"عذرا على الفوضى يا ضيوفي الأعزاء"

[غزالة1]

السلام عليكم
حبيبتي ام ادم لم اقل انك انكرت و ادري ان من يقرا كلماتك يستشعر ان عتابك عتاب المحبين و كما قلت لك سابقاوجب علينا أن نصارح بعضنا و لا نتركها حبيسة الصدر و ربما تحولت إلى مرض او كره و هذا لا يكون بين الاخوة المتحابين في الله
و انا ايضا ابديت رايي فقط و اي اختلاف لا يفسد للود قضية
ليلة سعيدة و احلام اسعد و غد احسن باذن الله

[أم ضياء عبد الرحيم]

السلام عليكم ورحمة الله وبركاته
صباح الفل و الياسمين على فراشات المنتدى
كيفكم و كيف احوالكن حبيباتي
توحشتكم بزاف بزاف
أولا حبيبتي حبيبة توحشتك بزاف و نحب نقدملك فائق عبارات الشكر والامتنان
لان دوراتك غيرت حياتي و استفدت الكثير منها مع أني انقطعت لكن حاولت الالتزام على قدر الإمكان نجحت في أشياء و لازلت احاول لكي أنجح في البقية لاني لا استعمل كلمة فشلت كما علمتينا أن نرسل لأنفسنا الرسائل الايجابية
سأحاول أن الخص مشواري فيما بعد إن شاء الله
و بإذن الله سأحاول الالتزام معكن في الدورة
ثانيا أحب أن أحيي رائدات الدورة و على رأسهم فراشات العمر (قتلتيني بالضحك كي قلتي انا دينصورة خخخخخ )
توحشتكم بزاف أخواتي فراشات العمر غزالة أم صبرين أم تغريد أم ادم شي بيبا سمراء الدنيا أم مؤمن بعيدة المنال أم فاطمة نايلية و افتخر أم هزار ام وسيم القائمة طويلة نحب نشكركم لأنكم بتفاعلكم و ردودكم تنجح الدورات
سلامي لكل الأخوات المشتركات في الدورة
راجعت كل الصفحات و أثرت فيا أم شروفة ربي يعينك أختي و الأخوات ربي يحفظهم كفاو و وفاو إذا لقيت أفكار بإذن الله نحطهملك
رقية ناجحة كيفك أختي بالطبع نتذكروك حبيبتي ربي يفرج همك و كربك يا رب العالمين
أم آدم عندك الحق في كل ما قلتي هذا النوع من الدورات يحيي فينا الأمل و يعيد ثقتنا بأنفسنا

لكن حبيبة أو أي أخت تفتحت دورة لا تستطيع إدارتها بمفردها لازم مشاركة و تفاعل العضوات يعني هي تحط فقط الأسطر العريضة و خطة السير و الأخوات الأقدم في الدورة توجه الأخوات الجدد
و هكذا
أوافق غزالة الرأي ما ينقصنا هو الالتزام انا عن نفسي اعاني من هذا المشكل لا التزم لكن ليس تهاون بل ضروف و مشاكل تعيقني في كل مرة
نروح نحط الغداء لي عودة إن شاء الله
سلام حبيباتي

[غزالة1]

السلام عليكم
اهلا بالفراشة جيادا ان شاء الله تكوني بخير
قرات ردك رجعت ليا الروح
هاذا دليل انو الفراشات لم ينقطعو عن الدورة و انما يتابعن و لا يستطعن الكتابة و المشاركة و هذا كثيرا ما يحدث معي لما يكون عندي ايام فيها تحاليل ثم طبيب اكمل الاسبوع مرهقة و لا اقوم الا بالامور الضرورية
المهم اعرف انو الكثيرات يردن التغيير و هذا اول الطريق
اعلم انو العطلة الصيفية فيها الكثير من المتغيرات لكن يجب علينا الالتزام مع الدخول المدرسي
يلا راح نلبسو مازر وردية و نكونو قسم الفراشات النشيطات
و ستناقش في الطريقة التي سنكتب بها يومياتنا بدون اطالة مثل ما كنا نعمل سابقا اسم التطبيق و تم ام لا لانها فعلا مختصرة للوقت
يلا يا ام ادم وجدي المئزر و ورقة الاقتراحات حتى نساهم جميعا في الدورة
سلامي لكن واحدة واحدة

[حياتي كلها امل]

السلام عليكم وشراكم اختي ام ادم وغزالة وجيادا كلامك كله صحيح وظروف العطلة والصيف لاتسمح ان نلتزم باليرنامج لكن هذا لايعني اننا مهملين للدورة
هيا نضع اليد في اليد لنكون ربات بيوت وعليهم الكلام ونقدمو كل ماهو جميل وكل ماهو مفيد

[ام صفصف]

