الجزء 156 واش طيبتي اليوم متعة التذوق مع تكنلوجيا الصورة

[منال ومنير]

صباح الخير حبيباتي
نشكر ام صابرين علي استضافتها في كوزينتها
مشاء الله علي كوزينة تعك صغيرة بسح منظم
انا اليوم فطوري العدس
صباح الخير ام جوجو

[منال ومنير]

المشاركة الأصلية كتبت بواسطة ام سراج وملاك

مساء الخير عليكم ان شاء الله تكونو كامل بالف خير يعطيكم الصحة كامل واش راكم تحطو روائع ربي يبارك هذا عشاء درتو لبارح كانو عندي ضياف جاوني علة غفلة درتو بالموجود لي عندي كان نتاع زربة برك النهار ولا قصير ميلحقش الواحد باش يطيب درت سلاطة وروز بالشومبينيو وصدر دجاج وزيتون مقطع دوائر عجبهم بزاف ودرت سوب بالحم المرحي الوصفة نتاعي وفلفل حار وطاجين حلو وخبز معجنتش مكفانيش الوقت مكنتش معولة يجيوني لبارح وقازوز وديسار والحمد الله نخليكم مع الصور













وهاذي بعثتهالكم ام ماسين باش تحليو بيها لبارح كانت هيا ثاني معانا دارتها لبنها في الحفلة نتاع لمدرسة وقالتلكم ضك تحط صور نتاع تحضيرات طهارة بنها موضوع قريباان شاء الله واخيرا لقات الصور في لابراي نتاعها

صباح الخير ام ساج وملاك
يعطيك الصحة علي الاكل والله يشهي مشاء الله علي المحط تع الاكلات
ممكن تعطيني الوصفة تع الروز بشومبينيو جابلي الزوحي الشومبينيو ماتضحكوش عليا جامي الي تيبتو
والسلاطة تعك واشنو هديك مع تع الخص

[حياة نور الدين]

المشاركة الأصلية كتبت بواسطة oum sabrin

ام سارة ام سراج و ملاك ام امنية ام ريمة حياة نور الدين ليزا روعة الصحراء ام يسرى ام تاجو شكر ا لكلماتكن الرقيقة حبيباتي
مسك الختام كان مع خيرات ام امنية الكريمة ارتاتي الا ان تنوري الكوزينة باطباقك شكرا لك حبيبتي
و عشاء حياة الحبيبة بصحتكم و ليك شكر خاص كنت واقفة معايا في الكوزينة تقتبسي و تردي على العضوات في غيابي ربي يحفظك
ليزا عسل الكوزينة بلا بيك صامطة و اطباقك دائما مميزة شرفني تكون حاضرة في كوزينتي المتواضعة
ام يسرا المبدعة زهيتي الكوزينة ابطباقك اللذيذة ربي يحفظك حنونة
روعة الصحراء اختي الوصفة للغالية ليزا تجدينها في وصفات حراير الكوزينة في الصفحة 85 المشاركة 1267
تصبحن على الف خيييييير

اهلااااا اختي وبارك الله فيك على كلامك ولا شكر على وااااجب

المشاركة الأصلية كتبت بواسطة omjoujou

السلام عليكم ورحمة الله وبركاته
صباح الخيرات حبيباتي
مسلمة بالفطرة كيما وعدتك تفضلي وصفة لي تاغتولات لي درتهم البارح وللامانة الوصفة راهي تاع ام وابنة
العجينة سهلة و اقتصادية درتها بالزيت برك
درت اربع كيلات فرينة مع كيلة زيت و ذرة ملح و مغرفة سكر خلطتهم و زدتلهم حبة بيض مضربة و خلطت و لميت بالماء و ماء الزهر و ممكن تديري لافاني انا ماحطيتش
العجينة لميها مليح بصح ما تعجنيهاش و ريحيها شويا برك
و كي تحطيهم في لي مول اثقبيهم شويا بالفرشيطة و طيبيهم من التحت و من الفوق و انا نفضلهم شويييا محمرين يجي ذوقهم ارووووع
و زينيهم كيما تحبي
كريم باتيسيير و اي نوع فواكه
او كريم الليمون
انا غالبا عدت ندير الشانتيي كيما اليوم باذن الله ندير زوج
وحدة نطلعها بالكاكاو و الشوكولا ذايبة و باردة
و الثانية نديرها بالعصير اميلا ننقصلو في كمية الماء بش يجي باين الذوق تع الليمون و طبعا ممكن تعوضيه باي عصير تع الليمون تع بره و نزيد معاه غير شويا القارس معصور في الدار لتعزيز الذوق خاطر نخاف الشانتيي تدورلي

