واش طيبتي اليوم?الجزء92 كواليس عيد الاضحى*** - الصفحة 105

lyzzabel · 2014-10-12, 18:22

ام باسم هداك فيلي رولي تاع الخروف خخخخخ كاين 2

باسم وبيسان · 2014-10-12, 18:29

[color="magenta"]بما انا الكوزينة فارغة انى رايحة ندييييير واش حبيييت[/color]
باسم هز صحن من فرن ليزا وزرب لايحكمونى
بيسان يلهى نوعييينى شوية من ام ماجد وجيادا وبيبا4 ...............
حبسس حبس وقيلا حكمونى ماتقولوليييييش ماديتوش شوية فاكهة نصهرووو بيها هيا لولاد ياخى ماخليتووو حىتى علامة تاع السرقة اقفلووو باب الكوزينة
مااما درنى كلشى ازربى الهربا تسلك

أم ياسين الزهراء · 2014-10-12, 18:40

ليزا مادرتي في اممممممممممممممممممممممممممم سبقتني الهام الموصيبة في الهبرة تسخف يعطيك الصحة

لبنات اللي باركولي ربي يحفظكم بصح وين راه الكادو ههههههههههههههههههههه

لبنات خلو الكوزينا لام رويدة باش تحلها مانضنش ام كوثر ماتقبلش بصح راهو لازم تستادن هكى نتنضمو

صحى عشاكم عشايا فيلي مقلي مع الفريت ولعشية درت خبز الدار بسميد مولا واوووووووووووووووووو جاني روعة

باسم وبيسان · 2014-10-12, 18:55

اقتباس:

المشاركة الأصلية كتبت بواسطة lyzzabel

ام باسم هداك فيلي رولي تاع الخروف خخخخخ كاين 2

كيفاه درتيه تكلوه بالصحة والهناء

lyzzabel · 2014-10-12, 19:25

ههههههه ام باسم غفلتي الحالة و خليتي الكوزينة و ديتي الجمل بما حمل ههههههه مااااااينة عليك اتاريكي نتيا و وليداتك عصابة مالكباااار ههههههههه بصحتكم
الفيلي خليته كومبلي يعني ما فصلتش كل طرف على خوه ،، كيما فصله البوشي نقيته و نحيت له الشحم الزائد و تبلته بخليط متكون من مارغرين طرية و ملح و فلفل اسود و شوية كمون و شوية قرفة مطحونة و طليته كاااامل يعني ريكتو فارسو ههههه ،، و حضرت الحشو لي هو بصلة و فصوص ثوم مقطعين رقييييق و ملح و فلفل و كمون و معدنوس و خلطت مليح ،، حطيت الفيلي على جهة الجلد لي من برا و حطيت الحشو على كامل الوجه لي من فوق و روليته و زدت حطيت الحشو لي بقى من فوق و هاد الشي كامل في صينية الفرن لي يطيب فيها ،، تقدري تحكيمه بخيط انا ما حكمتهش ما توفرش عندي مي لازم تديريه و تضيفي عليه شوية ماء و غطيه بالالمنيوم و الى الفرن ،، درجة الحرارة تكون عالية بالأول و من بعد نقصيلهاعلى 200 درجة و خليه يطيب على مهل ،، لازم تحضريه بكري باش يأخذ وقته فالطياب ،، لاكان نشف الما قبل ما يطيب الفيلي زيديله شوية و حمريه بلا ما تيبسيه و ممممممم شهية طيبة

حياتي نبع امل · 2014-10-12, 19:44

اسلام عليكم
صح عشاكم
انا درت معكرونة بصوص التونة والبازيليك الايطالي امممممممممممممممممممممم بنة روعة

حياتي نبع امل · 2014-10-12, 19:51

وهدا اصيص البازيليك تاع ايطاليا مخلياتو غير لي صوص تاع لي Pات ولا البيتزا

yasmalak · 2014-10-12, 20:06

حياتي كلها امل اممممممممممممم على هديك المقارون انا اصلا نحبها و تاعك سخفتنييييييييي

حياتي نبع امل · 2014-10-12, 20:09

ياس ملاك بصحتك ادى الصحن بصحتك جات بنيينة تهبل

أم هبوبة · 2014-10-12, 20:20

صح عشاكم بيبا الله يكثر خيرك و ان شاء الله نكونوا كنا ضياف خفاف ظراف في كوزينتك و الله فوتنا اجواء العيد رائعة كانه كنا في دار واحدة نتخيلوا رواحنا قاع الجيران و نسكنوا في حوش واحد كيما دار السيبطار و الله غير نهولها الله يعطيكم الصحة كامل بدن استثناء
عشايا درت الزيتون و قليت شوية فريت و درت سلاطة بيطراف و لله الحمد

