~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~

[سمراء الدنيا]

السلام عليكم و اسعد الله اوقاتكم بكل خير
اسفة لعدم دخولي صباحا مشغولة جدا جدا
تطبيقاتي ..... الجانب الديني تمام ما عدا الصيام لم اصم لظروف خاصة
التلاوة لحقت الاية 30 من سورة الاعراف و طلعت لحساب الصباح باذن الله بهاذ الرتم ساكمل الختمة في وقتها ان شاء الله
_مواصلة مع التحدي نتاع هاذ الاسبوع عملتو بيني بين نفسي و نسيت نقوليكم عليه اذا بغيتو طبقوه
التحدي هو القيام للصلاة بمجرد سماع الاذان مهما كانت الظروف و المشاغل
التنظيف ما عملت حتى شيء اليوم ... راني مع القاطو و الخياطة
الجمال ...دوش و قناع الوجه و ترطيب لكامل الجسم ...تمشيط الشعر و كحل خفيف
المطبخ ...ربي يقدرني و نحطليكم جدول الطبخ لهذا الاسبوع مع الصور و الوصفات
*
*
*
تم وضع برنامج الاسبوع الثاني بدون ترتيب..... كل واحدة حسب مطبخها .... و اعتقد انو مطبخي راح يا خذ مني اسبوعين لانو هاذ الاسبوع عندي ضغط كبير لكن باذن الله عاقدا العزم اني نظم وقتي و نقدر نمشي مع البرنامج و في عالم المراة الجزائرية لا وجود للمستحيل

[سمراء الدنيا]

المشاركة الأصلية كتبت بواسطة **ام هدول**

يعطيكم الصحة لبنات الي راهم يشاركو بافكارهم وربي يبارك فيك حبيبتي سمرا

ديما نتبعك نقرا ردودك كلمة بكلمة يارتني نقدر نشارك راني متعبة وكل يوم نزيد الحمد لله

نسقسي على جال العملاق عمري مستعملتو لكن شتريتو مؤخرا ومنيش عارفة هوا الي تحكو عليه ولا لا

وسؤال اخر بغيتكم تحطولي البرودوي الي ينضف الفايونص

حاسة بيك ام هدولة و طول ماراني نشتغل و انا نفكر فيك لدرجة اني نح واش تحسي في كل حركة دعيتلك اليوم برك انو ربي يقويك و يشافيك و يعطيك سويعة ساهلة
جال العملاق علبة بلاستيكية مكتوب فيها العملاق مصنوع في الاردن ... استعملتو في كلشي حتى لغسل الفايونس رغم اني ما نشجعكش على استعمال هاذ المواد و انت حامل حاولي تنقصي منهم

المشاركة الأصلية كتبت بواسطة جهينة اليقين

ال
يوم ما نضتش حتى للسادسة والنصف شربت الماء وصليت وقريت الورد طيبت قهيوة
تقريري البارح عجنت خبز القمح الكامل ورحت غسلت الملابس وكوات وليدي راني نغسلحاجة بعد الملابسباش ما نحسش بالتعب خليت بنتي دارت باذنجال للغذا مع سلطة البطاطا والفول وانا ديت خبيزة لامي ورحت طليت عليها ما طولتش بعد اخذ قيلولة قصيرة عجنت الحاجب نحيت منو خبيزات معارك وشربنا الشاي وتعشينا المحاجب بعد ما بعثت لجارتي وهي اعطاتني معقودة ما قدناش ناكلو يعني ربحت غذا اليوم مع اضافة صغيرة وانتم واش درتوا؟؟؟

امممممممممممم جهينة شهيتيني في خبز القمح كنت مدمنة عليه و هاذ العام ماعنديش دقيق قمح
ربي يحفظلك الوالدة و يباركليها في عمرها .... قوليلي بنتك ماشاء الله عليها شحال في عمرها ؟

المشاركة الأصلية كتبت بواسطة arwa alaa

صباح الخير عليكم واش راكم تقرير الامس
الجانب الديني عذر شرعي يعني تسبيح واذكار فقط
الجانب الجمالي وجدت وصفة الرجلين لسمراء
وعملت تقشير لوجهي فقط
اعمالمنزلية كملت الصالون مزال مسيح النوافذ وغسل السجاد
وغسلت زاورة والقش كل يوم لازم غسيل
وغسلت القعدات نتاع البنات مولوش يستعملوهم
درت غداء وعشاء تليتلي ولعشية زدت سلاطة مخلطة

