موضوع جذيذ

[مريم سلسبيل]

شكرا يام ضافر على المشاركة القيمة انااريد من الاخوات يفيدونا في موضوع الالبسة كيفاش نوفر فيها وكيفاش نخبيها وتنظيم الخزائن لانه عندي فيهم مشكل كبير بالاضافة لملابس العراس هل في كل مرة تشرو ام لا وملابس الصيف وغيرها

[sondse1]

المشاركة الأصلية كتبت بواسطة ام دودة

انا درك عندي ثوم كي غير وين تنحى من الجنان مازال طري وانا راحلة مانقدرش نرحيه ونديرو في الكونجيلاتير نستناه حتى ييبس وبعد نقيه ونملحو ولا نديرو وهو اخضر ولا كاين طريقة اخرى

المشاركة الأصلية كتبت بواسطة ام ظافر

والان نسال الاخت الي تقول انهم يشيحو الثوم بما انو راهو وقت الثوم رخيسة اقل من 20 الف لكغ
هذه الطريقة احسن او طريقة انك ترحيها وتبليها وتجمديها
شكون الي تبقى فيها طعمة الثوم خير
انا لحد الساعة نعلقها ونخليها في مكان مظلم وبارد مثل القاراج وننزع منها كل وين نحتاج ولكن مع الوقت تنبت وتفسد لي لما طول شوي بغيت طريقة مليحة نخبيها بيها

حبيباتي
انا عن نفسي ديما نديرو بالطريقة اللي قتلكم عليها
وهي انو نغسلو و نقطعو لشرائح و نملحو و من بعد نديرو ينشف على الشمس
و كي ييبس نرحي نصو و نخلي الباقي شرائح
و نديرو في دي بوات ولا سكريات و نستعمل منو
و يبقى هو هو ما يتبدلش طعمو

بالتوفيق

[نيفرتيتي.]

انا درك عندي ثوم كي غير وين تنحى من الجنان مازال طري وانا راحلة مانقدرش نرحيه ونديرو في الكونجيلاتير نستناه حتى ييبس وبعد نقيه ونملحو ولا نديرو وهو اخضر ولا كاين طريقة اخرى

[houdehoud]

elaaaaaaaaaaaaaaaaaaaah ybarek om dhafire raki fa7la rbi ybarek

[pomaria_aindefla]

من فضلكم ماهي الكيفية التي تقطعوا بها الدجاجة كيتكفي لمدة طويلة

[ام عبد الباسط]

اختى انا هكذا نقسم الدجاجة بعد غسلها طبعا ننزع الافخاض ونقسمهم على زوج هكذا نتحصل على اربع قطع ثم نحكم الصدر ونقسم على زوج ثم كل نصف نقيم على زوج وبالتالى اربع قطع اخرى مع الجناحين والرقبة والعجز نقسمهم على ثلاثة وهكذا كل مرة طيبى بشوية ارجو ان اكون افدتك وشكرا جزيلا لكل الاخوات

[سامية حكيم]

السلام عليكم عضوة جديدة عجبني الموضوع وحبيت نشاركم اناتاني عندي 3بنات لكبيرة 12 وزوج 4 و2 وطفل 8 كل عام نحير في لبسة العيد معا رمضان والعيد مانلقاش روحي بصح العام هاذ راني عولت نقضيلهم قبل الوقت باش يبقالي الوقت انشاء ربي يقدرنا عليهم ويخليهم لينا شكرا ليكم

[مريم سلسبيل]

بخصوص ملابس العيد هذا المرة يجي العيد في السخانة ومن وراه تبدا الدراسة يعني على الاقل توجدي لبستين لكل طفل ان ضربت طلة على الحوانت لقيتهم جابو لبسة معقولة راني نخمم نشريهم من الان
في رمضان مانقدرش نخرج وكل سي يغلا حتى انه البونتكور للي يكون ب 60الف يصبح ب120 واش رايكم ياخوتاتي

[ام ظافر]

هذا هو الحل لكن تبالي حتى مالين الحوانت فاقو بيه
اسعار ملابس الصيف من المفروض تكون رخيسة ولكن تلقاي روبة بنت 3 سنين يقولك 180 الف

[مريم سلسبيل]

المشاركة الأصلية كتبت بواسطة ام ظافر

هذا هو الحل لكن تبالي حتى مالين الحوانت فاقو بيه
اسعار ملابس الصيف من المفروض تكون رخيسة ولكن تلقاي روبة بنت 3 سنين يقولك 180 الف

اهلا بك ام ظافر ماشي شرط تشري من المحلات للي تكوي وتقول انهاجايب السلعة ا من تركيا وسوريا وغيره كاين ساعات ويحطو في البازارات سلعة مليحة تبان لي لازم كل واحدة تقول على الاسواق للي في بلادها هكدا للي يعود مسافر يدير حسابه يشري من تلك البلاصة

[نيفرتيتي.]

