يوميات عضوة

[ياسمين1990]

سلام
اولا بارك الله فيك اختي وجزاك الجنة وصحبة الرسول صلى الله عليه وسلم
نقولك اختي هذي الرسالة انا شوفتها وجسمي تهز وكانه زلزال هذه اولا
ثانيا تخلطت الفرحة مع الحزن معرفتش واش ندير
ثالثا سوف احاول كما كل مرة

[نخله.]

سلام عليكم انا هذا وين قدرت ندخل

نضت صباح 7 توضيت وصليت لقيت زوجي ناض قبلي وفطر وخرج 6/30 مسافر عدو سيمينار تفكرت بللي كان يقولي اربطيلي لا كرافات تخيلتو فلمنام ههههههههه ماقدرتش نوضلو ولدي يبات يرجع هذي سمانه ونا نبات نبدلو الفلااش والحوايج نظن عندو مشكل هضم غدوا ان شالله نديه للطبيب المشكل انو ما عدناش طبيب امعاء

على بيها راني شوي ثقيله هاذ الايام والوقت مايكفينيش نظن من قلة النوم

فيقت ولدي ووجد روحو وراح لليكول الثاني مسكين ماينوضش حتى 10 وبنتي غير تفطن تلقى بيبرون الحليب مانخليلهاش فرصه باه تبكي

غيرتكملو نخطفها ونحطها للحيبوسه نحطها عدي فالكوزينه اليوم مادرتش غدا بقالي شويا طاجين ملبارح و علابالي الولاد يطيحو على الكارنتيته ما يتغدوش

بديت عجنت شويا بريوش و شويا شورما وطلعت للغرف فتحتهم وشمست الفراشات والغطاوات الحوايج تغسلهم بخته كي العاده وطبقت لحوايج المغسولين لحق الوقت طيبت خبز العربي و البريوش وخرج ولدي ملمدرسه طبعا دار صاندويش كارنطيطا ما حبش يتغدى و بعثتو دا شوي بريوش لجارتي ولاختي ماشي بعيده عليا
د
نظمت الكوزينه وخلاص الوقت فيسع سبحان الله توضيت و صليت طلعت حليت الميكروو نطل عليكم وندووووددودددووو معاكم شوي ذرك نسمع البقره ونرقد بنتي ونراجع لولدي امتحانات فيفري غدوا عندو وراني نعسااااااااااااااانع حابه نرقد بصح ماعديش الوقت

نخليكم في لمان

[نهى اسطاوالي]

واش راكم يا الحبيبات توحشتكم بزاف انا اليوم مادرت وااااااااااالو سيقت برك وفرزت الصالو وطيبت الغذا تعذينا وغسلت المواعن وقعدت امام الحاسوب هههه كاشما تدخل واحدة تبث في العزيمة وطلعلي المورال وديرلي الكوراج ههههههه
تهلاو في رواحكم سلااااااااااااااااام

[ام عبودة]

صباااح الخير عليكم خياااااااتي وان شاء الله تكونو بخبر ياسمين. ما تدخليش حتى تحلي الواجب كااامل هههههههه
نخولة الله يحسن عونك. وراهي اللي تتوحم كامل يحلالها النوم وخصوصا الربيع حنا الكل نمووووووتو على النوم
وربي يحفظلك الزوج ويرجعولك سالم غانم
نهى وينها ما بانتش اكيد راهي مع التحوااال العقوبة لينا ههههههه
عيدة والاخريات اسمحولي راني ننسى بزاف
انا اليوم نظت مع الستة مرضرضًة وراسي عامل فيا حالة نظت توضيت وصليت وقعدت نحفظ شوي في سورة البقرة ما درتش نظت الى المطبخ لقيت عزوجتي طيبت القهوة قهويت اولادي راوية ما بغاتش تروح الى المدرسة عيانة من صدرها وحقو بالذراع راه. قالي هي ما تروحش وانا نروووح ؟؟؟؟؟
بعثتو الى المدرسة وليت حكمت بلاصتي نظت على التاسعة عملت دوش بلاك نتحكم شوي ومن بعد رحت الى الطبيب والله نشوف هم الناس ننسى همي
المهم الطبيب قالي الضغط ماشي مرتفع بزاف بصح عندك الخلعة خياتي راه مشاعر الامومة عندي انفجرت بقوة اكيد نحب اولاد من قبل لكن هذه الفترة الاخيرة زدت بزززاف وليت نخاف عليهم من الهوى الطاير
المهم شريت الدواء ورجعت الى البيت نلقى الغرفة مقلبة الصباح خيتها شوي نرجع نلقاها تخوف المهم خملت شوي وصليت الزهر وراني في بلاصتي نرقد شوي الزوج راجع من السفر لازمني العشية نسشور شعري ونريقلها ههههه والعشاء ما نبش عارفة واش ندير

[نهى اسطاوالي]

ربي يعاونك اختي ام عبودة ويرجعلك زوجك سالما غانما ياااااااااااااااارب

[mira la belle fraise]

اختي ام عبودة انتي واين ساكنة بالاك رانا جيران

[ياسمين1990]

