وصفات من حراير مطبخ وش طيبتي اليوم

[oum batoul]

ارجوكم جاوبونى على سوالى

[oum batoul]

النت ضعبفة وااااااع

[oum batoul]

هل من مجيب

[ام سراج وملاك]

بيسكوي رولي yasmalak

طلعي 6 حبات بيض يكونو داففيين مع قرصة ملح وشوية فاني
طلعيهم ملييييييييييييييييييييييييييييييييييح
انا نخليهم 10 دقايق فالبيتران
كي يطلعالبيض زيدي 150 سكر
و كملي خلطي
و غربلي 150 فرينة زوج خطرات والا تلاتة
وادا حبيتي تديريه كحل كيما درتو نحي مغرف فرينة و عوضيها بالكاكاو
و زيدي الفرينة المغربلة للبيض على 3 دفعات وخلطي غير بلعقل
و ديريهم في سنيوة تكوني درتي فيها بابيي فيلم بيانسيير
و طيبيه
ماتطوليلوش الطياب اومباعد يتكسرلك
غيير قيسما ينشف كي تدخلي الموس يخرج ناشف
كي يطيب نحيه و حطيه على بابيي فيلم وحدوخر مرشوش بالسكر قلاصي
و رولييه بييه و زيدي روليه في طرششونة مندية و خليه شوية باش يشد لا فورم
اومباعد ديري 3 بوات ياغورت و شوية حليب وخليهم يبردو مليييييييييييييييييييييييييييييييييييييييييييييييي يييييييييييح
انا نخليهم حتى يديرو طبقة تاع جلييد
اومباعد ابداي تزيدي فالشونتي حتى تطلع مليييح و تجي عاقدة
الياغورت يعطيها بنة تهبببببببببببببببببببببببببببببببببببببببببببببببب ببببببببببببببببببل
خير من الحليب
حلي الرولي تاعك و اسقيه بشاربات باردة
و ادهنية بطبقة تاع شونتي و روليه
و غلفيه بالشونتي و شبحيه
كيما شفتي انا درتلو جوز مفتت لداخل
و رشقت حبات جوز على الاطراف
و درت خطوط بالشوكولا

[مونيا غنية]

ربي يحفظكم

[ام سهام 02]

المشاركة الأصلية كتبت بواسطة roseluise

معذرة معذرررررررررررة الف مرة لقد استفدت الكثير منهذا وذلك لااعرف كيف اضع موضوعا وفي بعض الاحيان ينقطع التواصل بسببالمنتدى المبارككان بامكاني المشاركة ولو باعمال اخرى غير الطبخ وعندي منها الكثيرة ولكن ما باليد حييلةسرقة كابل التلفون مرارا وتكرارا اااااااااااااسفة الف مرة ومعذرة مرة اخرى اذا كانت اخطاء في الكتابة وذلك ليس لدي كلافي بالعربيةواذا كان بامكانكن ارسال لي كيفية وضع موضوع في منتدنا الرائع وافيد كما استفدتوشكر شكرا ومعذرة بنتي العزيزةidron0 هيا ابتسمي المسامح كريم اليوم هنا وغدوة لهيه اااااااااااااسفة

بلاجميل رانا كامل عايلة وحدة وبالنسبة لطلبك كاين لتفهم في هذو الامور اكثرمني كيدخلو يفهموك

انت والدة ايدرونو ?

[ام سهام 02]

ام سراج وملاك ربي يجازيك كل خير على المجهود المبذول

[idron0]

الفوندون ام محمد تاج

حطي السكر قلاصي تاعك في غميقة ومعاه رشة فاني ورشة ملون ابيض وضيفي الحليب بالقطرة لازم يجيك ثقيل بزااااف كيما تاع القلاصاج ويجيك حاكم روحو مليح مليح

وبالنسبة للاسود حطي السكر تاعك في غميقة وضيفيلو مغرف صغيرة كاكاو وضيفي الحليب حتى هو لازم يجي شاد روحو بالتوفيق .

[idron0]

