجتماع لي كان يضم أعضاء من الإدارة وبعض أساتذتنا والممثل الجميل تاعنا لي جا وقاللنا على قرارات مجلس الإدارة
وكانت كالتالي البحوث رح تكون نصف شهرية يعني كل فوج يكون عندو بحثين فقط في الشهر والاساتذة مايعتمدوش غير على بحوثنا احنا اما بخصوص les TP ماكانش عندنا بزاف امكانيات في المخابر تاعنا وهذي طبعا ماخممتش فيها إدارتنا الموقرة قبل ما تدخل
La biotechnologie
في قائمة التخصصات الموجودة عندنا وباش يغطو على هذي الثغرات قرروا باش ينظمولنا عدة خرجات ميدانية نشوفو فيها مخابر واماكن تتعلق بال
Programme
لي كان مقرر لينا
وكانت أول خرجة ميدانية لجامعة السانية بوهران وذلك لمدة أربعة أيام (برك) مع ضمان مكان الإقامة للبنات والذكور
وصلى اللهم وسلم على سيدنا محمد

[[كبْرياء]]

المشاركة الأصلية كتبت بواسطة نينا الجزائرية

الله يسلمكم خواتاتي
ضوك نحطلكم حلقة جيديدة ونحاول مع صاحبة اليوميات الحقيقية تمدهملي كاملة
خاطش راني راح نترك النت والمنتديات للابد ان شاء الله

بارك الله فيك أختي نينا

إن شاء الله تكوني بخير

قرارك أزعجني كثيرااااا

لما الرحيل أختي!!!!

سلامــــ ي..

[نينا الجزائرية]

المشاركة الأصلية كتبت بواسطة إيمان قلب

بارك الله فيك أختي نينا

إن شاء الله تكوني بخير

قرارك أزعجني كثيرااااا

لما الرحيل أختي!!!!

سلامــــ ي..

اختي قرار كان لزاما علي تطبيقه قبل الان
عالم النت لم يخلق لمثلي
لاتنسيني بالدعاء

[[كبْرياء]]

ما عساي أقول سوى ربي يوفقك وينور دربك أختي
إن شاء الله خير
سلامــ ي..

[نينا الجزائرية]

[soltana]

عجبتني ليوميات بزاااااااف بزااااااااااف شكرا لك

[نينا الجزائرية]

الله يستر اختي ومتنحذفش
يقال اش اش اش اش اش لا تقولي لاحد ولا تبلغي عني
ممنوع الدارجة

[soumia chamousa]

الله يبارك فيك اختي
انا تاني نقرا بيولوجي ولي حكيتيه كامل عشتو وشفتي انا مختالفة فيك انو عايشة في لاسيتي ونقعد اسبوع في الجامعة باه نروح
وتمنيت كان جيتي مثلي باه تحكي عليها شوي لانو مغامراتها اكبر من مغامرات الجامعة والدراسة
مشكورة بزاف
وراني نستنى في التكملة شوقتني

[نينا الجزائرية]

المشاركة الأصلية كتبت بواسطة soumia chamousa

الله يبارك فيك اختي
انا تاني نقرا بيولوجي ولي حكيتيه كامل عشتو وشفتي انا مختالفة فيك انو عايشة في لاسيتي ونقعد اسبوع في الجامعة باه نروح
وتمنيت كان جيتي مثلي باه تحكي عليها شوي لانو مغامراتها اكبر من مغامرات الجامعة والدراسة
مشكورة بزاف
وراني نستنى في التكملة شوقتني

الله ينور عليك ختي
نتمني تبقاي وفية لليوميات

[الفارس الجدَّاوي]

المشاركة الأصلية كتبت بواسطة نينا الجزائرية

السلام عليكم
بدات الدروس وكل أستاذ يدخل يمدلنا ال programme ومعاه les exposées لي نديروهم وأكيد الدروس كانت هي نفسها هذوك les exposées
لي نوجدوهم أحنا ونشرحوهم لزملائنا والأستاذ يقعد في آخر القسم وفي نهاية العرض يسقسي كاش واحد مافهمش وكي مايلقى حتى واحد رد عليه يقول كامل فهمو وبعدها يطلب من لي دارو العرض يطبعو البحث ويقسموه على الباقي وهكة يكون هو دار لي عليه يعني كانت كامل الدروس في السنة الثالثة عبارة عن مجهودات فردية