المشاركة الأصلية كتبت بواسطة arwa alaa

لبنات ارجو انو كل وحدة تحط واش تستعمل مواد تنظيف ومواد تجميل وحتى الجانب الديني باش نستفادو من بعض ..............سامحيني سمراء

وين رايحين نهربو من لغسيل لازم كل يوم و الا ما تفراش .... يعطيك الصحة كملتي الصالون و تهنيتي منو
راكي مسامحة اختي هاذ الدورة ليكم الكل و كلكم مسؤولين عليها كي نغيب راني مخلية ورايا فحلات .... ماذابينا لبنات يشاركونا منتجاتهم

المشاركة الأصلية كتبت بواسطة أم فاطيمة

السلام عليكم و رحمة الله و بركاته
ربي يبارك فيكم و في شغلكم
سمورة انا مزال ما بديت التنظيف العميق
راني فاتل الطعام و ناشراته في الصالة
قلت كي ييبس ننفض لفراش راكي تعرفي جيهتنا باش
ما تتغربرش الحالة و نبدا في التنظيفات حسب لي نقدر

ابابابا يا ام فطيمة واش داك للفتيل و انت ثقيلة بالعقل عليك يا بنتي ...
بالنسبة للميناج مازال شويا الوقت احنا رانا باديين بكري
ربي يعينك و يقويك

المشاركة الأصلية كتبت بواسطة **ام هدول**

صباح الخير كل الاخوات جهينة اروى وام فاطمة كي راكم

شفت اخت طلبت كفاش تستعمل الصبيغة ام حمزة الله يدكرها بالخير كانت حاطة موضوع يخص الصبيغة

شاطرة الله يبارك في صحتها لكن للاسف الصور اختفت

https://www.djelfa.info/vb/showthread.php?t=1731852

شكرا على الرابط ام هدولة اول مرة نشوف الموضوع هاذيك المرا فحلة نتاع الصح و كل مرة يزيد اعجابي بيها ربي يباركليها في صحتها و عايلتها

المشاركة الأصلية كتبت بواسطة arwa alaa

راح نبدى انا
الجانب الديني
راني مقصرى فيه بزاف ربي يهديني نصلي الفجر في وقتو وباقي الصلوات مع اني قاعدة في الدار بصح مشي كامل في الوقت التسبيح مواضبة عليه والاذكار اذكار الصباح نتفكرهم والمساء مرة على مرة
جانب التنظيف انا نستعمل منتجات فيقور
نستعمل فيقور 5 للفور ولكويزنيار ونستعمل فيقور صابون اسود للفايونس وغسيل الكوزينة لاني عندي الحساسية وهو والمني
ولتلميع المرايا فيقور خاص بالمرايا
ولتسياق نستعمل جافيل ذو الرغوة تان على جال الحساسية
والجانب الجمالي نستعمل مواد افروشي تلقاي سيري كاملة من نفس القو وكل مرة نبدل مرة تشينة ومرة فراز وتقعد فيك الريحة علكيف تقول عليك حبة فزاز وكاين كرام تاني لترطيب الجسم كامل هايلة ولترطيب اليدين نستعمل نيفيا لليدينولرجلين فازلين الخاص بالرجلين
وتقشير الوجه نستعمل افروشي تقشير الوجه بزهرة البابونج
انا كمل وانتوما...........

اوووه ريحة النظافة ....شكرا ام اروى ... ما تقدريش تجيبيلي صورة صابون اسود للفايونس ؟
بصحتك منتجات التجميل الحقيقة كثرو علينا و ما عرفناش واش نستعملو عندي ثقة اكثر في منتجات نيفيا بصح تمنيت نستعمل منتجات جزائرية الصنع

المشاركة الأصلية كتبت بواسطة الأمنيات

السلام عليكم اسعد الله يومكم
اليوم راني صايمه شكون تاني صايم ؟؟؟؟
سموره شكرا لك على الفوائد

صح صيامك امنيات و ربي يثبت الاجر
ما قدرتش نصوم لظروف خاصة رغم انو الاولاد كانو باغيين يصومو معايا

[سمراء الدنيا]

محجوز لردود سابقة

[سمراء الدنيا]

ما تنسوش تهوو البيت و تشغلو سورة البقرة و تبخرو بحبة البركة
و تشربو الكثير من الماء
و تخلو السنتكم رطبة بذكر الله
اكثرو من الجلوس مع اولادكم و كثرو من العناق و القبلات

هديتي لام هدولة و ام فطيمة على مشاركتهم رغم ظروفهم

[ام الابتسامة]