بيسكوي رولي ام سراج و ملاك

هاذي الوصفة نتاعي سهلة كنت شفتها في قناة سميرة وجربتها عدة مرات
المقادير : 4حبات بيض كبار او5 اذا كانو صغار نطلعهم مليح بالبتار مع ذرة نتاع ملح كي يطلع الخليط نضيفو كاس سكر عادي نضيفوه بشوي ونخلط بالبتار حتى نكمل كمية السكر والخليط يولي لونو ابيض وثقيل نزيدو مغرف فاني ونحبس البتار ونضيفوكاس فرينة مع نصف مغرف خميرة نتاع القاطو ونخلط بمغرف من جهة نكونو وجدنا صينية نتاع فور مربعة الشكل ندهنها بالزيت ونفرش ورق الزبدة كي نفرش ورق الزبدة ندهنها بالزيت ونصب الخليط نتاع بيسكوي رولي وندخلو الى الفرن الفرن تكوني حليتيه من قبل باش يكون سخون دخلي ه الى الفرن حوالي 15 دقيقة يكون يحمار منفوق وتحت كي يطيب حطيه يبرد شوي و ابدي رولي فيه نحيه من ورق الزبدة بشوي ورولي عاودي حليه وديري في الوسط كريمة وروليه وديريه في الثلاجة كي يبرد اجبديه من الثلاجة وقطعي طرف بالسكين وديري كريمة وديري تموجات بالفرشيطة من فوق وذري الشيكولا مسكرفجة
بالنسبة لكريمة انا درت 100غ كرام شونتي + باط فلان شيكولاطة + نصف علبة شكولاطة ذائبة + كاس حليب بارد وطلعتهم بابالبتار حتان ولا الخليط ثقيل درتهم في الثلاجة ثم زينت بيهم
تقدرو ديرو ذوق فراز باضافة باط فلان فراز بدل من فلان شيكولاطة او يمكن انكم ديرو ذوق كرامال باضافة كاس فيه حليب مخلط مع علبة نتاع دانون ذوق كرامال طبعا تضيفوه للكرام شونتي
اويمكن ديرو معجون في وسط وتروليو ومن فوق ديرو سكر ارطب

[oum ibrahim]

عجينة البيتزا

sara Queen

4كيسان فرينة مغرف كبيرة خميرة فورية + واحدة سكر + واحدة صغيرة ملح + بيضة + شكارة خميرة تاع القاطو +4مغارف كبار زيت + لبن دافي للعجن لازم تتعجن ملييح و تكون طرييية خمريها نص ساعة و شكليها ديبول و خليها تريح شوية برك وابداي تخدميييي
المهم تحليها رقيقة و تخليها قبل ما طيب 10 دقايق تجي خفييييفة تذوووب فالفم امممممم

[idron0]

بقلاوة yasmalak
الوصفة تاع فارس مع شوية تغييرات برك
ديري 5 كيلات فرينة مغربلة انا درت سنيوة شوية صغيرة ماشي كبيرة سما درت كاس تاع قهوة مع 3 مغارف كبار لحظة و حبة بيض و نص كيلة سمن دايبة و لمي كللللش بالما مخلط بالماء زهر حتى تولي عندك عجينة طريية اقسميها على 12مورصو يكونو صغاار ماشي كباار و خليها تريح
في هداالوقت وجدي الحشو انا درت 3 كيلات جوز مع نص كيلة سكر و فاني و لمي بالما زهر يولي عندك خليط ماشي حاكم روحو
ولي للعجينة تاعك للطبقة التحتانة اخدمي ب 6 مورصوات تاع العجينة حليهم كامل فالرقم 2 مور ما تكوني رشيتهم بشوية نشا اومباعد حليهم فالرقم 4 اومباعد 6 اومباعد 7
كي تلحقي للرقم 7 ولي كل شريط رشيه بالنشا واطويه على زوج و زيديي رشييه بالنشا و كملي سما يولو عندك 6 شرايط ملويين على زوج سما 12 طبقة حلييهم مليييييييييييييح بالحلال و حطيهم في سنيوة مدهونة بالسمن وديري فوقها الحشو و كملي ديري الطبقة الفوقانية بالعجينة اللي قعدتلك بنفس الطرييقة
اسقسيها بالسمن دايب قطعيها كي تقطعيهم غطسي راس الموس فالسمن وقطعي و شبحيها كيما تحبي وزيدي اسقيهابالسمن بارسكو هو اللي يخليها تتورق
و الطياب اناطيبتها على 200 درجة كي بدات تحمار غطيتها و نقست للفور حتى طابت مليييح وعاودت عريتها و خليتها تتحمر
و كنت موجدة العسل وهده طريقة مااما اسهل منها ما كاش ديري 5 كيسان سكر وكاس ماء و شقفة قارص وخليهم يغلو كي يولي لونهم دهبييي كيما تحبيه و طفي النار و نحي القارص و زيدي كاس ما وحدوخر و حركي مي بالاااااااكي يقيسك بارسكو يطيييييير بزااف.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[idron0]

باركات السميد و الجاج om wassim

إضغط هنا لرؤية الصورة بحجمها الطبيعي.
مالداخل
إضغط هنا لرؤية الصورة بحجمها الطبيعي.