في القسم كنت نقعد انا وفاطيمة في طاولة وحدة وبعدنا تقعد فتيحة مع بنت اسمها رزيقة وفي أول بحث لينا كنا احنا الأربعة مع بعض والبحث كان حول
la migration génétique des pupulation
أكيد من عنوانو باين بلي بحث صعيب حوسنا بزااف ودرنا جلسات طويلة في قاعات الانترنت طبعا الجلسات كان يتخللها شوية بحث في أخبار الفنانين باش نديفولو شوية كي نكرهو يعني ماكناش نحسو كيفاش يفوت الوقت بلا مانكملو البحث تاعنا كيما يلزم ولي عجزنا انو مالقيناش بزاف معلومات فات الوقت وماحسيناش بيه كامل حتى بقا يومين ونقدمو البحث بدينا نجروا ونحوسو في الكتب وتماك لقينا معلومات أكثر من المطلوب وماعرفناش كيفاش نوظفوها كنا رح نستسلمو خلاص بصح لي سلكتنا تع الصح هي رزيقة كانت تعرف وحدة لافامي تعها قارية نفس تخصصنا في وهران سقساتها على هذا البحث وقالتلها بلي صحاباتها داروه طلبت منها تبعثلها نسخة منو في الإيميل وهي كانت ناس ملاح مسكينة بعثاتلونا كيما هو واجد يخصو برك الطبع وهذا كان دورنا احنا أكيد
وجاء يوم العرض طبعنا البحث واعطيناه للأستاذة ووجدنا نسخة اخرى مختصرة نعرضوها احنا بواسطة
power point
جبنا ال
projecteur
وركبنا ال
flash disque
وبدينا بالواحدة تقرا القسم لي حضراتو هي وحفظاتو وأكيد مش مهم تكون فهماتو مدام حضرناه في آخر لحظة
وفي نهاية العرض الأستاذة عجبها بزااااف البحث وشكرتنا وحتى الطلبة قالو بلي فهمنا مليح وكان بسيط وموضح وخاصة كي كان فيه بزاف schéma

يعني الكل فهم البحث ماعدا احنا الأربعة لي كنا نقراو فقط في واش كتبنا لأن ماكانش عندنا الوقت باش نفهمو
وصلى اللهم وسلم على سيدنا محمد

السلام عليكم:
أما كان لها أن تكتب يومياتها باللغة العربية الفصحى، و تعترف أنها و صديقاتها لم يقمن بأي شيء في البحث، أظن أنهن كن يبجثن في الانترنت عن بحث جاهز و الله أعلم.

[ابتهال 33]

شكرا لليوميات الجميلة
تحياتي قرات جزء فقط
ووضعت رد
ساكمل

[نينا الجزائرية]

المشاركة الأصلية كتبت بواسطة الفارس الجدَّاوي

السلام عليكم:
أما كان لها أن تكتب يومياتها باللغة العربية الفصحى، و تعترف أنها و صديقاتها لم يقمن بأي شيء في البحث، أظن أنهن كن يبجثن في الانترنت عن بحث جاهز و الله أعلم.

الله مستعان فليكن في علمك اليوميات كتبتها الاخت ووضعتها في منتدي عربي اعضاءه يكتبون بلهجلاتهم اليوميات وضعت للجزائريين هناك اخي لنا الحق ان نكتب بعاميتنا اما رايك الاخر فالله اعلم لا اعرف عن اليوميات شيء في صدقها او كذبها ان مجرد ناقل
سلام

[نينا الجزائرية]

المشاركة الأصلية كتبت بواسطة ابتهال 33

شكرا لليوميات الجميلة
تحياتي قرات جزء فقط
ووضعت رد
ساكمل

شكرا اختي ربي يحفظك

[نينا الجزائرية]