انا جديدة معكم هل تقبلوني معكم
كنت متبع لكم من بعد ومعجب باعملكم وفي نفس الوقت متحسىة علي نفسي
انا استاذة في الثانوي لي 3اطفال متكاسلت جدا عن شخل البيت لكن العمل الخارجي اتفاني فيه ك ثيرا
لست ادرى كيف اكون مثلكن

[ام هزار]

مساء الخير حبيباتي
سمراء اختي . ربي يباركلك في صحتك و اولادك و وقتك . و الله مكافحة بجميع المقايس
البارح ما كتبتش تقريري . الحقيقة ما كفانيش الوقت . و اليوم عملت نهار كاامل . مضغوط جدا
تقريري لنهار امس
بعد الصلاة الي متاخرة . نوم ثقيل يطغى علي لا اعلم سببه . خاصة وقت الفجر . ربما هو الارهاق
النهوض في 6 و30 شربت الماء . صليت و اعددت الفطور
7و30 خرج الزوج للعمل . و انا غسلت الماعن و حطيت البطاطا تفور . في هذاك الوقت . غسلت كمية من الملابس مع ملابس ابنتي بيدي و من بعد نشرتهم و ناضت بنتي قمت بيها . ثم رجعت كملت رحيت البطاطا و عملت لا بوري . و حطيت الجاج اللي كان متبل بليلة سابقة في الكوكوط باش يطيب و نعمل بيه الصوص
و رجعت فرزت الغرف و هوتهم و و ريحت شوية و كنت بين الحين و الاخر نطل على لا صوص
تغديت انا و بنتي في 11و من بعد بدلتلها باه تروح عند جداها . وانا حضرت نفسي للخروج للعمل
دخل زوجي في 12 و 30 حطيتلو الغداء و كلفتو بتوصيل البنت . و انا انطلقت للعمل
روحت في 4مساء جبت بنتي . و من بعد جا زوجي طلبت منه اننا نخرجو نشريو هدية لاحى الزميلات في العمل زوجت و انا ما روحتش لعرسها . خرجنا على السريع لقيت مغظم المحلات مغلوقة . اجلت الفكرة لاحقا . شرينا شوي حلويات و رجعنا شربنا الحليب . و رتحت شوية و صليت المغرب و صححت فرض من الفروض و من بعد العشا صليت و رقدنا
جانب الاذكار و التسبيح متقيدة بيه . ما زال جانب برنامج لقراءة و ختم القران الكرم
الجانب الجمالي 0000000000
رايحة نطبق و صفات سمراء . ربي يجازيها خير
بالنسبة لحبيباتي اللي سالوني على الكسبرة و المعدنوس . ممكن تغرسوهم في اصيص يكن عريض و طويل لانو عروقهم يمدو بالعرض و غراستهم تكون ب1 سم تحت التربةو ما يحبوش الماء بزاف
انا عندي حوض في الفناء بابعاد 1 م و 30 سم على 60 سم مقسماتو بيناتهم اما الازهار و الورود في الاصيص . ان شاء الله في ماي نبدا نغرس بذور جديدة . في الحقيقة اخذت الطريقة على امي ربي يشفيها عاجلا غير اجل . اللهم امين
غدا ان شاء الله ممكن ما ندخلش لاني مسافرة لرؤية امي . سلاااااااااام

[جهينة اليقين]

يا سمورة لو كان جيتي قريبة مني والله غير نعطيك دقيق القمح الكاملوزيد معجون باتلخميرة البلدية يا عيني غلبنة راهم يعطيوني لحباب كل سنة وانا الي نخدمو نرحيه برى فالرحى تاع القمح ونفتل البركوكس كذلك
اما بالنسبة لبنتي فانها جامعية انا كي كنت في عمرها كانت عندي اختها الكبيرة راهي متزوجة وهي كي تقلي البطاطا والا تسيق راهي فحلة بنات اخر زمن ههههه

[افكار خياطة]

يار يت تقولي لنا كيفاه نبخرو الحبة البركة خطراك عندي ومالقيتش وش ندير بيها نشعل النار ونديرها في بخارة عادي ولا كاين عفصة أخرى

[arwa alaa]

