أبدوا رأيكم؟

[amina1989]

يعيشك أختي فرح بربي إن شاء كيما هذا النهار بعد أربعة أشهر نتلقاو هنا وكامل نكونو جبنا الباك.آآآآآآآآآآآآآآآآآآآآآآمين يا رب

[amina1989]

صباح الخير بنات.فرح راني نضت اليوم معاك علي 6:00 إن شاء الله نكملو برك.ربي يعاونكم

[بقـا ألم يا]

السلام عليكم ورحمة الله تعالى وبركاته:
كيف الحاليا أمينة و هزار
منيح ياأمينة كملي وربي يقويك ان شاء الله
والله يا أمينة أنا راني فشلت مرة وحدة ما عدتش نقر خلاص لم أعرف السبب راني نقاوم بشتى الطرق بصح والله ما لقيتش لي يوقف معاي ويشجعني ظروفي جد صعبة
دعواتك أختي
سلام

[hazar20]

كملي امينة ,فرح تفكري دائما لي داو الباك لازم نحنا تانا نديوه

[hazar20]

صباح الخير يا احل بنات انا اليوم نظت على 5و30 انشاءالله نحفظ التاريخ .امينة و فرح كيفكم؟
ربي يوفقنا انشاءالله

[amina1989]

صباح الهناء لحبايبي الحلوين فرح ،هازار
فرح ما تفشليش والله كامل ظروفنا صعبة وربي هو العالم.بصح فرح مهما كان الظروف حنا لي لازم نأثرو فيها و ما نخليوهاش هي لي تأثّر فينا.صدقيني أختي فرح أنا جيت للغربة ومرّيت بظروف جد صعبة فشلت فيها خلاص وكرهت الدنيا وما فيها والباك والله ما حطيت روحي نعاودو خلاص وكل هذا حاولت نجدد إرادتي و هاذي هي الدنيا نوضة وطيحَة وتأكدي أختي لينة بلي 'لكل جواد كبوة' والطفل الصغير كي ما يطيحش مرة وعدة مرات ما يمشيش .أرجو أن أكون أفدتك فرح أختي

[amina1989]

هازار والله غلبتيني أنا اليوم ما قدرتش نوض .نضت 9:00 هه ههه بصح نتحداك غدوة إن شاء الله

[amina1989]

بنات عندي فكرة نتمني تفيدكم.أنا ما قدرتش نحفظ وخممت كون نسّجل مقالات في كاسات وهكذا منها نقراها عند التسجيل ومنها نشعلها عند الأشغال المنزلية...و كي نكون مانيش قادة نحفظ علي الأقل تساعد علي التخلص أو التقليل من الشرود قليلا
واش رايكم

[amina1989]

هاذا تمرين في المتتاليات كيما تفاهمنا فرح ويييينك
(ي ن) متتالية حسابية متناقصة حدودها الثلاث الأولي : ي1،ي2،ي3 تحقق المساوات : ي1+ي2+ي3=9..............(.1)
وَ(ي1)²+(ي2)²+(ي3)²=35...............(2)
1)أحسب ي1 ي2 ي3 والأساس لهذه المتتالية.
2)أكتب عبارة الحد العام ي ن بدلالة ن
3) أحسب بدلالة ن المجموع م ن=ي1+ي2+ي3+........+ي ن

[بقـا ألم يا]

صباح الخير لأحلى بنات هزار و أمينة
أختي أمينة شكراااااااااا جزييييلا على روحك المعنوية الطيبة يعطيك ربي ما تتمناي
وان شاء الله نديو الباك
أنا اليوم نضت على 5.30 و راجعت تاريخ
أنا هنا في الموعد

[بقـا ألم يا]

أختي أمينة شكرا على التمرين
سؤال: اذا كان الاجابة لازم الآن ولا
أنا أنتظر

[بقـا ألم يا]

أختي أمينة نسيت ما جاوبتش على سؤالك صراحة والله فكرت نفس الفكرة تاعك
بانتلي أسهل طريقة للحفظ وتساعدنا بزاف نجربواونشوفوا النتيجة
الحال راهووووووووو وصل يا بناااااات

[hazar20]

اختي امينة انا عجبتني الفكرة وراح نعود نسمع المقالات في مكان الموسيقى

يا بنات الباك مازالو 3 اشهر

[amina1989]

أسمحيلي فرح وهازار والله حسبتكم ما دخلتوش.وعجبني هاذا الموقع دالي الوقت ***********.المهم فرح السؤال كيما حبيتي وقت ما جا وبتي عليه نصحو .واش كملتو المراجعة تاع المتتاليات.أنا التاريخ راني ناسياتو طول ياااااااو قرب الباك يااااابنات.لازم نزيرو تاع الصح .عندك اكحق يا هازار.شوفو أنا بديت نسجل المقالات من المنتدي علي الأقل ما نضيعش الوقت في النقل وأرجو أن يساعدنا هذا
ما تخافوش بربي إن شاء الله ناجحين.فرح ،هازارغدوة 9:00 نتناقشو في المتتاليات ولي عندو مشكل يطرحو.بالتوفيق

[amina1989]

كاش ما عندكم موقع تاع نماذج بكالوريا؟