السلام عليكم فراشاتي
راني معاكم في واش قلتو
نحب نضيف انو اي وحدة سجلت فالدورة وكانت متحمسة، راهي عندها رغبة كبيرة فالتغيير والانظباط، ومتمنية تكون في احسن مستوى .
يعني حابة تكون امراة راقية باتم معنى الكلمة.
فلماما تلتازمش لازم نفهمو ان ظروفها خا نتها، لهاذا حتى لو غابو المشرفات على الدورة، لازم نعذروهم كيما نعذرو انفسنا وكل واحد وظروفو
عن نفسي في كثير من الاحيان نحاول التطبيق قدر الامكان،ولمانجي فالليل نكتب التقرير نحس بالتعب ،لاني نستعمل clavier visuel
لهذا لازم نشجعو بعض ونكملو حتى للاخير

[فراشات العمر]

السلام عليكم
بابابابابا واش هذا برد من ام ادم دخلتو اكل هههههه مزة في رمضان الاول شعلت التلفاز ولقيت سكاتش تاع ضحك شكون لي يبغي يرحل من جزائر قالو احنا شكون الي مايحب حتى واحد يهدر فيها الشر قالو حنا هههههه
بصفتي انا الديناصور لكبيرة نقلكم ماناش نلومو في الشخص او لازم نلزموها حبيبة ثاني ديناصورة من بكري نيتها تعلمنا واش تعلمت حتى وهي ماتدخلش بزاف بصح كي نتوحشها نقرى الاثر تاعها وكلامها دايراتو رسائل اجابية خاصة بي والله وجات داري مخدومة والله غير نبات نصورلكم واش راني نخدم وكيفاه نخدم
كانت ام صابرين دائما مزهيتلنا الغرفة بصورها وسرين باكلاتها الصحية وكذلك سمراء الدنيا بلا ما ننسى جيادا الترونسبارو شفافة ماتبانش للتجميل ووصفات التجميل المنزلية
وحبيبة المرشدة النفسية ونسمة الصبح للتحكيم وام متيللبطاقات الصباحي تاع القهوة وووو وفاء الياسمين للحلم لي حقاتو وكلامها الموزون وحراير لمعاني اسماء الله الحسنى وام لينا الإحباطات لي تكتبها
هي ذي دورتنا الناجحة لي اسسناها وتمسكنا بالطائرة كنا هذي تكمل هذي
كنا نشكيو من الحيات الزوجين وكانت ديما تنصحنا حبيبة هي الان في التجربة لهذه الحياة
اعيد واكرر ام ادم وانا ماكناش نلقو الللوم على حبيبة نلقو الللوم على لمتنا وزيد ان اللله لا يغير بقوم حتى يغيروا ما بانفسهم
نصيحتي كل وحدة تفيد اختها بالشيء لي تعرفو وتدير في بالها بلي نصيحة صغيرة تقدر تغير مجرى حياة
راني نكتب والله ما علابالي واش كتبت خليت صبعي هو المسؤول كلمة تجيب كلمة اعذروني أن ماكونتش جملة مفيدة

[أم ضياء عبد الرحيم]

مساء النور حبيباتي
غزالة حياتي كلها أمل أم صفصف فراشات العمر كيف احوالكم عندكم الحق لازم نشجعوا بعض و نتفاعلوا أكثر لأنه اذا نجحت الدورة هذا يعني أننا نجحنا في تغيير حياتنا إن شاء الله نتغلبوا على كل المعوقات و ننجحوا
فراشات العمر أم لينا عجبتني جيادا الشفافة خخخخ فهمتها يعني ما نبانش خلاص ضرك نعود نبان
علابالي حبيبتي ما كمش تلوموا في حبيبة و الله ما فكرت هكذا علبالي غيابها واحد ما يقدر يعوضو و حضورها مهم
انا حييتكم على مثابرتكم و إصرارهم على المشاركة و تقديم المساعدة لكل أخت و هكذا نجحت الدورة بفضلكم و فضل حبيبة
انا و الله الظروف الي خلاتني بعدت لكن كنت ندخل نطل و تغيضني روحي اني ما نقدر نشارك
المهم اني معاكم
حبيت أولا نقولكم على اخباري العام الي فات نقلت لمدينة جديدة قربت لأهل زوجي عندي تقريبا عام و الأيام هذو راني نحضر في روحي باه نزيد انقل لبيت آخر لكن في نفس المدينة
لعلاه الاسبوع المقبل نبداو انقلوا

[أم ضياء عبد الرحيم]

