السلام عليكم اخواتي العزيزات اتنمى تكنو بخير

اليوم. حضرت كوكا للعشاء وحبيت نشرككم معيا تجي مورقة وبنينة اتمنى تجربوها ناجحة خاصتا للمبتدات
بسم الله تفضلو
المقدير
كاس ماء
كاس ناقص اصبع زيت
مغرفة صغيرة ملح
3 كسان و نص فرينة
وحضري كريمة
3 مغارف كبار ميزينة ضفيلها الزيت بالشوية حتى ترجع كريما

الطريقة
اخفقي الماء مع الزيت والملح حتى يرجع لونه ابيض كما في الصورة

ثم ضفيلهم الفرينة معى الخلط متعجنيش خلطيها جيدا وتركيها ترتاح في الثلاجة نصف ساعة
من جهت اخرى حضري الحشوة

انارحية 2 حبات طماطم كبار التوم ا مغرفة طماطم مصبرة حبة بصل مرحية الملح الفلفل امقرمشةنقليوهم مليح مع بعض

وكان عندي صدر دجاج طايب فتته

رشي الطاولة بي الفرينة ورقي العجينة رقيقة نوعا ما و بي الفرشات اطلي الكريما ليحضرنها بالميزينة على جميع العجينة لي ورقنها

رليها كالحربيش ثم اقسميها على2. ورقي كل حربوش وحده على حسب الصنية لي عندك انا هده الكمية خدمت هده الصنية وبقالي العجين

خبيته في الكنجلاتوغ للحاجة
كدي الصنية ضعي ورق الطهي وضي العجينة لي ورقتها ثم الحشوة ثم الدجاج ثم الفرماج ربي وضعي القطعة الثنية من العجين

قطعيها وطليها بيصفار البيض وزوقيها بي الزيتون
دخليه الفرن ساخن على 180 وتركيها حتى تحمار وطيب من الداخل باش تجي مقرمشة


.


.


.



.


.

.