جزء ****138***من واش طيبتي اليوم ---عيد سعيد وكل عام وانتم بخير ----

[طير الرحمة]

المشاركة الأصلية كتبت بواسطة روضة 88

اهلا وسهلا بطير الرحمة هذي غيبة ان شاء الله تكوني مليحة
و الرويجل راه لاباس اعطيلوا البورتابل وخليه ثمة يسكت .

ربي يخليك حبيبة
انتى الوحيدة الاى لاحظتي غيابي ههههههههههههههه
ربي يحفظه ويكبره فى طاعته

[x ام رحاب x]

المشاركة الأصلية كتبت بواسطة روضة 88

اهلين و سهلين و مرحبتين بام رحاب وش راك يا الفحلة ان شاء الله تكوني عقبت رمضان مليح و عيدت في احسن الاحوال
وش راه اختك لي نهار زيدت ووش راه وليدها.

اهلا بيك يالحبيبة والله انا راني بالف خير واختي تاني راهي بخير هي ووليدها البارح راحت من عندي وانت واش راكي مع البيبي راه معيك ولا لالا ربي يقويك حبيبتي وربي يخليك حنونة يالحنينة

[اسمهان79]

المشاركة الأصلية كتبت بواسطة روضة 88

ام اسلام يعطيك الصحة بصح قوليلي نروح لصخري ولا لدوار السوق.

درت خطرة الصبغة عند لي حالة في التساهمي صبغة عادي بنية ب 200الف. وش رايك

روضة الصبغة وليماش راهم طيارين للسما
وزيد كلش غلا وهوما لا ما يغليوش

[fadila34]

مساء الخير عليكم يا لبنات
بصحتكم تغير اللوك وشركي زينب وام اسلام و روضة ورحمة انا شاء الله ركم ملاح
ننضم معاكم انا كي نكحل عينية يقولولى وركي ريحة عندك عرس ولاعدت ريحة للعرس برنية ونمكيي يقولى الزوج الكريم مولات 4 اولاد ومزالت تحمر هني روحك

[صدفات]

مساؤكم سعيد لبنات والصيام ربي يتقبل منهم زينب الإنسان لازم يجدد حياته
باه ما يملش أما الحفلات انا كذالك العام الماضي وقع لي نفس الشيء كيما انت
عرضتنا وحدة تخدم معي بنتها ربحت السيزيام لما دخلت ما امنتش قلت بلاك انا ما فهمتش مليح و هذا عرس تصورو جايبة المدحات بالآلات والنساء بلبسة
لعراس والذهب لقيت روحي انا و صحبتي سامبل و الله المشيط و ما
ماشي ماشطة لما سألتها قاتلي عندي غير هاذ البنت و حبيت نفرح بيها.
مرات نحس روحي عايشة في عالم خيالي.

[اسمهان79]

المشاركة الأصلية كتبت بواسطة روضة 88

اهلا اسمهان قولياي انت عند من تروحي للحفافة ولا متروحيش.

نروح حبيبتي بصح ماشي بزاف لأني نعرف ندير وحدي في الدار سيغتو المكياج نفنن فيه
وزيد نقولك والله كاين حفافات ربي يهديهم يخرجو لمرا تقولها كنون
خرجنا على الموضوع انا درت حميص وشربة وكروكات بالدجاج وشويت لكبدة على خاطر صايمين
اهدرو شوية على الماكلا لا يحاوزونا من الكوزينة

[اسمهان79]

المشاركة الأصلية كتبت بواسطة روضة 88

اوووو اسمهان انا قالولي منوبة غلقت وكتاه اخر مرة رحتيلها.
مونية هي الحفافة لي قاتلي عليها ام اسلام

والله ما علابالي رغم أنها فاميلت راجلي خخخخخخخ صح عندي مدة
بصح عايشة ما تقوليليش غير في العيد جبت قشي

[صدفات]

عازفة الناي بصحتكم الفطور و ربي يتقبل و طياباتكم ما شاء الله كل شيئ هايل
يعطيك الصحة.
أم سهام عطتيني فكرة لعشاء غدوة نصنع العجينة المورقة السحرية نتاع أم رويدة راهي ساهلة و تخرج هبال.

[ام سمسومة 89]

المشاركة الأصلية كتبت بواسطة روضة 88

ام سمسومة وشكون شايب منعرفهاش

روضة شايب راهي حالة في التساهمي لي لتحت خلاص توال مشروع الجامع لي رايحين يديروه قولي لأم ماجد لاعودش تعرفها ..هي خت هذيك لي حالة توال بكير عرفتيها؟؟؟قالو تدير تهبل الصراحة انا عجبتني ليماش تاعها ولاكوب ملاح دارتلي وحدة عندها دزيرية تدير تهبل مدية الدبلوم في دزاير مام هي مدية الشهادات بزااااف ......كاش سؤال راني هنا

[إلهام07]

مساء الخير حبيباتي ماتتصوروش واش توحشت المنتدى قلبي كلاني عليكم حبيت نقرعج على قواطيطكم وحطتكم المهم صحة عيدكم ولو متاخرة
انا راني اسبوع من قبل رمضان وانا كوموند نتاع قاطو من وراء اختها كملت اول امس اخر وحدة تعبت بزااااااف
وكيما على بالكم نجحت في مسابقة التعليم نهار الجمعة بالسبت بدينا التكوين قتلونا والسخانة يامامي تقتل في هداك المركز اخر يوم كملنا البارح الامتحانات
صرالي مشكل في اوراقي لازم الاسبوع هدا نفريها وربي يستر لا طير بلاصتي لازم نحط الملف نتاعي باش نهز التعيين
وزيد طلبو مني في الخدمة نرجع نخدم هدا الشهر يعني لاراحة لا والو




