ارجو منكم مساعدة : تقرير التربص او rapport de stage

[Yacine Bmz]

المشاركة الأصلية كتبت بواسطة عبد الجليل 14

السلام عليكم
اهلا خويا ياسين واش راك ان شاء الله بخير
اكيد نعرفو الاستاذ بوعشة ....
والله يعطيك الصحة ربي يحفظك حتى انا كنت راح نسقسيك
كفيت ووفيت ربي يجازيك كل خير
فقط سؤال : ممكن تعطيني exemplaire على الرابور
+فهمني كيفاش 15 يوم وتحضر برك 2 ايام في السمانة ولا كيفاه
واش يكون اورال ولا كيفاه ؟؟
ما شاء الله ربي يبارك ... تستاهل خويا
بانتظارك اخي
شكرا جزيلا لك

نحمدو ربي ونشكروه أخي ع الجليل
ندو على سبيل المثال الطور الإبتدائي يعطولك 15 يوم محددة مثلا نقولو من 1 نوفمبر إلى 15 نوفمبر أنت فعلا في هاذي 15 يوم يكونو عندك ليكور تقراهم متقدرش تحضر 15 كاملة ولهذا كي تدخل السنة إن شاء الله تلقاهم مفرغين نهار الخميس علبال باش انت تروح تدير الستاج لانو في هادي 15 يوم تلقا فيه الخميس 2 مرات +مش شرط انت تروح الخميس اذا كان عندك نهار واحد اخر فراغ تقدر تحضر فيه(معناها انت مش مجبر تحضر 15 كاملة بالحساب قادر يومين يكفو)
بالنسبة للستاج لازم سمانة قبل ماتبدا تروح للمدير نتاع المؤسسة يعطيلك الموافقة بالنسبة للتجربة نتاعي انا في الابتدائي حظرت عند السنوات3 و4و 5 الأسبوع الاول دخلنا جمعنا في الاخير ودينا ملاحظات على التلاميذ المعلم طريقة التدريس ايا كي كملنا طلبنا من المعلم يعطيلنا لي فيش باش نديرو بيهم الدرس الجاي اورال معاهم وفعلا السمانة لي منبعدها حظرنا الدرس ودرناه مع التلاميذ (المعلم يعطيلك الحرية مع التلاميذ لمدة 1سا و 45 دقيقة)
هههه صراحة التلاميذ نتاع الابتدائي تحصل معاهم ههههه
نفس الشيئ مع السيام والليسي (هادو تلقاهم عادي تقدر تتجاوب معاهم خلال الدرس لانو اللغة الفرنسية مش جديدة عليهم كما الإبتدائي)
+حبيت نخبرك بلي الرابور 2ستاج ماديروش وحدك رايح يقولكم بوعشة على 3 طلبةمع بعض