انا اعاني والله ..

[conviction]

صديقي راني متأكد بلي معظم الأعضاء وجل الناس لي تحكيلهم حكايتك رايحين يقولولك إنسى الأمر وعيش حياتك ،،، أنا نقولك عيش حياتك ودير المستحيل باش تسترجعها ليك وما تزيدش تفرط فيها ،،، لأنو يا صديقي صعيبة باش تلقى الحب في الوقت الحالي ،، راني حاس بيك خويا راك تحس بروحك في الحضيض لكن صدقني راح تلوم نفسك طول الحياة لو ما تجربش ترجعها وراه تندم وتقول آه لوكان درت ودرت ،، ٱنا نقولك افعل كل شيء حتى ولو كان يبان مستحيل ،، لأنه والله شئ ماهو مستحيل وكلشي ممكن ،،، ومادام البنت انتظرتك وزادت جات لمدينتك فأنا متأكد أنها متعلقة بيك ،، فقط لقاتك تماطلت عليها بزاف ،،، لازمتك تبرهن ليها أن الدنيا ما تسوى شي بلا بيها ،، وأنك مستعد للقيام بكل شئ من أجل استرجاعها ( لكن صديقي ما توقعش في الحرام الله يخليك ،، خمم ديما في الأمور الإجابية )
حاول ولا تيأس ،، فالحب والله ناس عاشو حياتهم كاملة في أمل حدوث ذلك والشعور بذلك الإحساس ولو لمرة وما لقاوهاش ،، فلا تفرط في ذلك ،،، لكن إذا ما كتبلكش ربي حتى بعد المحاولة ،، فهنا عاود حياتك من جديد صديقي ،، أنت في مقتبل العمر وممكن ستجد إنسانة تحبها أكثر وترجعلك ذلك الحب بالمثل

ربي معاك

[النجمة القطبية]

المشاركة الأصلية كتبت بواسطة زبدة ذايبة

يا وليدي

ماشي انت الأول وماشي انت الأخير اللي يصرالو هكذا

كون راجل وأوقف على رجليك

خلعك الشعر لصفر والعينين الزروقا ؟؟؟؟؟

بنت بلادك خير منها آلالالالالالالالالالالالالالالالالالالالالالالالاف المرات

شحال من وحدة سمعنا عنها دخلت للإسلام !!!!! وعاودت خرجت منو ورجعت لحياة الكباريهات والديسكوات اللي كانت خارجة منهم وعايشة فيهم.

ونزيدلك حاجة واحدو اخرى

حرام عليك تهدر مع النساء في الفيسبوك

رب العالمين مايحبش هاذا الشي

إمرأة ماعندك بيها حتى علاقة مايجوزش تهدر معاها

ماتدعيها للإسلام وماتدعيك هي للنصرنية

الحمد لله اللي جاتك على هذي

سمعنا برجااااااااااااااااااااااااااااااااااااال دخلو للفيسبوك بدعوة ندعي للإسلام

وما مشى الوقت حتى وأصبح يتسائل هل يوجد الله ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الحمد لله على سلامتك
عن أبي العباس عبد الله بن عباس رضي الله عنهما قال : كنت خلف النبي صلى الله عليه وسلم يوما ، فقال : ( يا غلام ، إني أُعلمك كلمات : احفظ الله يحفظك ، احفظ الله تجده تجاهك ، إذا سأَلت فاسأَل الله ، وإذا استعنت فاستعن بالله ، واعلم أن الأُمة لو اجتمعت على أَن ينفعـوك بشيء ، لم ينفعوك إلا بشيء قد كتبه الله لك ، وإن اجتمعوا على أن يضروك بشيء ، لم يضروك إلا بشيء قد كتبه الله عليك، رفعت الأقلام وجفت الصحف ) رواه الترمذي وقال : حديث حسن صحيح .

