الجزائر الأولى عربياً والـ11 عالمي

[زهور البراري]

منذ أمد بعيد ونحتل المراكز الأولى
ما الفائدة من كنز الذهب والفضة
وانت لا تنتج في لادك شيئا لا ما تأكله ولا ما تلبسه ولا ما تعيش عليه ثم تشتكي الفقر
ناهيك عن الفساد والاحتياطي الموجود في جيوب العديد من البنوك المتحركة التي تسوس البلاد وراء الكواليس

[ilyes COS]

الله يبارك الاول عربيا و 11 عالميا
راك مقلتلناش في الدخل الفردي واش من مرتبة رانا فيها

[عُضو مُحترم]

هيه و انا واش مستفاد من هاذوا الدراهم


ياك ياكلوهم غير اولاد الجنرالات و المسؤولين الكبار

[اسماعيل الوهراني]

اقتصاديا هدا مشكل وليس مزية ف اصل النقود ان تاتي بعمل وتنمية لا ان تجلس متل جلوسنا في الميكرو
وتلك النقود توضف في بنوك الخارج لتنيمة لمشاريعهم اما نحن نبقى نستهلك ونتكلم عن احتياط لا مزية فيه الا ما انعم الله علينا من الارض وليس من عملنا

[الصورة تتكلم]

لا لا خويا هكذايا ما راحش يرضو عليك واحد الابطال هنا حابين ثورة فالجزائر بالبلى بلى في المنتديات
لازم تحط غير الاخبار اللي تقول الجزائر هي الاخيرة عالميا في كل المجالات

[souhiel]

المشاركة الأصلية كتبت بواسطة الصورة تتكلم

لا لا خويا هكذايا ما راحش يرضو عليك واحد الابطال هنا حابين ثورة فالجزائر بالبلى بلى في المنتديات
لازم تحط غير الاخبار اللي تقول الجزائر هي الاخيرة عالميا في كل المجالات

انت لا تلام اليتيمة هي سبب وامثالك كثر حيث تصور لكم اليتيمة ان الجزائر دولة عصرية تهتم بشعبها وتحترمه وتقدره وان الحكومة تسعى الى تلبية مطالب الشعب من خلال الإصلاحات والإنجازات التي تقوم بها مع بعض الشعارات التي تستغلها من اجل نهب ثروات الشعب ومقدراته كتحيا الجزائر والمجد والخلود لشهداءنا الابرار الشعب الغالب على امره يصدق لكن انا لا والف لا اللعب هذا يلعبوه بعيد عليا يا صاحبي نت وين عايش في الجزائر ولا في بريطانيا عندك انتاج عندك صناعة عندك اقتصاد نهار كامل ونت الجزائر الجزائر اخدم ومبعد قول تحيا الجزائر

[الصورة تتكلم]

المشاركة الأصلية كتبت بواسطة souhiel

انت لا تلام اليتيمة هي سبب وامثالك كثر حيث تصور لكم اليتيمة ان الجزائر دولة عصرية تهتم بشعبها وتحترمه وتقدره وان الحكومة تسعى الى تلبية مطالب الشعب من خلال الإصلاحات والإنجازات التي تقوم بها مع بعض الشعارات التي تستغلها من اجل نهب ثروات الشعب ومقدراته كتحيا الجزائر والمجد والخلود لشهداءنا الابرار الشعب الغالب على امره يصدق لكن انا لا والف لا اللعب هذا يلعبوه بعيد عليا يا صاحبي نت وين عايش في الجزائر ولا في بريطانيا عندك انتاج عندك صناعة عندك اقتصاد نهار كامل ونت الجزائر الجزائر اخدم ومبعد قول تحيا الجزائر

