مواطن مربى خروف صحى لقى الخروف ميت
أخذه ع الدكتور البيطرى حتى يعرف سبب الوفاه
تفاجأ من قول الدكتور أن الخروف مات بالجلطة.
ادارالمواطن وجهه للخروف ومسك قرونه وأخذ يكلمه بتعجب وحرقه واستغراب.
.
.
.
.
جالك جلطه ليه؟
خريج هندسه ومش ﻻقي شغل؟
خريج تجاره انجليزى وواقف فى سوق الخضار؟
خريج أداب وبتسوق تاكسى؟
خريج حقوق وبتشتغل سمسار؟
خريج زراعه وجالك تعيين فى الطرق والكبارى؟
جمعت كل اللى تملكه وأعطيته لإبنك لكى يسافر أوروبا وغرق على شواطئ اليونان؟
مديون ومش عارف تسدد ديونك؟
بتستنى دورك فى التعيين بقالك 10 سنين؟
حبيبتك عايزه تتجوز ومش قادر تخطبها ؟
رحت ترخص الكيا ولقيت عليها مخالفات رغم انك جايبها زيرو؟
مش قادر تشتري ملابس لأولادك؟
مش لاقى شقه؟
.
جالك جلطه ليه؟
واخذ قرض ومتورط بالسداد ؟
جتلك فاتورة كهرباء وما قدرتش تسدد ففصلوا عنك الكهرباء؟
حاسس انك غريب ببلدك؟
الدنيا ملخبطه حولك ومخك بطل يجمع من كثر القوانين الجائرة؟
رفع اﻻسعار مش عاجبك ؟
شاعر انه في ثروات ومش مستفيد منها ؟
جالك جلطه ليه؟
.
من النواب وﻻ الحكومه وﻻ اﻻعلام الفاسد ؟
ع المعاش ومعاشك مش مكفي اجار بيتك؟
جالك فشل كلوى من المياه الملوثه ورحت تغسل قالولك ما فيش مكان إنتظر إما حد يموت وأدخل مكانه؟
إنقلبوا عليك العسكر؟
بتتفرج على أحمد موسى؟
مرتضى منصور معاه سى دى لحضرتك؟
شوفت حاجه لعزمى مجاهد؟
تامر بسيونى إستضافك فى برنامج له؟
.
جالك جلطه ليه؟
الدولار هتك عرض الجنيه بتاعكم؟
نفسك فى السمك والكيلو وصل 50 جنيه؟
روحت تشترى لحمه لقيت الكيلو ب95 جنيه؟
جيت تشترى أرز ولقيت الكيلو ب 7 جنيه؟
روحت تجيب التموين وقالولك ما فيش إلا جبنه دومتى؟
.
جالك جلطه ليه؟
جالك فاتورة غاز ب150 جنيه؟
جالك فاتورة مياه ب200 جنيه؟
مركب خط نت ب 140 جنيه والنت ما بيجيش؟
نفسك فى التين ومش قادر تشتريه؟
المشمش نزل السوق وخلص وانت ما سمعتش عنه؟
.
جالك جلطه ليه؟
حماتك معكننه عليك؟
إخواتك مش بيزوروك؟
واحده كنت بتحبها وعملت ليك بلوك ع الفيس؟
نص قرايبك فى المعتقلات؟
حاكمكم باع أرضك؟
شرطتكم هتكت عرضك؟
تعليمكم تافه؟
قضائكم فاسد؟
.
جالك جلطه ليه؟
شعبكم جاهل؟
المفتى بتعكم منافق ؟
شيخ أزهركم فاسق؟
.
جالك جلطه ليه؟
إحنا أهه عايز تقولى إنك بتحس عننا؟
روح الله يسامحك............
( تقرير عن مشاركة سيئة )، و الموجودة أسفل كل مشاركة .
2016-07-27, 17:30
العرض العادي
