لماذا الجميع يقولون أن الصيدلة مستقبلها مجهووول ؟؟

[*محب النجاح*]

السلام عليكم
الكثير يقولون أن الصيدلة مستقبها مجهول وغير مضمون وبعد أن تكمل دراستك سوف تبقى سنوات عديدة في منزلك تنتظر الإعتماد وحتى لو حاولت في إكمال التخصص فمستحيل أن تنجح هل حقا الصيدلة لا تملك أي مستقبل في الجزائر ؟؟؟؟؟؟؟؟؟؟؟

[العقلية]

المشكلة الوحيدة هي الاعتماد
الان بين كل صيدلية و صيدلية توجد صيدلية،
هناك عدد محدود يوزع على كل نقطة من الوطن ، فاذا كان العدد saturé أنت مجبر على البقاء في منزلك

[matrixofptc19]

معريفة صغيرة تجيبها
نتا دير الحاجة لي حابها والباقي على ربي منا لهذاك لوقت

[سامية الاخلاق]

الجميع يخيفني بهذا ايضا
ولكن يا اخي توكل على الله و ادرس ما تشاء فالرزق بيد الله
حتى وان لم تفتح صيدلية امامك الكثير من الاختيارات
كالعمل في صيدلية حكومية بينما تنتظر الاعتماد
او اكمال سنتين تخصص و حينها تفتح ابواب جديدة باذن الله
المهم ، ان ندرس و نبذل جهدنا والرزق بيد الله

[albert walid]

يا اخي انت وش راك حب مش ناس لخرى وش حبه
صيدلة زينه لكن تبقا مهنة تجارية ناس راهي متخرجة وكما تعلم تحتاج دراهم باش تحل صيدلية هاذي وحده قاع راهم يخرجو سلفية ويفتحو صيدلية وتبقا بخبرتك بالبيع وشراء انت راك تشوف كيفهم ديرين صيدليات
اكيد الناسالي متخرجه منها راهم بزاف وهاذا مش غير بصيدلة بكل الشعب وكل شعبة تعاني نسبة بطالة معينه وهاذا راجع لسوء تقديرات الدولة وايضا لادخال سياسة بتدريس
هوما راهم يقولو طب زين علاهش لانو فيه تخصص من بعدا وتزيد تقرا وايضالانهم يحلو ليبوست بزف لطبة حتى يتوضفو هاذا مكان

[*محب النجاح*]

بارك الله فيكم على الآراء القيمة
في إنتظار المزيد لا تبخلوا علينا

[*نسيم الفجر*]

لا بالعكس لي يكون قادر عليها ينجح فيها بزاااف تقبل مروري

[~طَـــمُـــوحْ~]

الان النظرة للصيدلة صارت تجارية لكنها ليست الحقيقة يمكنك ان تصنع الدواء في مجمع صيدال ولعل الاخت مريم عادل على اطلاع وايع بالامر اتمنى ان تزور اموضوع وتفيدك ... وباش تفتح صيدلية فيها حتى الرشوة عافانا الله السيد خرج منذ ٥ سنوات وراه مزال مفتحهاش المعرفة ومقدرش طالبين رشوة

بالتوفيق لك

[مريم عادل]

انا نشوف الصيدلة كاي مهنة طبية البعض يصل للقمة والبعض حدو قدو مثل الطب البعض يرجع عنده عياده والبعض مازال يعمل عند الدوله ويعاني مع الظروف الي شايفينها الصيدلي ايضا البعض لم يدرس جيدا وقرا فوق القلب امالا هدا راح يخرج مش قادر ينافس على التخصص واش يدير يخدم عند الدوله حده يطلع في الرتب الوظيفيه البعض يخرج من الصيدله وفي باله فتح صيدلية هدا الشخص كل وحساب البعض يفتح خلال سنه من تخرجه والبعض لازم يقارع 4 سنين وكاين الي حل في مدينه اخرى باش لا ينتظر وكاين الي حل بالمعريفه وكاين الي عنده المال اشرا صيدليه واجده مكاش حاجه الجميع كيف كيف فيها كاين لديه صيدليه دخلها كبير جدا وكان صيدليته دخلها متوسط كاين كاين الي فتح مخبر التحاليل الطبيه ونجح فيه كاين يدير تحاليل عند الدوله كاين الي فتح مخبر صناعي صغير كاين رجع مدير شريكة صناعية كبيره البارح شفت واحد كاين الهدف تاعه يكون عنده قطب صناعي وكاين عبقري في الصيدله واصبحت لديه اختراعات واكتشافات كان ناس اتجهت للمنظمات العالمية وكاين حبو يكونو بروفسورات كبار في العالم
الصيدله ببساطه من شخص يعمل لدى الدوله الى واحد عنده صيدليه او مخبر الى واحد عنده شركه الى قطب صناعي
ومن شخص مش عارف واش يقرا الى شخص متمكن الى شخص متخصص الى بروفسور الى مخترع الى عالم عصره
انت واش هو طموحك واش حاب تكون واش مستعد تقدم باش توصل هدي هيا الحكايه اي مجال يوصلك للقمة برك لازم تكون مستعد لتكافح لاجل الوصول انا الي نقدر نقولهلك انك لو قريت بشكل جاد خلال 6 سنوات الابواب ستفتح لك فقط

[la pierre précieuse]

لازملها الدعم المادي
و الله الموفق

[albert walid]

لانهم اطلعو على المستقبل

[*محب النجاح*]

صح إخواني
بارك الله فيكم

[رميساء خولة]

الصيدلة مش فقط باه تفتح .....كي تكمل التخصص شكون كيفك

[setifien19]

نحن نتشارك نفس الهم لكنني توكلت على الله و وضعت الصيدلة في المرتبة الثانية بعد الطب , حنا نقراو و ربي هو الرزاق

[babydoll]

الرزق بيد الله لا أحد يدري ماذا يخبئ له المستقبل :d