لنتعرف على singer 20u43 و ملحقاتها مع ...........سطايفيه - الصفحة 6

aya for ever · 2015-02-23, 21:10

éاالسلام عليكم انا سيدة ماكثة في البيت حبيت تعلميني في مشينتيgms20u33 راني ملي شريتها باش نطرز بها راني ما عرفتش نستعمل تاع الركبة راه راجلي هو اللي ركبهالي وما عرفش كل مرة يقلي راه البولون تفلعص وراني كرهتها اختي السطايفية ساعديني الله يرزقك كل خير اتمنى تجاوبيني

stayfiya · 2015-02-24, 07:36

اقتباس:

المشاركة الأصلية كتبت بواسطة ام جزائرية

الله يعطيك الصحة راك رجعتيلي الروح للماشينة والله خيرك ماننساه حتى للمماة
اتفكري راك عندك اخت اسمها ام جزائرية تتمنى تطلبي منها اي طلب من دون الدعاء ربي يوفقك ويعطيك ماتتمناي ويرحم الوالد

شكرا بارك الله فيك خيتي انا راني نخدم للوالد ربي يرحمو نحتاجلو غير الدعاء

اقتباس:

المشاركة الأصلية كتبت بواسطة aya for ever

éاالسلام عليكم انا سيدة ماكثة في البيت حبيت تعلميني في مشينتيgms20u33 راني ملي شريتها باش نطرز بها راني ما عرفتش نستعمل تاع الركبة راه راجلي هو اللي ركبهالي وما عرفش كل مرة يقلي راه البولون تفلعص وراني كرهتها اختي السطايفية ساعديني الله يرزقك كل خير اتمنى تجاوبيني

نفسها خت مشينتي تبعي واش راني كاتبه راح تفهميها بصح يا ختي لازم جيبيلها خدام للدار يفيريفيها كسع خيطي براحتك لانو ممكن ما تكونش راكبه مليح. تاع الرجل هاذاك كي تحركيه بركبتك راه تلاخظي اتجاه الابره يتبدل. و هي تعاونك باش تخدمي الزيقزاق في الماشينات دروات خدمتو لبيي هذا يطلع الرجل تاع لخياطه شوفي تبعي مليح الموضوع و وموضوع الدواسات و في دواسات تكمله طريقة الطرز بالتوفيق راه كاين كلش بالشرح و بالصور

aya for ever · 2015-02-24, 17:42

ma3lich okhti tsawrili lrokba nta3k kifach mrakba w kifach tetrakeb ???? w thani ki tal3i lmachina kifch dayra balak na9der ana na3delha merci a lavance
wadhehili bswer rabi ybarek fik psk rokba nta3i tetmls w malgré raha rakba bseh matehreklich rass lmachina li dir zigzag

koukou23 · 2015-02-25, 12:58

اختي عندي ماشينة سانجار كحلة وانا مبتدئة في الخياطة البارح وانا نخيط بيها شفت دخان طالع من بحدا الموتور من وراء ومن بعد طفيتها حتى راح الدخان واليوم جربتها زادت خيطت شوية مي فيساع زدت طفيتها خفت يزيد يرجع الدخان... كييفاه ندير ؟ نكمل برك نخيط؟ راني معرفتش منين جاني الدخان؟ وكيفاه ندير معها؟

farawla01 · 2015-02-27, 09:25

ربى يعينك على فعل الخير ويعطيك على قد نيتك

ام جزائرية · 2015-03-01, 08:52

صباح الخير ياوجه الخير حابة نسالك اعلى البولون اللي جاي في الماشينة واش خدمتو راهو في الصورة مدورة اعليه بالاحمر

ام امجد و انفال · 2015-03-01, 17:27

مشكورة على الجهد بارك الله فيك

miar · 2015-03-01, 22:31

السلام عليكم

انا احب الخياطة واعرف القليل منها يعني نعرف نوقف قندورة عادي

حبي نشري مشينة شرالي زوجي مشينة بصح راهو خدعوه فيها وكيلهم ربي اسمها flyingman jh18_60