حبيت نخلص لنتيجة اشتراكي في دورة الفراشات
بالنسبةللصلوات و الذكر و غسل الحوض التحضير للغد التزين في الصباح
الفرز 15د أماكن ساخنة و التنظيف العميق و قائمة المشتريات و التخطيط للإنفاق في الشهر الاعتناء بالاناقة و الجمال الرسائل الإيجابية
الحمد لله مواضبت عليهم كامل حتى أني كي حبيت انقل ضرك ما لقيتش صعوبة لأن اموري منظمة و كل حاجة في مكانها
بالنسبة للورد من القرآن
كتابة قائمة الطعام كتابة كل يوم كل المهام لذلك اليوم أو كتابة مهام الشهر
التخطيط بصفة عامة
هذو ما نجحتش فيهم واضبت شوية و من بعد ريحت خلاص
و الحاجة الي ما نجحتش فيها و أثرت فيا بزاف هي دورة تحفيظ القرآن و احكام التجويد بعدت خلاص بالرغم من محاولات اختي شهرزاد أم محمدين التي قامت بتسجيلي في العديد من الدورات لكن ما كملتش هذا الأمر أثري فيا بزاف و كي نتفكر نبكي ربي يقدرني و نرجع
هذا تلخيصي
لي عودة لبرنامج حبيبة الجديد
في أمان الله حبيباتي

[أم ضياء عبد الرحيم]

البرنامج الجديد
اذا فهمت مليح البرنامج التجميلي تقريبا يومي
انا مخصصتلوا يوم في الأسبوع على حساب البرنامج القديم
و كذلك التنظيف العميق البرنامج الأسبوعي أصبح في يوم واحد و هو الأحد بدل كل يوم ركن أو غرفة انا ماشية على كل يوم غرفة
اذا غلط صلحولي
بإذن الله نسجل البرنامج
بالنسبة للكتاب بحبى نقرى أحد هته الكتب التي تتحدث عن الترتيب و النظام و أهميته في حياة الفرد
الكتب هي
La magie du rangement للكاتبة kondo marie
اعتذر لازم نروح لي عودة لإتمام أسماء الكتب
في أمان الله

[أم ضياء عبد الرحيم]

Faire le ménage chez soi, faire le ménage en soi
و كتاب L'art de l'essentiel : Jeter l'inutile et le superflu pour faire de l'espace en soi
للكاتب Dominique Loreau

[فراشات العمر]

يا عيني على جيادة علاه في فرنسا وكل عام ترحلو؟
شكرا على الكتب بصح بالفرنسية اا كائن مترجمين صح نقراهم

[حياتي كلها امل]

اهلا اختي جيادا ترحب بيك الجنة يارب انا هدفي في الدورة انني نرجع كل هذا النظام روتين يومي نمشي بيه ونورثو لبناتي ورغم ظروف الصيف والعطلة راني نعمل مجهودي باه نلتزم بيه في كل شيء نظافة تنظيم جمال دين كل شيء ربي يقدرنا يارب

[أم ضياء عبد الرحيم]

مساء الأنوار
أم لينا العام الي فات زوجي لقى عمل في هذه المدينة على بيها نقلنا لكن استاجرنا عند الخاص لكن الايجار غالي بزاف
و حطينا دوموند عند الحكومة في السكن الاجتماعي و السنة اعطاونا سكن ايجار الثمن احسن بكثير من الخاص
علابالك عندي خمسة سنوات و نصف زواج و هذه رابع مرة انقل والفت رجعت ابن بطوطة
بالنسبة للكتب نحوس اذا لقيتهم بالعربية نحطهملك
اختي حياتي كلها امل بإذن الله نوصلوا لهدفنا مع بعض لازم الصبر و المثابرة لأنه عاداتنا السيئة من الصعب التخلص منها في وقت قصير دراسات بينت انه للتخلص من عادة و اكتساب عادة جديدة يجب على الأقل 60 يوم
من العمل

[omelbanin]

السلام عليكم، واش راكم حبيباتي الفراشات، انا جازت عليا ظروف خلاتني ما ننظبطش في فترة الاخيرة، الأسبوع الماضي كان عندي عرس في دار شيخي، وبعدو جيت مريضة انا وولادي . اليوم وين حييت.
قمت بتنظيف عميق للمنزل، كانت الدنيا تخلع هههه.

[أم ضياء عبد الرحيم]

بما انه اليوم الأربعاء و هناك فقرة مخصصة للأطفال
و بما اني نحب نشارككم تجاربي
حبيت اليوم نتكلم على الألعاب المصنوعة من الخشب تلقاوهم عموما بنفس الحجم يقدر الطفل يدير بيهم أشكال يبني بيهم المهم عجبتني اللعبة لانها أولا من الخشب احسن بكثير من البلاستيك
ثانيا تعلم الطفل الصبر و التحكم في حركة اليد لانها تطتلب الكثير من الدقة و تنمي عندو الخيال لأنه يقدر يركب الأخشاب بالعديد من الأشكال
هذه أشكال صنعها ابني قالي هذه مزرعتنا عجبتني بزاف