المشاركة الأصلية كتبت بواسطة مريم سلسبيل

اهلا بك ام ظافر ماشي شرط تشري من المحلات للي تكوي وتقول انهاجايب السلعة ا من تركيا وسوريا وغيره كاين ساعات ويحطو في البازارات سلعة مليحة تبان لي لازم كل واحدة تقول على الاسواق للي في بلادها هكدا للي يعود مسافر يدير حسابه يشري من تلك البلاصة

كاين مثل يقول في رخسه خلي نصه
انا عندي مبدا انه تشري حاجة غالية ومليحة تبقى حتى على عامين ولا انك تشري حاجة غسلة وارمي وانا دائما نفضل القش تاع الخارج لانه حتى يصغار وهو يتلبس ويبقى جديد ونغسل عادي في الماشينة
انا كي كنت في وهران وكان عندي طفل واحد نشريلو من بلاصة اسمها giga قشها غالي بصح القش اللي شريتو الولدي الاول لبسو حتى كره ودرك راه يلبس فيه خوه
كي تعود لبسة تاع عيد تبان نشري حوايج مليحة حتى غالية حتى الولاد يبانو لابسين مليح اما القش تاع التوابل راه جوتابل تخسري دراهمك باطل صح فيهم حوايج ملاح بصح تلقيهم صدفة وهذاك القش نشري هولو للعب وتاع كل يوم
ولا واش ايكم

[hakim3148]

سلام يا الفحلات كيفكم بخصول الملابس الصيف يا اختي سلسبيل انا كل صيف نشري قماش نخيط 2حت 3مودال جدد يعني بدعيات الصيف وبدعيات العام اللي فات نصغرهم لبناتي بدل مانرميهم يلبسوهم في البيت في السخانة ونشري لهم بدلة جديدة كل صيف نخليها يخرجو فيها اما عن ملابس العيد البارح كنت عند سلفتي وحكينا في هذا الموضوع قررنا هذه الايام قبل رمضان ان شاء الله نشرو كل مرة لواحد من الاولاد ونقصو حتى الملابس الداخلية اما البسة هذه الايام تاع اللعب رانا معولين نشروا من البالة لانوا راه الوقت ضيق والمصاريف بزاف ان شاء الله نصوموا في جويلية معناه راه باقي شهريتين فقط نحاولوا نقصوا قد مانقدروا وعلى فكرة معرفي بداو يشروا من الان اوازم القاطوا مثل ليبايات وليكيسات ولمول ولوازم تزين الحلويات حتى الكوكاو راهم يشرو من الان قالك في رمضان يولي دوبل واش رايكم ايه تفكرت ام دودة جربتي الكوكاو اللي قتلك عليه راه نعطيك وصفة شابة بالروز واقتصادية

[hamid70]

السلام عليكم انا كنزة ماشي عضوة جديدة راني دائما ندخل باسم راجلي هو اول من سجل ودرك استوليت على اسم انا و بناتي انا معاكم و هومة في منتديات القراية كنت دائما نقرا برك بصح هادي المرة قلت نشارك بالردود نحبكم كامل ام ماريل سلسبيل حبيبة ام كوثر وجميعكم انا تاني نوجد لرمضان الشربة نكونجلي الجلبانة الفلفل المشوي الثوم عصير القارص والبرتقال انا نكونجلي كلش مرة قالي راجلي كاش نهار تكونجلينا ها ها ها عندي وصفة انتاع الطماطم تحلفي عليها وكانها مصبرة هزيتها من منتدى انتاع المغرب تبارك الله عليهم عندهم تدابير هايلة وجربوها قريباتي كامل و عجبتهم و هي انك ماترميش قشور الطماطم بعد ما ترحيها و كل مرة خبي في الكونجيلاتور كلما وجدتي حتى تعمري زوج ساشيات ولا 3 جبديها طيبيها مع شوية ملح و 2مغارف زيت زيتون وارحيها في رحاية انتاع اليد باه القشور يبقى من فوق و راكي تتحصلي علي طماطم هايلة للبيتزا والعجائن ولي عودة مع مصروف المنزل لان لي طفلة رضيعة

[pomaria_aindefla]

لي قالت أنها ترحي ثوم ماهي الألة التي تستعملها لكي ترحي بها

[نيفرتيتي.]

المشاركة الأصلية كتبت بواسطة pomaria_aindefla

لي قالت أنها ترحي ثوم ماهي الألة التي تستعملها لكي ترحي بها

اختي انا مالفة نرحي الثوم في الرحاية تاع اللحم تاع الحديد manuelle نرحي على مرتين نرحيه المرة الاولى ونزيد نعاودو للمرة الثانية