عمل المرأة المتزوجة

[kaderkader1541]

المراة خصوصا في زمن الفتن هذا
مكانها البيت هو الانسب لها
و حتى التعليم لا يصلح في هذا الزمان للمراة العفيفة الطاهرة
و كيف لها ان تخالط تلاميذ في سن البلوغ و تصرفاتهم تثير الاشمئزاز
و الكلام الفاحش
و لباسهم غير محتشم و رسومات في الكراسي و الطاولات و الجدران سيئة
فالمراة التي فيها حياء لا يمكن لها تقبل هذا الوضع
و الرجل الذي فيه غيرة و شهامة زوجته في البيت و هو يعمل لأجلها و لا يدفع بها للعمل من اجل نقود معدودة فانية

[عروبة وطن]

هو صحيح ان بقاء المراة في منزلها احسن وافضل لها
ولكن احيانا ظروف الحياة وقسوتها هي من تجبرنا على العمل

[boufarikoise]

السلام عليكم
شدني الموضوع و فى كل مرة اتجبه لكن اليوم
مانيش عارفة علاه طايحين غير على المراة العاملة و ناسيين هديك اللى راهي قاعدة فى الدار زعما هدوك ملايكة ياك راهم دايرين التير على الاقل العاملة تحشم على عرضها و رغم انو كاين عاملات فاسقات لكن هى الاقلية لانو مكاش الى خرجها الخير و زيد هاد المنحرفين اكثريتهم امهاتهم قاعدين فى البيت
و حاجة اخرى نهدر على روحى كعاملة نهار لى نخدم رانى خرجت لكن نهارالى مانعملش مكان ماخرجنى مي اللي قاعدين فى البيت على بواطة زليمت تخرج
لوكان تحسب عدد خرجات العاملة و تلك الماكثة بالبيت و راسكم غير الي قاعدة فى الدار راهي مسمرة الطرق
مانقولش بلى العاملة ماراهيش مفرطة فى دارها و اولادها لكن كى تدخل للدار يولو فيها عشر النسا و تعوض ولادها و تحنحن عليهم خير من الى قاعدة فى الدار ماتنوضش حت للحداش وقت القيلولة ولادها برا يلعبو
جابلي ربي اطفال الماكثات بالبيت راهم يتوحشو امهاتهم اكثر من اطفالنا
لكلا الجانبين عيوب يكفي ادا كنت عاملة تنظمي روحك خاصة اللى راهي فى التعليم عندك نص نهار يعني تكوني مرا قادرة على شقاك كي تخرجى للخدمة
الموضوع متشعب و لازمو صفحات
و لكل وجهة نظر لكن لا دتعي لتسويد صفحة العاملة و تلميع الصفحة الاخرى