السلام عليكم اخواتي
انشاء الله تكونوا بخير
رب يفرج على كل وحدة ويمتعنا بالقوة والارادة والعزيمة والصحة والعافية امين
كيفك ام عبودة ان شاء الله ارتحت في العشية خير من الصباح وكيفهم ولادك بلاك كانش ما تهاواو يعني ضربهم الريح كي رحت لعند اخوالهم
ديرلهم التيزانة بالزنجبيل والعسل والقارص ويشرب كي يجيو يرقدوا
اما الامتحان اختي ام عبودة بار الله فيك فقسمت الى شطرين الشطر الاول انجزت والحمد لله اما الشطر الثاني تقدر تقولى خمسين في المئة
يعني العلامة فوق المتوسط او7/10 المهم اليوم خير من البارح نفسيا
الجزء الاول وهو الجانب الديني حاولت اني نقوم بكل مااستطيع من ذكر وقراءة القرءا ن وصلاة في وقتها وحفظ بعض الايات من سورة ق وقراءة سورة البقرة
مع الرقية ولكن العدد قريت غير ثلاث مرات فقط في الماء الان مع الهر ج والمرج نتاع الاولاد مستحيل تكمل بدون انقطاع
اما الجهة الاخرى لميت لماعن نتاع لفطور طيبت الغداء ورشيت المقروط يبات لغدوة ان شاء الله نخدم ونطيب ولكن لقيت مشكل في الغرس فيه لعلف مرحي معاه
اذا عند طريقة باه يتنقا من هذك العضم يعن العلف انجديني بها راني حطيت موضوع في المنتدى لكل وحدة عندها حل تقولي عليه
تكملة من بعد الظهر قيلت شوية الاني مرقتش البارح حتى لثلاثة نتاع الصباح ونضت على السابعة صباحا
العشاء بقى من الغداء مدرتش
على الثامنة دخلت للمنتدى حطيت تسميعي لسورة ق ومن بعد جيت لهنا نكتب في الواجب
البارح كتبتلك رسالة طويلة ومن بعد حذفتها لانك كنت روحت هذا وصلى الله على سيدنا محمد وعلى اهله وسلم

[فيروزز]

شكرا شكرا ..

[ام عبودة]

اللهم صلي وسلم على سيدنا محمد
صباااح الهمة والنشاط
الكل يعطيكم الصحة
ياسمين والله غير فحلة وعليك الكلام اكيد عيون الناس كسروك الله يشافيك
العلف والله ما عندي فكرة على خاطر ما واجهتش مسكلة كيما هذه
الحمد لله راني صبحت بخير
انا من نظت دوشت وصليت ومع الاولاد بعثتهم الى المدرسة دوشت ماهر وبدلتلو وراهو يعيطلي ارواح يا صاحبي العب معايا الكرة هههههههه
ونروح نوجد حوايج الزوج راهو خارج وكاش ما نحي على الطريق ونولي نهار اليوم مسحب وبااارد

[ياسمين1990]

السلام عليكم ورحمة الله وبركاته
صباح الخير ام عبودة ان شاء الله نكون تلميذة مجتهدة تعجبك
فقط كل مرة ذكريني الان الشيطان مستحيل يخليني نكمل
اليوم نضت على السابعة الاولاد فطروا التمر وفاكهة البنان الاني ماوجدتش الحليب وأغلبيتهم مايحبوهش
حطيت الحوايج يرطابوا (الغسيل) في البسينة ورايحة ندير الغداء يطيب بطاطا في الكوشة هكذا تكون الكوشة سخونة من بعد نطيب فيها المقروظ بالنسبة للعلف من بعد ما افادوني الاخوات قررت اني مانزيدش نشري التمر المعجونة ونخدمها في الدار
من بعد ان شاء الله نكمل سلام

[سمراء الدنيا]

السلام عليكم و رحمة الله و بركاته
يعطيكم الصحة يا لفحلات راكم تنحو الغمة و تفرحو القلب الحزين و خصوصا ام عبودة نشكرك بزاف لانك جبتيلنا الشاطرات كيفك ...........مرحبا بنخلة و نهى و عيدة و حتى ياسمين جبتوها هنا ..... تحية احترتم و تقدير يا الشاطرات
عارفة بللي راني مقصرة معاكم بصح دايما متابعتكم و قريت كامل الارشيف بصح ايقونات الشكر مرات تتعطل عندي و كان فاسدلي لكلافي و ما كنتش نقدر نكتب .......بلا التزامات في المنتدى و في البيت و الله مشنوقة من عينيا

بالشويا ان شاء الله و شويا تنظيم نرجع ليكم و نرجعو الحياة لقسم التدابير
شكرا للجميع تقبلو تحياتي

[نخله.]

