الجزء 170من واش طيبتي اليوم 💝 كوزينة المفاجآت والصحبة الطيبة 💝

[فاتي 05]

صباح الخير على الجميع
بيبا يعطيك الصحة على الاطباق تاعك و تاع كل الاخوات في منتهى الروعة يعطيكم الف صحة و عافية .
بالنسبة للدخول للمنتدى فهي نفس المشككلة اللي عندي من البارح ماقدرتش ندخل رغم ان النت عندي قوية انشاء الله يتحل المشكل ،
ام هدووول حبيبتي اسمحيلي ما قدرتش انجاوبك لاني ما قدرتش ندخل بالنسبة لسؤالك فانا الغراتان درتها مرة باللحم المفروم و مرة بالمرقاز قطعت حبة المرقاز على زوج و حطيتها مع البصل و السلق تتقلى امبعد زتلها الثوم و التوابل كيما الوصفة الاصلية تاع الهام و المرقاز مع الخلط رح يتفتت شوي و ماتكثريلوش الطياب باه ما يطلقش الدهن تاعو كامل، و راح يجيك هايل بربي.

وهذا تطبيق ماما لخبز الدار تاع بيبا بالفرينة و السميد قالت انا اللي راح نجربو و خرج روووووووووعة و دراتو البارح في العشية و حاولت انحطو مي ماقدرتش الله غالب ، يعطيك الف صحة و عافية







و هذا عشانا تاع البارح روز و الحمد لله .



انشاء الله يعجبوكم الاطباق
غدانا اليو م شخشوخة شاوية شوية هكا و نحطها اذا ما دارهاش بيا المنتدى


صح فطور الجميع و بالصحة و الهناء.