جزء ****138***من واش طيبتي اليوم ---عيد سعيد وكل عام وانتم بخير ----

[حجوطية65]

راني شفت احدى الاحوات عملت الصا بلي الفلان فراز اعطوني الرابط ربي يحفظكم

[sabrina206]

المشاركة الأصلية كتبت بواسطة حجوطية65

راني شفت احدى الاحوات عملت الصا بلي الفلان فراز اعطوني الرابط ربي يحفظكم

السلام عليكم أخواتي الكريمات
ما شاء الله على طياباتكم و طلتكم البهية
ربي يصونكم و يبارك فيكم
أختي الصابلي تاع الأخت فايزة 44 تلقايه في الرابط التالي
https://www.djelfa.info/vb/showthread...712996&page=40

[ساجده 82]

مراحب اختي fadila 34 الله ينور قلبك

[ام افنان48]

سلام أخواتي من فضلكن اريد وصفة ليكك الملفوف بالكريم شونتي

[اسمهان79]

[quote=ام افنان48;3994038444]سلام أخواتي من فضلكن اريد وصفة ليكك الملفوف بالكريم شونتي[/quote

أهلين حبيبتي
بسكوي رولي بلاكرام شانتي
طلعي 6 بياض البيض مع رشة ملح ودعيه جانباً
خلطي بالباتور 6 صفار البيض ثم اضيفيلو 120 غ سكر
ثم 120 غ فرينة و1 م ص فاني خلطي ثم بملعقة سيليكون أو خشبية اضيفي البياض المخفوق على 3 دفعات وخلطي من تحت لفوق غير بلعقل
اطرحي ورق الطهي في بلاطو ثم فرغي الخليط واعدليه ودخلي للفور مدة 10 د حتى ل 15 حتى
لما يطيب اقلبيه على طرشون مبلول وروليه بيه ب الطرشون وخليه يبرد
طلعي الشانتي نتاعك بالحليب البارد واطلي البسكوي ثم عاودي روليه وزيدي اطليه من فوق واعملي خطوط بالفرشيطة بالطول وذرذري الكاكاو بالصفاية
و ممكن تزيني ب الفواكه
وصفة ناجحة و عن تجريب ولذيذة أكيد

[حجوطية65]

شكرا لك صبرينة 206 ربي يحفطك

[اسمهان79]

أم سهام البنة والريحة وصلت لعندي بصحتكم الطعام
عزوفة حبيبتي كيفك وكيف الأهل ويارب يكون الوالد والام بخير
صبرينة شكراً على الرابط كفيتي ووفيتي بارك الله فيكي
حجوطية صبرينة قامت بالواجب الشكر لها
فضيلة مساء الأنوار حبيبتي
أم وابنة الف شكر على وصفات السلايط في ميزان حسناتك يا رب
أخت وداد أهلين حبيبتي منورة الصفحة

[ام سراج وملاك]

اهلا بيكم توحشتكم ان شاء الله تكونو كامل بخير راني كنت متبعتكم من بعيد راني مع توجاد عرس خويا قرب السمانة الجاية الفاتحة وراها نديرو العرس ان شاء الله
اسمهان كنت نشوف في مواضيعك كشما نلقى جديد قابلتني شخشوخة بني مسايل سخفتني فيها يعطيك الصحة
ام ساجد مبروك على اختك ازربي حطيلي القاطو نشوف كشما جديد

[fadila34]

المشاركة الأصلية كتبت بواسطة ام سراج وملاك

اهلا بيكم توحشتكم ان شاء الله تكونو كامل بخير راني كنت متبعتكم من بعيد راني مع توجاد عرس خويا قرب السمانة الجاية الفاتحة وراها نديرو العرس ان شاء الله
اسمهان كنت نشوف في مواضيعك كشما نلقى جديد قابلتني شخشوخة بني مسايل سخفتني فيها يعطيك الصحة
ام ساجد مبروك على اختك ازربي حطيلي القاطو نشوف كشما جديد

