كرهت زوجي

[melissa lola]

انتي ماعندكش الحق تروحي لداركم تباتي داركم اللي رباوك وقراوك وتعبوا عليك وهو عندو الحق يدي دراهمك و الشابة قع تشري طونوبيل تشتركو فيها كامل وتكتبيها باسم باباه يعني راهو بار بوالديه انتي مواليك وين صبتيهم في المارشي مثلا انا منك ماعندكش معاه الذراري ولي لداركم اختي هذا اناني وماهوش بنادم خلاص اسمحيلي على التعبير ويزيد يقولك الذهب وماتشريش مالا لاه تخدمي كامل لوكان جا راجل مايطمعش في دراهمك صح المراة تعاون راجلها في مصروف الدار لكن بارادتها راجلك كي شطح نطح قالك اشريلي طونوبيل ضربة واحدة مليحة هاذي وكي رجلة قاع هكا منعك حتى من داركم يقعدك في الدار وهو يصرف عليك الله يحسن عونك اختي خمي مليح مادامك مازلتي براسك

[جيجلية]

المشاركة الأصلية كتبت بواسطة زبدة ذايبة

انت مشكلتك فيها بزاف مشاكل

الأولى :

الأمور المادية

الثانية :

علاقتك بالزوج

الثالثة :

علاقة الزوج بأهلو

الرابعة:

علاقة الزوج بأهلك

وهذ الخالوطة منين جات واش سبابها؟؟؟؟؟؟؟؟؟؟؟؟؟؟؟؟

السبب يتحملوا زوجك بنسبة 30%

البقية من النسبة تتحمليه انت

شوفي

مايتعوج الراجل إلا موراه سبة باينة

يعني انت (اعطيتيلو الضوء الأخضر )

يعني انت اللي سقتيه لهذ النتيجة

راح تقولي لالا

لكن تصرفاتك وآرائك هي اللي خلاتو يتخذ هذا القرار بلا مايديرلك أدنى اعتبار

في بعض الأحيان نحبو بينو رواحتينا ناس ملاح فوق اللازم وناس نحبو نضحو ......إلخ

لكن النتيجة اللي نتحصلو عليها هي أنو:

الناس اللي تضحي على جالهم يدوك بيديهم للباتوار باش ينحيو اللحم من العضم وحاشاك الباقي يرميوه للكلاب

يعني واش نقولك :

عاودي راجعي تصرفاتك مع زوجك

مارانيش نقولك تعصيه ولا تقابحيه هذا عيب وحرام

لكن قدمي المساعدة وحسسيه بالمزية هذا أقل شي تديريه

ماشي تمدي دراهمك ويمنعك من داركم وتزيدي تخلصيه من الفوق

ماعرفتيش كيفاش تتصرفي على هذا زايدة أمورك تتخلط

والدليل فكرتي بلي تخلي خدمتك بالاك تريحي وهي لالا ماشي هكذا

حتى وتخلي خدمتك عقليتك هي هي ماراح يتبدل والو عندك وشنو تزيدي تخسري ورقة ضغط على الزوج

ان شاء الله راكي فهمتي وش حبيت نقولك

عاودي برمجة تصرفاتك في بيتك مع نفسك أولا ثم مع زوجك

اعرفي واش راكي حابة واشي هي الأمور الواجبة اللي ماتتنازليش عليها والأمور الثانوية اللي ممكن تتغاضاي عليها انت أدرى

ماكالاه تخلطي شعبان في رمضان

انت تشري لراجلك الطونوبيل وباباه يكتبها بأسمو ويركبوها لعرايس تاع فرانسا ويسوق بيهم اللي في مصر !!!!!!!!!!!!!!!!!!!!!!!!!!!!!!

راجعي روحك هذا واش نقولك

كفيت ووفيت بارك الله فيك

[اسامة رحمون]

المشاركة الأصلية كتبت بواسطة مشكلتي

السلام عليكم

دون اطالة نحكيلكم المشكل
انا تزوجت منذ عام تقريبا واخوات زوجي كلهم عايشين في فرنسا الا زوجي عايش مع ابويه
المشكل الاول هو رفض زوجي زيارتي لاهلي والمبيت عندهم
انا بعيدة على دارنا حوالي 200 كم وقلت لزوجي اني اذهب مرة في السنة لكن ابقى على الاقل 10 الى 15 يوم فرفض رفضا قاطعا وقال لي كيف انا خواتاتي وخاوتي مانشوفهمش وبعدو على دارنا وخطرات يجو خطرة في عامين وانت تريدين البقاء 15 يوم
مع العلم ان اخته تاتي ثلاث مرات في السنة وكل مرة تبقى من شهر الى شهر ونصف والاخرون يبقاو شهر بالتمام والكمال

هل غلطت عندما طلبت البقاء في دارنا لبضع ايام وقال لي اذا حملت وجبت دراري انساي المبيت عندهم وتولي تروحي خطرة في عامين ليومين فقط

المشكل الثاني هو وبما ان زوجي قيس قيس فقط قالي اخدمي باش نتعاونو
الحمد لله جوزت مسابقة لاول مرة وتحصلت عليها وانا الان عاملة ونخلص مليح وافضل منه تفاهمنا اننا نشريو سيارة بما ان القديمة اللي نصرفوه عليها اكثر مللي نصرفوه على الدار
قلت عادي زوجي نعاونو مع العلم ان الاخرين اللي عايشين في فرنسا لاباس بيهم هناك وادا شرينا سيارة تكتب على اسم الاب والكل سيشاركنا فيها ولكن قلت معليش المهم زوجي يرضا عليا
لكن قلت نعاونو بنص والباقي نشري ذهب لنفسي بما انني ماعنديش ونخبي لاولادي ان شاء الله هادي دنيا ومول التاج ويحتاج اذ به يفاجؤني قال لي الذهب انسايه ماتشري والو وادا حبيتي تروحي لاعراس مبهدلة روحي ودراهمك كلهم يجو ليدي انا
خممت نحبس الخدمة لكن خفت نزيد نتميزر اكثر

تعيشو انصحوني والله انا جد منهارة

هذا طماع يحبك تصرف عليه ننصحك بلاك تمدي دراهمك بابه باه يشري طونوبيل يكتبها باسم
أشريها بدراهمك وكتبيها بسمك

[lololala]

ربي يهدي ويصلح ويكون في عونك ويفرج عليكم وعلى الجميع يارب

[houda_jijel]

سبحان الله و الله منيش حابة نقول كلام يجرحك برك
بصح ربي يكون في عونك اختي و ديري الحل لعمرك
حاوريه و بينيلو النقاط اللي مكيش حابتها واش هدا استعباد
المراة من المفروض تترحم ماشي تستغل
لا حول و لا قوة الابالله
كينسمع حوايج كيما هادو و الله نقول ما نتزوجها و ما نكسر راسي
حسبي الله و نعم الوكيييل

[ام رضوان]

والله امر يحير ما لقيت ما نقول غير ربي يقويك

[الصديق قروف]

مارايك ان تكتبي مشكل مشابه لقصتك و تخبريه انكي وجدتي مشكل يشابه قصتك لكي يقرا اردود
لاكن اياكي ان تضعي عنوان يشابه لهذا ‏
ومن الافضل تطلبي حذف هاذا الموضوع‎ ‎

[Seif La Fiesta]

مشكلة محيرة فعلا كيفاه مايخليكش تروحي لعند والديك وزيد يدي صواردك ربي يهديه

[kaismounemed]

يا اختاه عليكي بالصبر فانه مفتاح الفرج مهما كان فهو زوجك