شوف خويا والله ما نشوف اليتيمة من بكري
ووالله غير كسرت لحجر في هاد لبلاد وخدمت والحمد لله راني مستور نقدر نعيش روحي
ونعيشك مع 10 من اللي راهم يبكو هنا ويتبعو في ردودي
الدولة ما عطاتني شي ما تسنيت تعطيني شي
نحبها باللي فيها
ايه فيها فساد مي هي خير من بزاف بلدان
نحب نعبر على رايي بحرية ونكره بابات اللي يلعبها راجل
فالمنتديات وما عندوش باش يخلص الانتنرنت كي يخلصلو
ويقولك ما لقيتش خدمة
وحاب الدولة تسكنو في حيدرة

حبيت ردي هدا ردي عليك

[souhiel]

المشاركة الأصلية كتبت بواسطة الصورة تتكلم

شوف خويا والله ما نشوف اليتيمة من بكري
ووالله غير كسرت لحجر في هاد لبلاد وخدمت والحمد لله راني مستور نقدر نعيش روحي
ونعيشك مع 10 من اللي راهم يبكو هنا ويتبعو في ردودي
الدولة ما عطاتني شي ما تسنيت تعطيني شي
نحبها باللي فيها
ايه فيها فساد مي هي خير من بزاف بلدان
نحب نعبر على رايي بحرية ونكره بابات اللي يلعبها راجل
فالمنتديات وما عندوش باش يخلص الانتنرنت كي يخلصلو
ويقولك ما لقيتش خدمة
وحاب الدولة تسكنو في حيدرة

حبيت ردي هدا ردي عليك

فيما يخص العمل الحمد الله خدام لباس بيا نخرج على 07:00 ندخل على 19:00 ونخلص الأنترنت من جيبي وغير عيش روحك نت وخليك من غيرك
انا حاب نفهم منك حاجة نت من المفروض جزائري وعايش فيها نظن ليس بالأمر الصعب عليك و على غيرك حتى تحكم على بلادك هل هي دولة عصرية هل هي دولة قانون دولة دستور مامدى نجاح سياسات الدولة كالتعليم والسياسة الصحية والإدارة شوف مع المستوى المعيشي للشعب حاول تعرف راي الناس في الحكومة وفي طريقة تسيرها لشؤون لبلاد شوف مع المسؤولين تاعك وكيفاه راهم يصرفو في اموال الشعب في الرقص والتمسخير لازم تكون انسان منطقي واعي يعرف يعبر عن رايه بكل مصداقية وشفافية ماشي بالتباز تاعك تعرف زوج كلمات ديما تعاودنا فيهم حتى حفظناهم ونت معروف عليك انك تخرج عن المواضيع قولي شكون راه يحكي على الخدمة وشكون لي قالك نت واش تخدم حتى تحكيلي على قصة حياتك كسرت لحجر وبعت النعناع ونوكل 10 من الناس وعاجبتك روحك علاه نت تعتقد اي واحد ينتقد النظام فقير ومايخدمش هل هذا يعقل والله اليوم بينتلي انك لا علاقة بالسياسة وتعشق النظام الفاسد ودايما دافع عليه انا نقلك حاجة خدام ولباس بيا والنظام تاعك الفاسد لن ولن ينال احترامي الى يوم يبعتون حتى تتغير اوضاع الجزائر الى الأحسن وتصبح الجزائر دولة عصرية ومتقدمة والشعب يعيش في رفاهية وفي عدالة عندها سأحترم نظامك

[دزايري حر]

و مع هذا فعملتنا لا تصل 100 دينار للأورو و اقتصادنا ما زال هشا مرتبط بتغير أسعار النفط و البلد بحاجة لاصلاح جذري و حقيقي و ليس بريكولاج

[دزايري حر]

الجزائر بلد غني شعبه فقير
لو تعرفون حجم الكوارث التي سترها الله علينا و الى الآن أين الاصلاح الشعب يريد اصلاح البلاد

[راجي الشهادة]

الخزانة مملوؤة والشعب جيعان , ثم تستمثر في سندات ربوية ليأكلو شعوبهم فوائد الربا حفظنا الله واياكم
.

[moonlight19]

الصح الصح شعبنا فنيان و دولتنا حقارة يعني هطذا رانا متعايشين مع بعضانا احسن