المشاركة الأصلية كتبت بواسطة omjoujou

ام صابرين حبيبتي كيما راني نشوف الكوزينة تاعك راح تخلاص حبيت نشكرك على حسن الاستضافة عندك وصدقيني كوزينتك فاتت خفيفة ظريفة كيما نتي
ربي يبارك فيك وفي رزقك وفي زوجك واولادك ويزيدك من نعمو

غدايا ليوم بكبوكة طلبا من زوجي وسلطة وراح ندير سلطة برتقال لي دارتها زقزوقة البارح كي زدت شفت ليزا لزيزا زادت دارتها قلت مالا ما نخليهاش في قلبي خخخخخخ
سلامي لكل وحدة تدخل بعدي
يومكن موفق
سلاااااام

المشاركة الأصلية كتبت بواسطة omjoujou

صباح النور حبيبتي ام صابرين من عينيا تفضلي وصفة تاع سلطة البرتقال حطتها البارح رزيقة لهيه في قسم الدردشة

قطعي البرتقال تاعك دوائر و ستفيها في الطبسي اونبعد زيدي قطعي البنان بصح غطسي القطع في عصير ليمون مسكر باه يحافظ على اللون تاعو و زيديه مع البرتقال ثم رشي شوي سكر على قطع البرتقال و زيدي رشة قرفة تعطيها بنة و فقط .هي منعشة جدا راجلي قالي راهو البرد كي كلاها ...خخخخ و في الاخير تلقاي في الطبسي عصير البرتقال طبيعي اعطيه للذراري سور رايح يعجبهم و بصحتكم

صباح الخير ام جوجو واش راكي واش راهم الدراري بصحتكم واش راه تفطروا
وشكراااااا على الوصفااات

المشاركة الأصلية كتبت بواسطة x ام رحاب x

ام صابرين صباحك سعيد حبيت نختموها بالحلو باه اتعود حياتك كلها حلوة هادو فطور الصباح من ارشيفي

صباح الخير مبارك حنونتي بصحتك ويبعطيك الصحة

المشاركة الأصلية كتبت بواسطة oum ibrahim

صباح الخيرات يا الحراير
ماشاء الله عليكم نورتو الكوزينة باشهي الاطايب ربي يدومهاةنعمة على الجميع
ام صابرىين الكوزينة كملت بكرم ضيافتك يعطيك الصحة و الف شكر
ام ياسين صباح الورد اذا راكي تطلي من التاقة ادخلي توحشناااااك
غدايا باذن الرحمن عدسسسس و لله الحمد زمااان كانت الهام غير تسمع بالعدس تدخل موصيبة توحشناها

صباح حنونتي واش راكي

المشاركة الأصلية كتبت بواسطة أم ياسين الزهراء

صباح الانوار

كالعادة هدا وين نضت وعياط ام برهومي هو اللي نوضني توحشتك ياموصيبة انت والكل الاخوات راكم في القلب وماتخافوش ماحرقتش راني غير هنا ندور

الاخت ام صابرين حبيت نحطلك الشكر الجزيل لما قدمتيه لنا من حسن الضيافة والله يخليك ويديم النعمة عليك وعلينا الكل ماحبيتش تخلاص الكوزينا بلا مانشكرك حنونة


الاخت مريم عمري لا طيبت الصابلي من فوق طيبه من تحت وكيتخرجيه ماتزربيش تنحيه من البلاطو خليه حتى يبرد لان يكمل الطياب فيه

غدايا بادن الله عيش ونستنى واش راح يزيد يجيبلي من السوق باش نزيد حاجة للمتمردين

يوم موفق

اهلااااا حنونة واش راااكي لك وحشة الله يحفظك ووليداتك

المشاركة الأصلية كتبت بواسطة منال ومنير

صباح الخير حبيباتي
نشكر ام صابرين علي استضافتها في كوزينتها
مشاء الله علي كوزينة تعك صغيرة بسح منظم
انا اليوم فطوري العدس
صباح الخير ام جوجو

اهلاااا اختي هادي غيبة
تهاليبل ، ام كاميليا، ام مريم صباحكم معطر بعطر الجنة

[منال ومنير]

صباح النور حياة نورالدين
الله يسلمك اختي والله عندي ماتصفحتش في النتدي بسح ماشاء الله كبرت الكوزينة
رب يدمها ونشاء الله نكونو ملمومين

