~~واش طيبتي اليوم؟! الجزء 91 اهلًا اهلًا بالعيد~~ - الصفحة 104

nihale89 · 2014-10-05, 10:59

صبااااااااااااااااح النووووووووووور
جبتلكم بعض الصور
هذا كبشنا كي ذبحوه

وهذي الجزرة

والراس والكرعين

والكبدة والقلب والرئة والطحال

وهذي الشحمة والمصارن

وهذا خبز الدار

وهذا الحميص

وهذا اللحم حطيتو في ساشيات

وهذي البكبوكة

وهذو لي كوتلات

السيدة كرمين · 2014-10-05, 11:02

يعطيك اصحة نهال ،مبروك عيدك

awladi · 2014-10-05, 11:04

اقتباس:

المشاركة الأصلية كتبت بواسطة السيدة كرمين

السلام عليكم لبنات ان شاء الله تكونوا ريحتوا من تعب أمس

انا كيما قلت من قبل عيدت مع دارنا بحكم ان زوجي مكاش
دبحنا ربعة تعبت بزاف غسلت زوج دورات و قطعتهم ومرت خويا زوج
شوطت كامل الريسان و قطعتهم مع خويا

خاوتي لزوج قطعو دبيايح ولأني حابة نتعلم تفصال
قطعت مع خويا الدبيحة تاعنا تعلمت فيها هههه وخرجت الصدقة و قسمت بابا وشيخي
ربي يتقبل منا لكل يارب و روحت لداري لأني تعبت
كملنا بعد المغرب حتى الدوارة قسمتها على اثنين حق الكمونية و حق العصبان
خليت لمصران باه ندير دولمة مصران وايضا لمصران الرقيق باه ندير لمرقاز
خليت الرقبة باه نديسوسيها وكتف باه نحمرو ان شاء الله لما نعدل لباراي نصور الوصفات ونحطهملكم

في بيت اهلي عادة صباح لعيد نديروا لملفوف مع الشربة و سلايط وعصير الليمون
وفي ليل قليت شوي لحم لولاد لكنهم هبطولي المورال وسمطولي كلشي
ولادي الصغار الاثنين مكلاو واااااااالو

ليوم راح ندير جلبانة

ربي يتقبل من الجميع

صحة عيدكم اختي ماتتقلقيش من الاولاد انا الكبير مايكل حتى حاجة عمرو مايذوق ولا الصغير اموت على اللحم برك وحاجة اخرى والو

اقتباس:

المشاركة الأصلية كتبت بواسطة ام طيري الجنة

البارح درنا ملفوف و سلطات و قازوز على 11 كي كملنا و بويسكو شبعنا و زاد خرجنا غافرنا فطرنا حتى الساعة 3 فطرنا الدوارة و في الليل تعشينا الشوا و السلطات و القازوز
اما اليوم راهو عاد زوجي ن ع يقطع في اللحم باش اندير اما المحمّر او اللحم في الكوكوت a feux doux او نشوي ههههه

بصحتكم حنونة وصحة فطورك

السيدة كرمين · 2014-10-05, 11:05

اولادي تعيشي قوليلي وش ديري مع ولادك انا رح نبكي
مايكلوش لبارح وسط الزهو والضحك واخوالهم كل واحد يحللهم بجيهة وهوما
لا حياة لمن تنادي ماسخفو في والو رح يهبلوني

awladi · 2014-10-05, 11:06

يعطيك الصحة نهال وصحة عيدك كي اطيبي البوزلوف اعطيني اللسان هههههههههههههههههههههه اجواء رائعة بارك الله فيك

awladi · 2014-10-05, 11:11

اقتباس:

المشاركة الأصلية كتبت بواسطة السيدة كرمين

اولادي تعيشي قوليلي وش ديري مع ولادك انا رح نبكي
مايكلوش لبارح وسط الزهو والضحك واخوالهم كل واحد يحللهم بجيهة وهوما
لا حياة لمن تنادي ماسخفو في والو رح يهبلوني

النصيحة هذي اعطاتهالي الطبيبة وخرجت عليا
وليدي كان في عمرو قري اربع سنسن من غير الفريت والحليب والخبز ماياكل حتى حاجة
قالتلي خبي عليه كامل الحاجة الي يحب ياكلها كي يقلب الكوزينة مايلقى حتى حاجة وحطيلو الماكلة قوليلو تاكل هذي ومكاش حاجة اخرى وخليه اذا محبش ياكل ماتمديلو والو كي اجوع اولي ياكل دورك راه ياكل كل انواع الخصرة والفواكه بصح بقى مشكل اللحم برك بصح نرحيه في لسوب ياكل ويفرح بصح قطعة لحم واحها مستحيل ياكلها
انت ديريلهم حساء الخضر باللحم وارحيه مليح

ام سهام 02 · 2014-10-05, 11:15

نضت الفجر انا و زوجي قشطنا الماشية و درنا تاع الشواء وحدوا و تاع الطعام وحدو و تاع الشربة وحدو و تاع الجواز وحدو و تاع الصدقة وحدها و الحمد لله

هذا حق عجوزتي

و جبتلكم كواليس الطعام بالرقبة و قطع من الرجلة

شي بيبا راني شفت ردك و فرحت بييه لانني والله راني نتعب باه نحط الصور
ان شاء الله تستفادوا من طريقتي و تدعولي بالخير

awladi · 2014-10-05, 11:17

صحة عيدك ام سهام يعطيك الصحة على الطعام راهي اشهي باين بنين يقتل اممممممممممممممممممممممم وصدقة مقبولة يارب

أم ماجد · 2014-10-05, 11:23

ام سهام الله يبارك عليك انت وزوجك
هههههههههههههههه نقصي شوية من سهم لعجوز هههههههههههههههههههههههه
راني نتمسخر هههههههههههههههه

أم ياسين الزهراء · 2014-10-05, 11:33

صباح النور

ام ماجد الله يحفظك راكي مزهية الحالى لعقوبة لفرح وليدك وتصوريلنا كلش

لبنات كامل بلا مانسمي يعطيكم الصحة وبصحتكم

غدايا تبدل بامر من الاولاد ركزيلي ام نسرين على هدي هههههههههههههههه قالو الشخشوخة ماحبوش الطعام وراهي طيب عيت مانضتش بكري والحمد لله

ام سهام 02 · 2014-10-05, 11:44

الله يخليك اولادي شكرا علي الاطراء وصح عيدك وسلمي على الاولاد

ام ماجد ضحكتني و يعطيك الصحة على المجهود في ميزان الحسنات

أم ماجد · 2014-10-05, 11:47

ام ياسو في حياتك ان شاء الله
معليه انا درت فطير وكسكس وكل واحد ياكل واش يحب
اليوم العيد ههههههههههههههه ندللهم شوية هو يعقب نعطيهم الحس هههههههههههههه

ام سهام 02 · 2014-10-05, 11:48

أم ماجد · 2014-10-05, 11:53

ماشاء الله ام سهام تشهي 44444444444444
نهال روعة الكواليس زيدونا لبنات كاش صور هههههههه

nihale89 · 2014-10-05, 11:55

ام ماجد ربي يخليك لينا ياغالية والله الغيد بلا بيك بلا طعم
ربي يعطيك علي قد قلبك