اهلين ام سراج ويتوحشك الخير حبيبتي ومبروك على خوك بزيان السعد
وربي يعونكم ويقدركم والف مبروك

[اسمهان79]

المشاركة الأصلية كتبت بواسطة ام سراج وملاك

اهلا بيكم توحشتكم ان شاء الله تكونو كامل بخير راني كنت متبعتكم من بعيد راني مع توجاد عرس خويا قرب السمانة الجاية الفاتحة وراها نديرو العرس ان شاء الله
اسمهان كنت نشوف في مواضيعك كشما نلقى جديد قابلتني شخشوخة بني مسايل سخفتني فيها يعطيك الصحة
ام ساجد مبروك على اختك ازربي حطيلي القاطو نشوف كشما جديد

شوفي ام سراج شمري على ذرعيك وديري وبلاك تنساي قسمتي خيتك راهي ضاربها لكسرهاذ ليامات
حنو عليا وابعثولي كاش مواكل هههههههههههههه

[ام افنان48]

شكرًا أختي اسمهان ربي يفرحك وتدخل في ميزان حسانتك

[oum islem]

مساء الخير بنات
ام سراج ربي يعينك ويتمم على خير ويهني العرسان يارب لعقوبة لعرس سراج ونجي نعاون اختي
اسمهان منورة الكوزينة يا الغالية توحشناك مشكورة على البسكوي اكيد من يديك اطيب واحلى
ام افنان حجوطية صبرينة وفضيلة مساء الخير وش راكم

للعشا ما درت والو راهم معروضين عند جدهم ووليدي الصغير نفكرلو حاجة خفيفة وانا ريجيم




شكون تفتح الكوزينة تتفضل ان الاوان والا رايحين نباتو في الهواء الطلق

سلاااااااااام نشوف الكوكاو لا ينحرق رايحة ندير التشاراك غدوا

[اسمهان79]

المشاركة الأصلية كتبت بواسطة oum islem

مساء الخير بنات
ام سراج ربي يعينك ويتمم على خير ويهني العرسان يارب لعقوبة لعرس سراج ونجي نعاون اختي
اسمهان منورة الكوزينة يا الغالية توحشناك مشكورة على البسكوي اكيد من يديك اطيب واحلى
ام افنان حجوطية صبرينة وفضيلة مساء الخير وش راكم

للعشا ما درت والو راهم معروضين عند جدهم ووليدي الصغير نفكرلو حاجة خفيفة وانا ريجيم




شكون تفتح الكوزينة تتفضل ان الاوان والا رايحين نباتو في الهواء الطلق

سلاااااااااام نشوف الكوكاو لا ينحرق رايحة ندير التشاراك غدوا

من ذك رانا برا الكل راه فاكونس
تمنيت نحلها لكن في الوقت الحالي مستحيل منقدرش نكون متابعة لازم نوترلها باه كل واحد يأخذ حقو في الرد عليه

[fadila34]

اهلين ام اسلام رانا بخير وبصحتهم الاولاد العرض عند جدهم
وربي يعونك فى القاطو انا ثاني غدو ريحا ندير قاطو السلاك 200حبة
والله غير القلوب عند بعضه انا ثاني رني نقلى فى الكاوكاو

[ام و ابنة]

السلام عليكن يا فحلات

عشانا كان لوبيا خضراء بلي بولات تع لحم مرحي و الفريك الرقيق

غدوة باذن الله نخرج الصباح و نولي المساء باذن الله

سلامي للجميع دون استثناء

و الحمد لله على رجوع الغايبات بالسلامة و العاقبة للي ما زالو

بالنسبة لافكار السلطات مازال بزااااااااف الانواع و الافكاراذا قدرت غدوة ان شاء الله نزيد نحط شوية و لكن نتمنى الكل يشارك او اذا ما عجبتكمش الفكرة اقترحوا شيء اخر نتبادلوا الافكار و الخبرات فيه
استودعكم الله الذي لا تضيع ودائعه