السلام عليكم
خبر الخرجة تع وهران فرحنا كامل وبدينا نخططو لكيفاش رح نفوتو هذو الأربعة أيام بصح الحاجة لي كانت مخوفتني هي أهلي يعني بابا وماما وخويا كيفاش رح نقنعهم كنت خايفة بزاف ايلا مايقبلوش
وكي رجعت للدار بديت نوجد في مقدمة شابة باش ندخل بيها للموضوع استنيت حتى اجتمعنا كامل على الطابلة تع العشا ولي كان غايب هو خويا برك وهذا كان في صالحي طبعا قلت نقنع بابا وماما بعيدا عن الظغوطات لي يديرها خويا عليهم وبعدما يقتنعو هوما يقنعوه معايا وغير بدا بابا في الحاجة لي يبغيها وهي الفاكية لقيت بلي هذا هو الوقت الوحيد لي أبي مسكين يكون فيه في أسعد حالاتو وقلت نستغل هذي الفرصة ونقلو على الإضراب لي درناه وبديت نحكيلهم وبابا أكيد عجبو الحال بزاف كيفاش ضربنا على حقنا وطالبنا بيه بلا خوف وبطريقة سلمية
وتماك لقيتها فرصة باش نقلو كيفاش كان رد الإدارة بعدما استعرفو بينا وقلتلو في وسط هذي الهدرة كامل بلي اعطاولنا خرجة علمية لوهران باش نزيدو نقراو ونشوفو صوالح ماقريناهمش بابا هضم كامل الفاكية ومعاها الهدرة لي قلتها الحاجة الوحيدة لي كانت عسيرة الهضم هي الخرجة تع وهران خاصة كي عرف بلي لمدة اربعة ايام (كاملة)
وكي دخل خويا ماكانش بحاجة للي يزيد يحكي معاه مدام شاف بلي بابا ماكانش قابل ضربها بسكتة وخلاص
انا تحطمت وكرهت حياتي ونضت لبلاصتي وبلعت على روحي في شمبرتي وقعدت نحكي لأختي كيفاش كامل لبنات رح يروحو ويزهاو ويتعلمو وانا نقعد في الدار اختي مسكينة ماكان بيدها والو بصح قعدت تسمعلي شوية قبل مانلقاها كي العادة رقدت!!!!

في الصباح كي رحت للجامعة لقيت بلي ماكنتش وحدي لي رفضو أهلها حكاية وهران هذي وقلنا نديرو حل في الإدارة اعتبرو الخرجة هذي إلزامية وحطوها
TP
يعني الحضور ضروري وفيه نقطة تدخل في إمتحان اخر السنة بعدما كل واحد يقدم تقرير عن كل لي شافو وتعلمو
في هذا ال
TP
قررنا بعدما سمعنا بهذي الهدرة نروحو ونحكو مع الأستاذ المسؤول على الرحلة وكي قلنالو صنعلنا إستدعاءات ومد لكل وحدة فينا واحد تعطيه لباباها باش يجو ويهدر معاهم ويقنعهم بلي هذي داخلة في قرايتنا ولازم انا اديت الإستدعاء وانا فرحانة خاطر كنت عارفة ومتأكدة بلي بابا غير نوريهلو يقلي روحي وين تبغي برك ماتدينيش معاك
مسكين عمرو ما راح لحتى إستدعاء
رجعت للدار و على وجهي إبتسامة خبيثة بعد ماخرجت الصباح وانا زعفانة وغير جا بابا وريح شوية من الخدمة وريتلو هذاك الإستدعاء زعما كنت عارفة بلي رح يرفض باش يروح معايا للجامعة بصح بابا قالي معليش غدوة نطلب ساعة من المدير ونجي للإجتماع هذا!!!

بديت نقول في قلبي من وقتاش دخلت ثقافة الإجتماع لعقل بابا ولا الإجتماعات تع الليسي ماكانش يبغي يروحلها وتع الجامعة معليش
اواه هذي الحكاية مارحش تفرا على خير
وصلى اللهم وسلم على سيدنا محمد