بنت بلادك خير منها صدقني

وزيد مازلت صغير 20 سنة مازلت مراهق

كي تكبر بعد 10 سنوات ان شاء الله تضحك على روحك وتقول كنت صغير

ورح تنساها بعد ما يصير عندك أول ولد ويقولك " بابا"

انت راجل ومالازمش حاجة تافهة كيما هاذي تخليك تبكي ؟؟؟؟؟؟!!!!!!!!!! والنساء وحدة تنسي في وحدة وماتخليش الهمة انتاعك سفلية تهتم غير بواش يقول قلبك. خلي قلبك يكوت تاع راجل ماشي تاع مسلسلات تركية " حب وما حب"

نحتاجوكم في البلاد رجال بكل ماتحمل الكلمة من معنى.

نحتاجوكم تردو على أعراضنا
نحتاجوكم تدافعو على بناتنا وتعتبروهم مثل أخواتكم في العرض

خليك من تفكير المراهقين . التهى بدراستك وحافظ على دينك. وماكلاه تزيد تسقسي عليها. راهي رفدت الكرش ؟؟؟؟؟؟ راهي ولدت ؟؟؟؟؟؟ راهي بالحمل؟؟؟؟؟؟ راهي أونسنت؟؟؟؟؟؟ راهي سماتو جاكلين ؟؟؟؟؟

تولي انت وجداتك كيف كيف.
انفض الغبار على روحك راك راجل حللك رب العالمين 4 نساء على ضربة وكي تحب الخامسة تطلق وحدة وتجيب وحدة.

سبحان الله واش هذا الجيل المهزوز. لوكان جيت قدامي لو كان جبدتلك وذنيك

كون راجل

حيرني صاحب القصة لكن حيرتني الردود اكثر
النسا تجيب واحدة تنسى واحدة
الشرع اعطاك اربعة وطلق الرابعة جيب الخامسة
راك تشوف يا خويا شحال راهم يشجعوك المهم ارجوك متبكيش

المشاركة الأصلية كتبت بواسطة conviction

صديقي راني متأكد بلي معظم الأعضاء وجل الناس لي تحكيلهم حكايتك رايحين يقولولك إنسى الأمر وعيش حياتك ،،، أنا نقولك عيش حياتك ودير المستحيل باش تسترجعها ليك وما تزيدش تفرط فيها ،،، لأنو يا صديقي صعيبة باش تلقى الحب في الوقت الحالي ،، راني حاس بيك خويا راك تحس بروحك في الحضيض لكن صدقني راح تلوم نفسك طول الحياة لو ما تجربش ترجعها وراه تندم وتقول آه لوكان درت ودرت ،، ٱنا نقولك افعل كل شيء حتى ولو كان يبان مستحيل ،، لأنه والله شئ ماهو مستحيل وكلشي ممكن ،،، ومادام البنت انتظرتك وزادت جات لمدينتك فأنا متأكد أنها متعلقة بيك ،، فقط لقاتك تماطلت عليها بزاف ،،، لازمتك تبرهن ليها أن الدنيا ما تسوى شي بلا بيها ،، وأنك مستعد للقيام بكل شئ من أجل استرجاعها ( لكن صديقي ما توقعش في الحرام الله يخليك ،، خمم ديما في الأمور الإجابية )
حاول ولا تيأس ،، فالحب والله ناس عاشو حياتهم كاملة في أمل حدوث ذلك والشعور بذلك الإحساس ولو لمرة وما لقاوهاش ،، فلا تفرط في ذلك ،،، لكن إذا ما كتبلكش ربي حتى بعد المحاولة ،، فهنا عاود حياتك من جديد صديقي ،، أنت في مقتبل العمر وممكن ستجد إنسانة تحبها أكثر وترجعلك ذلك الحب بالمثل

ربي معاك

والاخ هنا يقولك حافظ على حبك واعمل المعجزات خخخ يا ودي نوغمالمو تزوجت باخ مسلم اخر يعني واش ما المعجزة يعملها
شعب رومانسي بزاف