عزوف الشباب عن الخدمة الوطنية - الصفحة 3

AYYOUB100 · 2011-10-07, 22:09

الذين يتغنون بالقراية باطل والماكلة باطل وتركب باطل... باطل ...هذا ولله جزء من حق كل جزائري
الحمد لله أنا جبت الإعفاء بسبب طبي .. عندي بعض أصدقائي يريدون الإعفاء بكل الطرق نعم ولله توجد حقرة في الجيش ويوجد فساد
لماذا إذا تقدم أحدهم إلى الخدمة العسكرية ( المجانية) السياسية أو لشغل منصب منحط يتم قبوله أما عندما يتعلق الأمر بالمناصب المهمة يؤخذها ابن المسؤول الذي لا مستوى له وتجد الزوالي الذي أفنا عمره كله في القراية وتجده متحصل على شهادات عليا اما بطال أو تحت رحمه اولاد ......
هذا كله مرى علي وعلى أصدقائي
أظن ان سبب العزوف هو الوقت الضائع كأنك في سجن ويروح ليها لي كاره من حياتوا.. أما الذين يتغنون بالوطنية فمدة التدريب العسكري لاتفوت 3 أو 4 أشهر وعلى الأقلب على قطعتي سلاح فقط ...
والسلام عليكم

المارد الجنوبي · 2011-10-07, 22:19

اقتباس:

المشاركة الأصلية كتبت بواسطة ayyoub100

الذين يتغنون بالقراية باطل والماكلة باطل وتركب باطل... باطل ...هذا ولله جزء من حق كل جزائري
الحمد لله أنا جبت الإعفاء بسبب طبي .. عندي بعض أصدقائي يريدون الإعفاء بكل الطرق نعم ولله توجد حقرة في الجيش ويوجد فساد
لماذا إذا تقدم أحدهم إلى الخدمة العسكرية ( المجانية) السياسية أو لشغل منصب منحط يتم قبوله أما عندما يتعلق الأمر بالمناصب المهمة يؤخذها ابن المسؤول الذي لا مستوى له وتجد الزوالي الذي أفنا عمره كله في القراية وتجده متحصل على شهادات عليا اما بطال أو تحت رحمه اولاد ......
هذا كله مرى علي وعلى أصدقائي
أظن ان سبب العزوف هو الوقت الضائع كأنك في سجن ويروح ليها لي كاره من حياتوا.. أما الذين يتغنون بالوطنية فمدة التدريب العسكري لاتفوت 3 أو 4 أشهر وعلى الأقلب على قطعتي سلاح فقط ...
والسلام عليكم

اخي من قال لك انه توجد حقرة في الجيش .في الجيش يوجد نظام يطبق ان التزمت به لن يمسك سؤ ماحييت...
اما في قولك سجن اخي غالط في حسابك وا ش تقول على لي راهم يفوتوا فيها درك محابيس لا يجوز اخي
صدقني لوكان فوتها ماتهدرش هاد الهدرة..
شكرا لمرورك

AYYOUB100 · 2011-10-07, 22:15

وبخصوص الذين يتحدثون على الروح الوطنية وووو ليست على الزوالي فقط كي تجي حرب اروح عيط لقدور واحمد
لعلمكم أنا الجيش الوطني فيه تقريبا 10 بالمئة فقط من المجندين نتاع الخدمة المجانية .....احتياطيين

ithguel · 2011-10-08, 12:32

السلام عليكم

نصف الاجابة موجود في تساؤلك ....

يقولون عنها انها خدمة وطنية ...فهل من يتحكمون في زمام هذا الوطن يخدمون من خدم الوطن المتحكمين فيهبعد انهائه للخدمة ؟؟

تقبل مروري

المارد الجنوبي · 2011-10-08, 14:26

اقتباس:

المشاركة الأصلية كتبت بواسطة ithguel

السلام عليكم

نصف الاجابة موجود في تساؤلك ....

يقولون عنها انها خدمة وطنية ...فهل من يتحكمون في زمام هذا الوطن يخدمون من خدم الوطن المتحكمين فيه بعد انهائه للخدمة ؟؟

تقبل مروري

وعليكم السلام
تساؤل في محله ولكن اخي انويها خدمة في سبيل الله قبل الوطن
شكرا لمرورك

Virgile · 2011-10-08, 13:34

من الذي يقبل العيش سنتين في غابة مملؤة عن آخرها بالضباع

المارد الجنوبي · 2011-10-08, 14:35

اقتباس:

المشاركة الأصلية كتبت بواسطة virgile

من الذي يقبل العيش سنتين في غابة مملؤة عن آخرها بالضباع

الغابة موجودة والضباع مايخوفوش ....