وهدا عشايا نتاع البارح

yasmalak · 2014-10-12, 20:20

حياتي كلها امل بلا ما تقولي راهي تبان بنينة راني طرت بالطبسي ههههههه

طير الرحمة · 2014-10-12, 20:57

بـــريــــوش بالبـــطـــاطـــا
المقـــاديــــر
750 غ من الدقيق مايعادل 5 أكواب (فرينة)
250غ من البطاطا المسلوقة
130غ من السكر مايعادل ثلثي كوب
10 سل من الحليب مايعادل ثلثي كوب
3 بيضات
30غ من الزبدة مايعادل ملعقتي طعام مذابة
نصف ملعقة صغيرة ملح
20غ من خميرة الخبز مايعادل ملعقة طعام
للتزييـــن
بيضة كاملة
كمية من حبوب البافو يمكن تعويضها بالسمسم
طــريقـــة التحضيـــر
نقوم بهرس البطاطا بشوكة جيدا ونقوم بخلط الدقيق مع الملح وبعد ذلك نضع البطاطا المهروسة في الخلاط الكهربائي او يمكن استعمال اليد لعجن الخليط (الطريقة التقلدية للعجن) ونضيف إليها البيض والحليب الدافئ وخميرة الخبز والزبدة المذابة والسكر ونقوم بخلط جميع المكونات مع بعض حتى تندمج وبعد ذلك نقوم بإضافة الدقيق تدريجيا مع الخلط وبعد الانتهاء من كمية الدقيق نرفع من سرعة الخلاط ونتركها تعجن لمدة 10 دقائق وبعد ذلك نقوم بإزالة العجين ونقوم بجمع العجين وذلك برشه بالقليل من الدقيق وبعد ذلك نأخذ إناء ونقوم بدهنه بالزيت ونضع فيه العجين وندهن العجين بالزيت من فوق ونقوم بتغطيته بالبلاستيك الغذائي ونتركه يتخمر حتى يتضاعف حجمه لمدة نصف ساعة وبعد انت تخمر العجين نقوم برش سطح العمل بالقليل من الدقيق ونأخذ العجين ونقوم بتقسيمه على نصفين ونقوم بتقسيم كل نصف الى قطع متساوية ونقوم بتشكيل حبات البريوش على شكل كرية ونقوم بعد ذلك بوضعها في طبق الفرن الذي وضعنا فيه ورق الزبدة ونقوم بتغطيته ونتركه يتخمر لمدة ساعة وبعد ان اختمرت حبات البريوش نكون قد حضرنا الفرن على درجة حرارة 180 درجة ونقوم بدهن حبات البريوش بالبيض وتزيينها بحبوب البافو ونقوم بإدخالها الفرن لمدة 12 الى 15 دقيقة وبعد انتهاء المدة نقوم بإخراج حبات البريوش
كانت هذه وصفة البريوش بالبطاطا اتمنى ان تنال إعجابكم
وبالصحة والهنا
منقووووووووووووووووووووووووووووووووووووول

yasmalak · 2014-10-12, 21:20

هده على لسان سارة

[size="5"أخواتي حبيباتي صح ماندخل معاكم ولكن توحشتكم والله ياك موش من عادتي نفارقكم دارتها بيا الصحة والغربة بدأت الدموع شكون تجي تعننقني ونبدا ؤمانحبس هههههه توحشت أم ماجد أم ياسين الزهراء أم سهام أم إسلام وأية وليزابيل وسوحا وام طيري ونهال وام محمد تاج المهم الكل عصرت مخي هادا مالقيت هههه لأنو الأخريات عندي تواصل معاهم في عمي فيشششبوكي أيا ادعولي الله يفرحني ونشوف عزيزي صهيب باقي ليا اسبوعين وندخل شهري بواش تنصحوني][/size]

lyzzabel · 2014-10-12, 21:48

حياتي مممم المقارون راه يشهي انا جامي درته بالتونة الا مين نديره سلطة و تاني يجي ممممممم ،، بصحتكم حبيبتي

ام هبوبة على سلامتك بصحتكم كلشي راه يشهي الله يبارك و يعطيك الصحة على واش طيبتي

حبيبة قلبي سارة ربي يكملك بالخير و يسلك وحايلك و تقومي بالصحة و السلامة انت و البيبي و كل الحوامل ياااااارب ،، و نصيحتي ليك يالحبيبة تاعي كي تدخلي لشهرك امشي بزاف مشي حتى تطيحي هههههه و كولي التمرررر قد ما تنجمي صباح و عشية و في اي وقت راه ملييييح للطلق ووووووو راكي فاهمة هههه و ربي معاك غاليتي و موااااااح حنا تاني توحشنااااك و توحشنا رقة قلبك يا العزيزة

حناااان شكرا على نقل الرسالة في ميزان حسناتك حبيبتي الغالية

تصبحن على الف خير و الى الملتقى بإذن الرحمن ربما في كوزينة غاليتنا ام رويدة

اللهم اني أسالك الهدى و التقى و العفاف و الغنى

قمر 77 · 2014-10-12, 22:00

سلام بيبا يعطيكالصحة على هذ الكوزينة اللي كانة لمتها لمت خير و كنت فيها احسن مضيفة ربي يحفطلك الميمة بوسييييهالي و البنوتة الحلووة ربي ايكبرها في طاعتو لعاقبة لكوزينات اخر نشالله