السلام عليكم اهلين بيك اختي سمراءالدنيا

اليوم فطنت 7 الاذكار الوضوء الصلاة الفطور ونفطن الغاشي دودي للمدرسه السيع للعمل الضغير يصبح مازالو يبات في حاله والمازوزيه في حيبوستها معايا

اليوم ما بديتش بالغدا حليت الميكرو شوي حسيت بالكسل وتصلت بزوجي فالعمل بال***** قتلو جيب لغدا راني عيانه ما جاوبنيش عرفتو خرج يصرف

اوبليجدي نضت درت تليتلي وعصرت القارص عندي بزاف والى المجمد جات الوالدة طلت علينا قعدت شوي وراحت طلعت الغرف لفوق هويتهم وشمست الغطاوات والفراشات رفدت الطابيات نفضتهم وشمستهم بالييت الارضيات ( ما سيقتش )
بما اني مفرشه الدار كامله يديلي وقت كبير تنفاض الطابيات وترجاعهم ساعة تقريبا بين الفوق والتحت

هبطت لتحت نحيت الطابيات شمستهم وبالييت ومسحت الغبره ورجعت لفوق فرشت وغلقت وهبطت لتحت رجعت كلشي

الوش ما مسيتهاش التواليت يوميا نرمي فيهل شوي خل وشوي بريف 10 دقايق ونرجع بالرشاش نمصمص ترجع تبرق نحكها مره بالاسبوع مع الحمام تكفي

جا وقت 12 وجدت المايدة وتغدينا اليوم بختة كونجي خلاصلي الصابون درتلها تحميمه بالديكالكون ومسحتهل ملفوق

توضيت وطلعت قريت البقره وصل وقت الظهر صليتو وهبطت قطعت الخضر رقدتهم و نظمت كوزينتي وطلعت حليت الميكرو


حاسه روحي نسيت حاجه ههههههههههههههه كي نتفكر نرجع نحكيها لكم


بالتوفبق

[ياسمين1990]

السلام عليكم
كيفكم اخواتي ان شاء الله بخير
اهلا اختي سمراء نورتينا تعرفي اختك ياسمين كي النحلة تطوف على البساتين من كل بستان تأخذ رحيق ازهاره
بارك الله في اختنا ام عبودة راه قايمة بالواجب وزيادة ربي يحفظها ويعطيها الصحة والعافية
المهم الحاجة الاجابية اختي ام عبودة اليوم هي اني ماقيلتش الاني في العادة خاصة في الفترة الصباحية نصبح مضروبة لراسي وكأني في غيبوبة اي خدمة نخدمها من فوق خاطري
المهم بعد ما خليتكم الصباح وجدت الغداء جاو الولاد من الدراسة وابوهم من الخدمة حطيت الغداء وتغدينا صلينا الظهر ثم غسلت شوية غسيل باليد الان الماشينة فسدت على هذا اصبحت الخدمة مضاعفة كملت المقروظ صلينا العصر من بعد وصل وقت الرياضة نتاع الولاد خرجنا مع ابوهم وصلهم للقاعة المتعددة الرياضات
دورت شوية قضيت بعض الاغراض للمشينة نتاع الخياطة جبدتها هذو ليامات نفظت عليها الغبرة وحطيتلها الزيت وبديت بسم الله بالغطاء نتاع السرير مع المخاد نتاعو وان شاء الله كي نخلص نرجع الى القنادر يعنى حاجة خفيفة الاكتفاء الذاتي بعدما خلصنا الدوران شرينا لعشاء واجد ورجعنا لدار تعشينا وجيت نطل عليكم لقيت الاخت سمراء شرفتنا اليوم مزية درت المقروظ ملقاتش الدار فارغة شكرا اختي ام عبودة كنت متابعة فيك منذ بيتك جنتك لثم عرفتك وثمادرتيلي القلب
اما الحاجة السلبية هي اني نحس روحي ثقيلة في الخدمة بسيف نخلص الخدمة لي في يدي ويخلص النهار وانا مزال مكملتش
ادعولي يرجعلي النشاط ونخلص خدمتي بكري وشكرا تصبحون على خير

[ام عبودة]

السلااام عليكم. واش راكم
لاحظتوا المنتدى عاد ثقيل وبالذراع نكونكتي فيه
خيتي سمراء تعرفي كي شفت اسمك في موضوعي حكمتني الخلعة. قلت ظرك تغلقهولي ههههههه راهم كاينين ردود بلاك خارجة عن الموضوع هههههه
وراكي مسامحة والله يعينك خيتي في مشاغلك
ياسمين بصحتكم التحويسة تبانيلي عندك عائلة ما شاء الله متماسكة وممكن الناس عينوك عليها هههههه والله غير تعجبيني راكي قايمة بلاك انت ما عندكش الرضا على روحك راني انا كيفك عمري ما نقتنع بللي راني ندير في حاجة وممكن نكلف نفسي فوق طاقتها وما نحسش
مشكلة الثقل عالجيها بالاستغفار وذكر الله دوما ورانا هناننشط في بعظانا

[ام عبودة]

نخولة يعطيك الصحة راكي قايمة بزاااف عليك وانت حامل ريحي روحك وغير بالشوي. خصوصا الشهور الاولى
نهى ما بانتش وين راحت ؟؟؟؟؟؟؟؟؟؟؟؟؟؟؟؟؟