ادير الحس بزاف وتخيط وتطرز 60طرز مختلف بصح ادير الحس تقول هوليكوبتر ناضت الوغ تخليت عليها

وانا معولة نشري وحدة ساهلة ما اديرش الحس وتخيط وتطرز في نفس الوقت وسهلة الاستعمال

ياريت تنصحوني واش من نوع نشري كمبتدئة

واش رايكم في ماشينتي القديمة نسيت نقولكم راهي ثقيلة انتاع الحديد

stayfiya · 2015-03-02, 16:57

اقتباس:

المشاركة الأصلية كتبت بواسطة aya for ever

ma3lich okhti tsawrili lrokba nta3k kifach mrakba w kifach tetrakeb ???? w thani ki tal3i lmachina kifch dayra balak na9der ana na3delha merci a lavance
wadhehili bswer rabi ybarek fik psk rokba nta3i tetmls w malgré raha rakba bseh matehreklich rass lmachina li dir zigzag

شوفي ختي البولونات لي لفوق هوما لي يثبتو الزيقزاق. حليهم يطلقولك الركبه هذيك كيما قلتي. هاي ليك كيفاش راكبه نتاعي

اقتباس:

المشاركة الأصلية كتبت بواسطة koukou23

اختي عندي ماشينة سانجار كحلة وانا مبتدئة في الخياطة البارح وانا نخيط بيها شفت دخان طالع من بحدا الموتور من وراء ومن بعد طفيتها حتى راح الدخان واليوم جربتها زادت خيطت شوية مي فيساع زدت طفيتها خفت يزيد يرجع الدخان... كييفاه ندير ؟ نكمل برك نخيط؟ راني معرفتش منين جاني الدخان؟ وكيفاه ندير معها؟

هههه لازمك تعطي لي بومبياي هههه يابنتي لخيوط راكم يقيسو في بعضاهم بالاكي تطرطق في وجهك اديها للخدام يريقلهالك

اقتباس:

المشاركة الأصلية كتبت بواسطة farawla01

ربى يعينك على فعل الخير ويعطيك على قد نيتك

امييين فراوله حبيبتي

اقتباس:

المشاركة الأصلية كتبت بواسطة ام جزائرية

صباح الخير ياوجه الخير حابة نسالك اعلى البولون اللي جاي في الماشينة واش خدمتو راهو في الصورة مدورة اعليه بالاحمر

هاذيك تتحكم في الراس لي تركب فيه الابره و لي من فوق تتحكم في الرجل يعني تضغط على لقماش ولا ترخف
https://imagizer.imageshack.com/img673/4764/L63syG.jpg

اقتباس:

المشاركة الأصلية كتبت بواسطة ام امجد و انفال

مشكورة على الجهد بارك الله فيك

شكرااا

اقتباس:

المشاركة الأصلية كتبت بواسطة miar

السلام عليكم

انا احب الخياطة واعرف القليل منها يعني نعرف نوقف قندورة عادي

حبي نشري مشينة شرالي زوجي مشينة بصح راهو خدعوه فيها وكيلهم ربي اسمها flyingman jh18_60

ادير الحس بزاف وتخيط وتطرز 60طرز مختلف بصح ادير الحس تقول هوليكوبتر ناضت الوغ تخليت عليها

وانا معولة نشري وحدة ساهلة ما اديرش الحس وتخيط وتطرز في نفس الوقت وسهلة الاستعمال