Virgile · 2011-10-08, 20:46

اقتباس:

المشاركة الأصلية كتبت بواسطة المارد الجنوبي

الغابة موجودة والضباع مايخوفوش ....

ولكنك بلا سلاح في هذه الغابة فكيف تدافع عن نفسك

تقبل أن تذلك الضباع حتى تخرج يا أسد ؟

المارد الجنوبي · 2011-10-08, 21:30

اقتباس:

المشاركة الأصلية كتبت بواسطة virgile

ولكنك بلا سلاح في هذه الغابة فكيف تدافع عن نفسك

تقبل أن تذلك الضباع حتى تخرج يا أسد ؟

اخي انا فهمت قصدك ..انت لم تفهم قصدي
شكرا لمرورك

Virgile · 2011-10-08, 22:36

اقتباس:

المشاركة الأصلية كتبت بواسطة المارد الجنوبي

اخي انا فهمت قصدك ..انت لم تفهم قصدي
شكرا لمرورك

ربما ..........

وعفواا

العنبلي الأصيل · 2011-10-08, 15:49

كمثال فقط :في داركم يقولولك الصباح " نوض" .."صبّح ربّح ورد مفتح..." " صباحك ورباحك..." اذا ازاقات .." اتقعد...."
في العسكر يقولولك "نوض ----- يا وحد ال------ ينعل------وينعل----- يا ولاد-----" وكيما قال خويا التلمساني لو كان يبقاو في والديك لوكان هانت ...ياو يسبلك ربك وربك اللي جابك ويحرق السما والارض بالسب، والله سمعت وشفت بعيني ما حكاوليش. وتلقاه ما عندوش المستوى بلاك سيزيام في أحسن الاحوال وانت 16 عام قراية-كأدنى حد- وديبلومك معاك!!!!!!!

اقتباس:

- الخدمة الوطنية و باش نتفاهمو هي : واجب اجباري ع كل شاب باينة.. بسكو لبلاد لي تقريك باطل،تركب فيها باطل،و تاكل باطل و + تخلصك ( ركزت ع الجامعيين ) و البلاد لي تسكن فيها ، و هي بلادك يعني جزائرك اقل حاجة نمدهالها هي نلبي نداء عملاتو من سنين هدفو تدريب الشباب ع حياة عسكرية ..و فيها بزاف ريحة " انا جزائري "

والله لوكان قالولي قبل بلي قرايتي مقابل هذوك الكلمات "نتاوع الفطور" والله ما نضرب فيها ضربة بالستيلو ..واللي داوها لي قدامي نديها انا . وتكفيني "الليف" واربع سوراللي قريتهم في العربية -بدراهمي-
وما يحس بالجمرة غير اللي كواتو.

cha_amin · 2011-10-09, 02:22

لا تعليق ههههههههه يكثر خير ربي اولا واخيرا ومبعد يجي بوتفليقه هداه ربي وعطالنا العفو رانا نحتاجو للباروك هههههههه

المارد الجنوبي · 2011-10-09, 14:37

اقتباس:

المشاركة الأصلية كتبت بواسطة cha_amin

لا تعليق ههههههههه يكثر خير ربي اولا واخيرا ومبعد يجي بوتفليقه هداه ربي وعطالنا العفو رانا نحتاجو للباروك هههههههه

انت يبغيك ربي ويبغيك النظام
عقوبة لمزال
شكرا لمرورك

العنبلي الأصيل · 2011-10-12, 15:18

"واش قريت بدراهمك؟"
في حال لم تقرأ ردي جيدا قلتُ:
"تكفيني الليف وأربع سور اللي قريتهم في العربية"
نشرحهالك :
في العام 1986 دخلت للعربية" الكُتّاب" ب 2000 فراك للشهر وقريت فيه" الليف" -الحروف الأبجدية- وأربع سور -الفاتحة والمعوذتين والصمد"
ب 2000 فراك للشهر.....فهمتها؟....بدراهمي ما شي باطل!.

سامية الشاوية · 2011-10-16, 17:28

السلام عليكم
اسمحولي في واش راح نقول وميش تقليل ليكم
بارك الله فيك اختي اكرام على كلامك الموزون والصواب
هذا الموضوع تم مناقشته في هذا المنتدى من قبل وطلعولي السكر فيه

خدمة الجزائر من المفروض بلا مقابل وبلا تذمر
تخدمها بغض النظر على ماقدمته او لم تقدمه
اعتبرها امك او ابوك مقدمولك حتى حاجة طبشهم وتقول مادارولي والوا ؟

https://www.djelfa.info/vb/showthread...53#post3722453