100غ سميد متوسط،1/2 ل حليب، ملح 2 صفار بيض،فلفل اسود
الحشو : نقلي بصلة متوسطة حتي تتكرمل ثم نضيفولها صدر دجاج مقطع و ملح فلفل اسود و قرفة كي يطيب نمرسوه و نضيفولو جبن قطع و جبن مبشور و كمية من المعدنوس المقطع
العجين: نحطو السميد و الحليب و الملح و الفلفل اسود في كاسرونة نخلط مليح و نديرهم فوق النار و نخلط حتى تثقال ثم نضيفو صفار البيض و نخلطو العجينة ما جيش جارية بزاف
التشكيل: تاخذي المول تاع لي باركات تدهنيهم و تاخذي العجين تفرشي منو طبقة رقيقة و تحطي الحشو و تغلقي بطبقة من العجين رقيقة و باه مايلصقش فيديك شمخيهم بالماء
منبعد هاذوك البركات حطيهم فالمجمد حتى تلقيهم جمدو نحيهم من لي مول و ديريهم فبياض البيض و الشابلير و قليهم فزيت سخون و نقصي النار باه يطيبو مالداخل
البنة روعة و انا نعمل كمية كبيرة و كي يجمدو نحيهم مالمول و نديرهم في ساشي فالمجمد كي نحب نطيب نجبد
و الحشو كيما تحبي مي انا هذا لي يعجبني المذاق تاعو
بصحتكم .

[قمر 77]

Idrono انت رااااااااااائعة شاركي في الكوزينة معانا ولو مرة عاى مرة انك مثل جنود الخفاء بارك الله فيك

[ام سراج وملاك]

ارز بالكوسة المحشية ghorba

أرز بالكوسة المحشية
نقطع الكوسة إلى قطع دائرية ، نفرغها من الداخل ، نحط عليها ملح وزيت زيتون وندخلهم للفرن بعد ما أنغطيهم بورق الألمنيوم
نحضر حشو للكوسة : نشوح بصل مفروم ، لحم مفروم ، بهارات، فلفل ،ملح ، معدنوس
عندما تطهى قطع الكوسة نملاها بهذا الحشو ونحط حبة زيتون في الوسط، ونرجعهم للفرن يتحمرو بدون ورق الألمنيوم
نحضر صلصة للأرز بالكسبرة ، طماطم مفرومة ، بهارات، بصل ، ثوم وفلفل وزيت نشوحهم مع بعض ثم نضيف أرز مطبوخ ونحرك ونخلط فوق نار هادئة حتى يمتص كل الصلصة
ونقدم الأرز مع قطع الكوسة المحشية

[idron0]

الكرواسون ام ابراهيم

الكرواسون طبقت الوصفة حرفيا oum anas69
https://www.djelfa.info/vb/showthread.php?t=1243744
نهار من قبل وجدت عجينة التخمير مادرتش 250 غ فرينة بانتلي بزاف درت 2 مغارف فرينة مغرف خميرة مغرف سكر و بليت بالماء دافيء تحصلت على خليط جاري نوعا ما غطيتو و دخلتو الثلاجة
في الغد جبت ميزان و بديت نحط المقادير بالظبط مازدت ما نقصت انا درت نصف المقادير ككما دارت ام انس و خلطتهم ثم عجنت العجينة بيدي ماعنديش بيترا و غطيتها و دخلتها الثلاجة تريح
الزبدة عجنتها بيديا مليح حتى بياضت ثم درتها بين ورق الطهي و غطيتها بواحد اخر و حليتها بالحلال على شكل مربع و دخلتها حتى هي للثلاجة بعد نص ساعة خرجت العجينة و الزبدة و طبقت الدورة المزدوجة و رجعتها للثلاجة و بعد نص ساعة عاودت جبدتها و طبقت الدورة البسيطة هنا العجينة صارت جاهزة للاستعمال
خرجتها قسمتها على 2 جزء درتو كرواسون و جزء بتي بان فقط لما تحليها ماترققيهاش حوالي 0.5 سم
دهنت البلا نتاعي بالزبدة احسن من الزيت انا دايما في البريزش و انواع الخبز تعجبني الزبدة وحطيت فيه الكرواسون و البتي بان دهنتهم بالخليط نتاع البيض و القهوة و غطيتهم ببلاستيك و زدت فوقهم منديل و خليتهم في درجة حرارة المطبخ يخمرو مدة ساعتين ام اكثر انا هداك النهار كنت مزروبة و الا كنت خليتو اكثر كاين حتى الي يدخلوه الثلاجة يبات و غدوة من داك يطيبوه وقت التخمير عندو دور كبير في نجاح االمعجنات بصفة عامة
الفرن كنت سخنتو من قبل على 200 د لما خمر الكرواسون عاودت دهنتو و دخلتو للفور هو مايطولش و يطيب اذا ماتحمرلكش من فوق شعليلو و لما خرجتو دهنتو بلاجولي او العسل .

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.