ياريت تنصحوني واش من نوع نشري كمبتدئة

واش رايكم في ماشينتي القديمة نسيت نقولكم راهي ثقيلة انتاع الحديد

لالا يا ختي ماتدعيش على الناس المشينه نتاعك هايله و الحس نورمال كامل لاندوستريال هكذا تحبي تركبيلها موتور سيلونسيو راهم يتباعو ماتوليش دير الحس. وانا يعجبني هاذ النوع احسن من تاع النيلو

azro · 2015-03-02, 21:19

السلام عليكم أختي السطايفية جازك الله 1000 خير على هذا النبر
أنا مبتدئة في الخياطة عندي مشكل مع ماشينة تاعي هي سنجار تاع بكري الكحلة و حابة نشري واحدة جديدة تخيط و تطرز ارجوكم ساعدوني اريد ان أعرف الماركة و الثمن من فضلكن اخواتي
السلام عليكم ختام

miar · 2015-03-02, 23:33

شكرا لكي اختي يعطيكي الصحة

بصح نديها لعند من لي شريتها من عندو غلق الحانوت

ربي يعطيكي ان شا الله اشرحيلي

aya for ever · 2015-03-03, 13:20

راها ما حبنش تتعدل

aya for ever · 2015-03-03, 13:25

اختي العزبزة ماحبتش تتعدل رغم الصور الي بعثيهم

azro · 2015-03-04, 20:01

السلام عليكم أختي السطايفية عاونين في ماشينة أنا مبتدئة في الخياطة عندي مشكل مع ماشينة تاعي هي سنجار تاع بكري الكحلة و حابة نشري واحدة جديدة تخيط و تطرز ارجوكم ساعدوني اريد ان أعرف الماركة و الثمن من فضلكن اخواتي
السلام عليكم ختام

stayfiya · 2015-03-10, 09:08

اقتباس:

المشاركة الأصلية كتبت بواسطة azro

السلام عليكم أختي السطايفية جازك الله 1000 خير على هذا النبر
أنا مبتدئة في الخياطة عندي مشكل مع ماشينة تاعي هي سنجار تاع بكري الكحلة و حابة نشري واحدة جديدة تخيط و تطرز ارجوكم ساعدوني اريد ان أعرف الماركة و الثمن من فضلكن اخواتي
السلام عليكم ختام

اقتباس:

المشاركة الأصلية كتبت بواسطة azro

السلام عليكم أختي السطايفية عاونين في ماشينة أنا مبتدئة في الخياطة عندي مشكل مع ماشينة تاعي هي سنجار تاع بكري الكحلة و حابة نشري واحدة جديدة تخيط و تطرز ارجوكم ساعدوني اريد ان أعرف الماركة و الثمن من فضلكن اخواتي
السلام عليكم ختام

اختي والله كي تروحي لوين يتباعو راح تشوفي كل خير بالنسبه ليا نحب الاندوستريال. سريع فيه خياطه سامبل و زيقزاق جو طرز ب 29000 اذا بغيتي للدار كاين سانجار بروذر طويوطا سوبر زيقزاق. يتراوح اسعارهم بن 9000 و الثلاش ملاين و انتي زيدي شوفي و ماتبعيش مشينتك لقديمه خليها. ماتزيديش تلقاي كيفها

اقتباس:

المشاركة الأصلية كتبت بواسطة miar

شكرا لكي اختي يعطيكي الصحة

بصح نديها لعند من لي شريتها من عندو غلق الحانوت

ربي يعطيكي ان شا الله اشرحيلي

شوفي. اي خدام يفهمك فيها نتي منين؟

اقتباس:

المشاركة الأصلية كتبت بواسطة aya for ever

راها ما حبنش تتعدل

اقتباس:

المشاركة الأصلية كتبت بواسطة aya for ever

اختي العزبزة ماحبتش تتعدل رغم الصور الي بعثيهم

شوفي طلي راس المشينه تاعك و روحي ل الرجل تحكمي من الراس الابيض هذاك و تجبديه لركبتك و تعاودي تحطي المشينه باش يعود يخدملك و اذا ماصلحش مالا ماراكيش مركبتها مليح و لازمك جيبي الخدام للدار