[Oum yousra]

صباح الورد و الفل و الياسمين للناس الغاليين و حبايب قلبي الطيبين ربي يحفظكم و يحفض عاءلاتكم و أولادكم و تشوفوهم في أعلى المراتب و يرحم كل الموتى المؤمنين و يجعل مسواهم الجنة و يشفي كل المرضىى اااامين يا رب العاااالمين

[x ام رحاب x]

[SIZE="6"]حلوة الطابع سخونة من مطبخي ام رحاب [/S

[انا هي رزيقة]

السلام عليكم صباح الخيرات و المسرات لبنات اهلين ام يسرى شكرا على الدعوة حبيبتي و لك بالمثل يا رب
اهلين منال و منير و حياة نور الدين و ام ابراهيم يسعد صباحكن
حقا فرحتوني موت لينات كي عجبتكم سلاطة البرتقال تاعي سورتو كي شفت تطبيق ليزا اللزيزة يا عمري و االله شهيتيني فيها موت رايحة نعاوها لعشية من السخفة .... خخخخخ
ام جوجو الفحلة شكرا على افادة اابنات بالوصفة حبيبتي و راني نستنى في تطبيقك يا احلى فحلة

[انا هي رزيقة]

صباح الانوار ام رحاب راني اول من شافت القاطو تاعك صافي راه من حقي سورتو كي راه طازه ... اممم تبارك الله في ايديك اختي

[ام مريم الجزائرية]

بارك الله فيكم جميعا

[انا هي رزيقة]

انا المونو تاعي تبدل البارح كنت ناوية ندير دولمة امنبعد راجلي قالي دريلنا هيذك البطاطا تاع ام يسرى( طبعا هو ما قاليش ام يسرى قالي هذيك البطاطا و انا عقلتها ...خخخخخ) عجزت نشعل الفور قطعت اابطاطا كيما العادة و درت صوص حمراء عادية بالبصل و الثوم و ارميت فيها هذيك البطاطا و زدت الكفتة عادي جاتني شابة و بنينة و عجباتو طبعا و زت معاها سلاطة البيض ميموزا

[omjoujou]

اهلين حبيباتي
دخلت على خيرات الزقزوقة اممممم شهيتيني بصحتكم
جبتلكم غدايا

وهذي السلطة تاع البرتقال امممممم

[روح مراد]

يعطيكم الصحة يا الشاطرات

[انا هي رزيقة]

ام جوجو تسلم الايادي يا الفحلة البكبوكة اممممم ثم ااممم و البرتقال ما عندي ما نقول راني ميتة من السخفة حرت مونتا ندخل للدار باه نعاود نديرها ... خخخخ بصحتكم حبيبتي

[معتزة بديني]

المشاركة الأصلية كتبت بواسطة omjoujou

السلام عليكم ورحمة الله وبركاته
صباح الخيرات حبيباتي
مسلمة بالفطرة كيما وعدتك تفضلي وصفة لي تاغتولات لي درتهم البارح وللامانة الوصفة راهي تاع ام وابنة
العجينة سهلة و اقتصادية درتها بالزيت برك
درت اربع كيلات فرينة مع كيلة زيت و ذرة ملح و مغرفة سكر خلطتهم و زدتلهم حبة بيض مضربة و خلطت و لميت بالماء و ماء الزهر و ممكن تديري لافاني انا ماحطيتش
العجينة لميها مليح بصح ما تعجنيهاش و ريحيها شويا برك
و كي تحطيهم في لي مول اثقبيهم شويا بالفرشيطة و طيبيهم من التحت و من الفوق و انا نفضلهم شويييا محمرين يجي ذوقهم ارووووع
و زينيهم كيما تحبي
كريم باتيسيير و اي نوع فواكه
او كريم الليمون
انا غالبا عدت ندير الشانتيي كيما اليوم باذن الله ندير زوج
وحدة نطلعها بالكاكاو و الشوكولا ذايبة و باردة
و الثانية نديرها بالعصير اميلا ننقصلو في كمية الماء بش يجي باين الذوق تع الليمون و طبعا ممكن تعوضيه باي عصير تع الليمون تع بره و نزيد معاه غير شويا القارس معصور في الدار لتعزيز الذوق خاطر نخاف الشانتيي تدورلي

السلام عليكم
بارك الله فيك اختي ام جوجو على الوصفة والشرح

[انا هي رزيقة]

اهلين روح مراد هذي مدة حبيبتي تفضلي معانا ما تحشميش لي عجباتك ديها .... خخخخخ