هدا مختصر الانباء اما التفاصيل ........... ههههههههههه ماتخافوش خلاصو هههههههههه





حنا من التعب اليوم عشانا بربوشة باللبن و دلاع حاااااااف

[زينب 83]

المشاركة الأصلية كتبت بواسطة روضة 88

صباح الخير عليكم

دخلت على جال زينب اولا بصحتك القصة انتاع الشعر

ثانبا و الاهم قوليلي تعيشي يعني ابعثيلي رسالة خاصة قوليلي هذا لفرود وين تقتل يعني المنطقة وهاذ الشابان لي قتلوه حكموعم ولا مزال الامر يهمني.

راني بعثتلك رسالة روضة اما الجناة نظن مازال ماحكمو همش و الله اعلم

[قمر 77]

حبيباتي توحشتكم مووووووووووووووووووووووووت عفوا السلام عليكم
راني بلا نت راني غير نبيراتي من عند لوسي مبصح هو اذن لينا و النت ثقييييييلة
شمس مبروك عليك افتتاح الكوزينة حلوياتك روعة يعطيك الصحة و يعطيها الصحة ماماك و كل عام و انتم بخير حاولت نراجع مبصح الصفحات كثيييييرة تفكرت نهال مبروك عليك ياسمين تتربي في عزكم و ربي يجعلها من الصالحين و لعاقبة ام احمد وصال ربي يسلك وحلها
واقيلا سجا كانت تسقسي على عادات الدزاير فالنفاس انا عندي سنين طويلة هنا و واولادي كامل زادو هنا و رحت لكامل انواع طبقات المجتمع كل واحد يدير حسب طاقتو لا صال لا والو النسا ديرولهم قهوة يبداو عادي بالعصائر و الصالي او الملفاي كل واحد وش يحب و يحطو القهوة وع باطة القهوة و رجعو يحطو المسمن و القاطو سيك و مبعد كي يعودو خارجين يمدو البياط نتاع الحلوى و مبعد التاي مع الطمينة و المقروض و كاين اللي يدير السيقار و حضرت عند ناس من الشرق الاسبوع حطو الطمينة مع الزير اول مرة نذوقو روعة
اما الرجال غالبا يعرضوهم في مطعم اذا الدار صغير او ماكاش العوان انا عرضت فالدار يديرو الشوربة و الطعام اي الكسكس هنا يحبو الابيض و كل واحد و مقدورو و ربي يسلك وحل ختك ان ششاء الله

[قمر 77]

ام تاجو عظم الله اجركم انا لله و انا ايه راجعون ربي يتقبل جدك و يثبتو امين
خيتي اكبرت فيك تصرفك ربي يقويك و يصبر قلبك راكي حرت الحراير ربي يكملك و يسلك وحلك و يرزقك بالذرية الصالحة و السليمة

[saja hamed]

المشاركة الأصلية كتبت بواسطة قمر 77

حبيباتي توحشتكم مووووووووووووووووووووووووت عفوا السلام عليكم
راني بلا نت راني غير نبيراتي من عند لوسي مبصح هو اذن لينا و النت ثقييييييلة
شمس مبروك عليك افتتاح الكوزينة حلوياتك روعة يعطيك الصحة و يعطيها الصحة ماماك و كل عام و انتم بخير حاولت نراجع مبصح الصفحات كثيييييرة تفكرت نهال مبروك عليك ياسمين تتربي في عزكم و ربي يجعلها من الصالحين و لعاقبة ام احمد وصال ربي يسلك وحلها
واقيلا سجا كانت تسقسي على عادات الدزاير فالنفاس انا عندي سنين طويلة هنا و واولادي كامل زادو هنا و رحت لكامل انواع طبقات المجتمع كل واحد يدير حسب طاقتو لا صال لا والو النسا ديرولهم قهوة يبداو عادي بالعصائر و الصالي او الملفاي كل واحد وش يحب و يحطو القهوة وع باطة القهوة و رجعو يحطو المسمن و القاطو سيك و مبعد كي يعودو خارجين يمدو البياط نتاع الحلوى و مبعد التاي مع الطمينة و المقروض و كاين اللي يدير السيقار و حضرت عند ناس من الشرق الاسبوع حطو الطمينة مع الزير اول مرة نذوقو روعة
اما الرجال غالبا يعرضوهم في مطعم اذا الدار صغير او ماكاش العوان انا عرضت فالدار يديرو الشوربة و الطعام اي الكسكس هنا يحبو الابيض و كل واحد و مقدورو و ربي يسلك وحل ختك ان ششاء الله

شكرا حبيبتي قمووورة ربي يجازيك ضرك نقولاها

[Om moussaab]

المشاركة الأصلية كتبت بواسطة روضة 88

اهلين وسهلين بام مصعب وش راك بصح قبل صحة عيدك وكل عام وانت بالف خير.

عشائي همبرغر.

اهلين روضة عيدك مبارك تعيدي وتزيدي وشراكي وشراه وائل