اختي سمراء شكرا على الرد
والله ميحبو يتحطولي الصور وهذا المشكل عندي في المنتدى ودارلي عقدة ومنتجات التجميل ايفروشي منتجات طبيعية 100ب100ولهذا راهي غالية شوية وراكي هنيتينا بالوصفات الي حطيتيوزوجي فرح راح ينقص المصروف ههه
وفيقور شوفي هو قرعة وكاين بخاخ برتقالية اللون وكتوب فيها
Ultra degraissant
Vigor au savon noir
La puissance professionnelle
راني من بكري نستعمو ومساعدني بزاف

[سمراء الدنيا]

المشاركة الأصلية كتبت بواسطة ام هزار

مساء الخير حبيباتي
سمراء اختي . ربي يباركلك في صحتك و اولادك و وقتك . و الله مكافحة بجميع المقايس
البارح ما كتبتش تقريري . الحقيقة ما كفانيش الوقت . و اليوم عملت نهار كاامل . مضغوط جدا
تقريري لنهار امس
بعد الصلاة الي متاخرة . نوم ثقيل يطغى علي لا اعلم سببه . خاصة وقت الفجر . ربما هو الارهاق
النهوض في 6 و30 شربت الماء . صليت و اعددت الفطور
7و30 خرج الزوج للعمل . و انا غسلت الماعن و حطيت البطاطا تفور . في هذاك الوقت . غسلت كمية من الملابس مع ملابس ابنتي بيدي و من بعد نشرتهم و ناضت بنتي قمت بيها . ثم رجعت كملت رحيت البطاطا و عملت لا بوري . و حطيت الجاج اللي كان متبل بليلة سابقة في الكوكوط باش يطيب و نعمل بيه الصوص
و رجعت فرزت الغرف و هوتهم و و ريحت شوية و كنت بين الحين و الاخر نطل على لا صوص
تغديت انا و بنتي في 11و من بعد بدلتلها باه تروح عند جداها . وانا حضرت نفسي للخروج للعمل
دخل زوجي في 12 و 30 حطيتلو الغداء و كلفتو بتوصيل البنت . و انا انطلقت للعمل
روحت في 4مساء جبت بنتي . و من بعد جا زوجي طلبت منه اننا نخرجو نشريو هدية لاحى الزميلات في العمل زوجت و انا ما روحتش لعرسها . خرجنا على السريع لقيت مغظم المحلات مغلوقة . اجلت الفكرة لاحقا . شرينا شوي حلويات و رجعنا شربنا الحليب . و رتحت شوية و صليت المغرب و صححت فرض من الفروض و من بعد العشا صليت و رقدنا
جانب الاذكار و التسبيح متقيدة بيه . ما زال جانب برنامج لقراءة و ختم القران الكرم
الجانب الجمالي 0000000000
رايحة نطبق و صفات سمراء . ربي يجازيها خير
بالنسبة لحبيباتي اللي سالوني على الكسبرة و المعدنوس . ممكن تغرسوهم في اصيص يكن عريض و طويل لانو عروقهم يمدو بالعرض و غراستهم تكون ب1 سم تحت التربةو ما يحبوش الماء بزاف
انا عندي حوض في الفناء بابعاد 1 م و 30 سم على 60 سم مقسماتو بيناتهم اما الازهار و الورود في الاصيص . ان شاء الله في ماي نبدا نغرس بذور جديدة . في الحقيقة اخذت الطريقة على امي ربي يشفيها عاجلا غير اجل . اللهم امين
غدا ان شاء الله ممكن ما ندخلش لاني مسافرة لرؤية امي . سلاااااااااام

ربي يعينك اختي ام هزار العمل خارج و داخل البيت مرهق فعلا ..... لكن عاتبا عليك على صلاة الفجر .... هاذي خليها تحدي ليك و قولي نقدر نوض نصلي في الوقت و قبل لا ترقدي ادعي ربي يعينك و يساعدك تنوضي مش راح ينفعنا لا ميناج و لا تعب اليوم كلو كل للي نصيبوه هو صلاتنا ..... اذا بنتك ناضت على الخمسة نتاع الصباح و طلبت منك ماء اكيد راح تنوضيلها و تعطيها ..... اذا روحك ايضا تطلب منك غذاءها و صلتها بربها في هذاك الوقت فما تحرميش نفسك من الخير كلو راح نبحثلك على واحد الكلمات رائعة في هاذ الموضوع ..... ربي يجعلك من الصالحين اختي ام هزار و يجعلك في قلبك نور و حولك نور يا رب

