~~واش طيبتي اليوم؟! الجزء 91 اهلًا اهلًا بالعيد~~ - الصفحة 101

kaouka · 2014-10-05, 06:32

صباح الخير رياحين عيدكم مبارك وكل عام وانتم بالف خير تعيدي وتزيدي وشراكي وشراهي بنتك ربي يجيبلها شفاء

chez biba · 2014-10-05, 06:36

السلام عليكم ورحمة الله وبركاته
صباح الخيرات وربي يعينكم ويتقبل منكم

ام ماجد ربي يعزك ويخليك لاولادك ولينا ان شاء الله
ام رحاب شكرا لدعوتك للجميع ولك بالمثل
ام ياسين الزهراء، ام سهام، دائمة الحمد، ام رياض، ام الهضاب ، ام محمد تاج، ام ريمة ربي يحفظكم انتوما البركة تاع المنتدى وقدوتنا
سلامي لكل الغاليات دون استثناء

اليوم ان شاء الله غدانا عند ماما بربوشة بيضاء امممممم

chez biba · 2014-10-05, 06:38

صباح النور كوكا ان شاء الله اليوم راكي لا باس حبيبتي، واش راه ولدك ربي يحفظهولك

kaouka · 2014-10-05, 06:53

صباح الخير biba صح عيدك كل عام واني بخير والله الحمد لله ونتي وشراكي وليدي رهو رقد قتلو لوكان جيت في لبﻻد رك تلعب مع ولد عمومو الله يبرك في بزاف كي عاد وحدو ره رقد العم الجي نشاء الله نعيدو تم

kaouka · 2014-10-05, 06:58

اقتباس:

المشاركة الأصلية كتبت بواسطة أم ماجد

كواليسي من قلب الحدث نتمنى تستفادو لبنات
والقرعاجات غير ردوا علينا رانا نتعبوا بزاف

علاحالكم كلمة شكر تشجعنا على العطاء اكثر

وراني عملتها في السنة الماضية في نفس الليلة اللي تذكرت تهز يدها هههههههههههههههه
نتمى الاخت اللي سالتني البارح على العرضة والله نسيت اسمها تشوف الكواليس وتستفاد منهم

الكمية الصغيرة تاع اللحم نطيب معاها الخضر الخرشف واللفت والحمص

الله يبارك يعطيك الصحة يام ماجد ربي يفرحك في ولدك كيما ركي متفكرتنا رنا ندعيولك من القلب ركي عزيزة شفتي لوكان جيت تم تلقيني نطبطب في الباب نتغدا ونروح بﻻ عرضة خخخخخخخخخخ صح يعجبني ماجد يحب يصور :d مسكين في وجهو البراء تاع صغار ربي يحفضولك وتشوفيه في اعﻻ المرتب

biba04 · 2014-10-05, 07:41

عيدكم مبارك كل عام وانتم بالف الف خير ينعاد عليكم بالصحة والعافية
ام ماجد مشاء الله عليك ديما مزهية الكوزينة بالكواليس ربي يحفظك بنات لي حطو الحلويات راني شفت على السريع مبعد نثبت مليح
ونطلب الوصفات
غدايا اليوم عند ماما دارت كسكس بالكتف وشواء من عند خاوتي مع انا مانكلش اللحم الاحمر

biba04 · 2014-10-05, 07:59

صور
الحلويات من عند امي

هدو حلويات عمتي زرت كامل العايلة البارح وصورت غير حلوياتها وين نروح ننسى
نصورلكم

omomnia15 · 2014-10-05, 08:03

صباحكن سعيد يا الشاطرات وان شاء الله راكم ملاح انا صبحت وعظمة رايحة وحدها
ام ماجد الله يبارك عليك والله فحلة العيد كامل انقلتيه على المباشر ربي يعطيك على حساب نيتك
الكل بصحتكم واش رايحين اديرو وتاكلو واطيبو انا فطوري شوا وقليان كي نقسموا الجزرة كل واحد يدي قطعة ويروح يخدمها وحدو يحبو يفرحو بالاجواء وبعد الفطور نروح لدارنا نغافري اهلي ذرك كامل نتلاقاو ثمة البارح رحت عند شخي

Aya69 · 2014-10-05, 08:28

صباح الخير عليكم ويعطيكم الصحة كل وحدة باسمها
وخص نص لام ماجد ربي يحفظلك أولادك وزوجك ويبعد عليكم كل شر يا رب ويجعل أيامك دائماً أفراح ان شاء الله

Aya69 · 2014-10-05, 08:30

نتمنى ام ماجد تفتح الكوزينة الجاية وتمعنا باطباقها وش قلتوا يا لحراير

*جوهرة الجنة* · 2014-10-05, 08:37

عيدكم مبارك كل عام وانتم بالف الف خير ينعاد عليكم بالصحة والعافية

يعطيكم صحة كامل وخاصة صاحبة الجود والكرم والقلب الطيب ام ماجد زهتونا الكوزينة ونستونا في الغربة الله يزيدكم من نعيمو

*جوهرة الجنة* · 2014-10-05, 08:42

عيدكم مباك كوكا ايه كي فوتو العيد البارح انا فوته قاع فدار دبحنا الحمدالله وفلعشيا قطعت الجزرة ودخلت لي كتبلي ربي فالونجيلاتور

ولي راح نسدقو حطيتو اكوتي وذا كتب ربي نروح نغافر اليوم

Oum yousra · 2014-10-05, 08:54

صباح الخير

*جوهرة الجنة* · 2014-10-05, 09:03

صباح الخير وعديك مبارك سعيد Oum yousra

مرام 1987 · 2014-10-05, 09:36

اقتباس:

المشاركة الأصلية كتبت بواسطة أم ماجد

لبنات صور كواليس العيد في دارنا

جدة ماجد ترحب بيكم

هذا عشانا في داري

بصح شوية مالح خدمة روزا

صح عيدك أم الجود
الله يبارك كلشي روووووووعة راكي نحيتي علينا وعلى بنات الغربة نحيتيلنا الغمة ربي يسترك ويحفظك ويستر وليداتك ومولا بيتك يااااااارب
بصح قوليلي روزا واقيلا واعرة

على بيها دارت الماكلة مالحة هههههههه