مشاكل في بيتنا

[MATRIX-DZ]

الدار اللي ما فيهاش الحس رايحـة تكون خاليـة من الحياة

بصح اذا فات الشيء حده انقلب الى ضده

أنا في العادة اذا صرا كانش موقف كما هاكـ نسكت لأني اذا تنيرفيت رح نزيد الفوضى

يعني الواحد يحاول يحول الفوضى الى حاجـة مفيدة

مثلا الصغار اذا كانو يديرو في الفوضى الواحد يخرجهم البر و يدور معاهم و لا يديهم لدار أعمامهم و لا اخوالهم

ببساطة الواحد لازم يكون ذكي

[ازهار26]

السلام عليكم ورحمة الله وبركاته
يا اختي حاولي تشغلّي سورة البقرة في البيت كل يوم ما تاخذش الوقت على الاكثر ساعتين فإن الشيطان يفر من البيت الذي تُقرأ فيه سورة البقرة
و أرقي في الماء ماشي شرط عند الامام و رشّي بيه اركان البيت و ان شاء الله تهدئ الأوضاع
و أدعي الله فوحده الستّار الحفيظ ^_^

[مريم الصابرة]

السلام عليكم يا أخي بيوتنا فيها المشاكل صح كل دار ونوع المشكل مي المشكل يبقى مشكل إنت كي تشوفهم هكذاك حاول تهديهم فهمهم وإذا ما سمعوكش دير صيدي قرآن ومحال يداوسو وكلام ربي فوق أي كلام ربي يهدينا كامل إنت ما تتقلقش وماشي غيرر داركم كل بيت وسروا إن شاء الله ربي يهدي النفوس

[hamza crbt]

الواقع حاجة و الكلام حاجة أخرى ....كيما يقولوا ناس بكري لي بعيد على زازا يتسما بعقله
الحقيقة أغلب البيوت فيها مشاكل و عياط بصح كل بيت و معالجته للمشكل
كاين لي من مشكل صغير يدير حيحاية........المندبة كبيرة و ميت فار
و كاين لي مشكل كبير و يحاول يصغره قد لي ينجم
المهم في هذي الهدرة العائلة كل ما كبرة و كثروا عدد الأفراد يزيدوا المشاكل
الوقر زين .........اذا كنت في عائلة كبيرة..... حاول طنش ما تسألش على كل كبيرة و صغيرة
و قبل ما تهدر وزن الهدرة نتاعك اذا توصلك لحاجة كبيرة سكت خير
الله تهدينا و يجمع قاع العائلات

[mina80]

حاولو ان تجعلو الكلمة الطيبة في كلامكم مع بعضكم البعض فانها تهدئ النفوس وابتعدو عن الكلام الجارح الذي يفرق القلوب وانصحك بقراءة سورة البقرة فلها سحر كبير في اظافة الطمانينة الى البيت