المشاركة الأصلية كتبت بواسطة جهينة اليقين

يا سمورة لو كان جيتي قريبة مني والله غير نعطيك دقيق القمح الكاملوزيد معجون باتلخميرة البلدية يا عيني غلبنة راهم يعطيوني لحباب كل سنة وانا الي نخدمو نرحيه برى فالرحى تاع القمح ونفتل البركوكس كذلك
اما بالنسبة لبنتي فانها جامعية انا كي كنت في عمرها كانت عندي اختها الكبيرة راهي متزوجة وهي كي تقلي البطاطا والا تسيق راهي فحلة بنات اخر زمن ههههه

ربي يعيشك و يخليك حنونة كيما قلت كانو يمدولي لحباب و هاذ العام ماكان والو يا ماما على بركوكس القمح شحال بنين
ربي يحفظلك بنياتك و يفرحك بيهم بنتي راهي في 2 ثانوي و الحقيقة هي راهي معاونتني باش راني نقدر نقعد معاكم

المشاركة الأصلية كتبت بواسطة افكار خياطة

يار يت تقولي لنا كيفاه نبخرو الحبة البركة خطراك عندي ومالقيتش وش ندير بيها نشعل النار ونديرها في بخارة عادي ولا كاين عفصة أخرى

عادي التبخير بالفحم او في اناء حديدي راح نجيبلك الصور باذن الله

المشاركة الأصلية كتبت بواسطة arwa alaa

اختي سمراء شكرا على الرد
والله ميحبو يتحطولي الصور وهذا المشكل عندي في المنتدى ودارلي عقدة ومنتجات التجميل ايفروشي منتجات طبيعية 100ب100ولهذا راهي غالية شوية وراكي هنيتينا بالوصفات الي حطيتيوزوجي فرح راح ينقص المصروف ههه
وفيقور شوفي هو قرعة وكاين بخاخ برتقالية اللون وكتوب فيها
ultra degraissant
vigor au savon noir
la puissance professionnelle
راني من بكري نستعمو ومساعدني بزاف

شكرا عزيزتي على التوضيح .... و حقيقة ماكانش كيما الطبيعي

راح نحوس على منتج فيقور

[جهينة اليقين]

السلام عليكم جمعة مباركة انشاء الله اللهم ارحم موتى المسلمين اجمعين واحفظ احياءهم وداوي مرضاهم اللهم وفق كل ذي حاجة الى ما تحبه وترضاه امين

[صابرة محتسبة]

المشاركة الأصلية كتبت بواسطة جهينة اليقين

السلام عليكم جمعة مباركة انشاء الله اللهم ارحم موتى المسلمين اجمعين واحفظ احياءهم وداوي مرضاهم اللهم وفق كل ذي حاجة الى ما تحبه وترضاه امين

وعليكم السلام ورحمة الله وبركاته
آمين يارب العالمين
جزاك الله خيرا على الدعاء الطيب وبارك فيك

[صابرة محتسبة]

أَصْـبَحْنا وَأَصْـبَحَ المُـلْكُ لله وَالحَمدُ لله ، لا إلهَ إلاّ اللّهُ وَحدَهُ لا شَريكَ لهُ، لهُ المُـلكُ ولهُ الحَمْـد، وهُوَ على كلّ شَيءٍ قدير ، رَبِّ أسْـأَلُـكَ خَـيرَ ما في هـذا اليوم وَخَـيرَ ما بَعْـدَه ، وَأَعـوذُ بِكَ مِنْ شَـرِّ ما في هـذا اليوم وَشَرِّ ما بَعْـدَه، رَبِّ أَعـوذُبِكَ مِنَ الْكَسَـلِ وَسـوءِ الْكِـبَر ، رَبِّ أَعـوذُ بِكَ مِنْ عَـذابٍ في النّـارِ وَعَـذابٍ في القَـبْر.

[صابرة محتسبة]

اللَّهُمَّ صَلِّ وَسَلِّمْ وَبَارِكْ على نَبِيِّنَا مُحمَّد

[جهينة اليقين]

صباح كله امل وتفاؤل بهذا اليوم البارك كيفكم يا فراشات ان شاء الله كلو تمام
اليوم نضتلصلاة الفجر ولله الفضل والمنة مع انو النوم راه يحلى لان الليل راه يقصار
شربت الماء وقريت سورة الكهف راح لي التركيز كنت نعسانة ربي يتقبل برك ورجعتساعتين ثم طيبت قهيوة خبزت فطيرة والزوج شرب وخرج والشعب كله راه راقد وشغلت سورة البقرة للسديس وراني مع الملابس مالبارح باش نفرز ونبدل تاع الشتاء بتاع الصيف افففف هبلوني ايا من بعد لبنات