مارايكم في الزواج من رجل عمره 40 سنة

[علي النموشي]

لا يهم السن بقدر ما يهم الدين و الخلق و التفاهم أختي الفاضلة .
الرسول - صلى الله عليه و سلم - تزوج من أم المؤمنين خديجة - رضي الله عنها - و هي تفوقها بـ 15 سنة . فما بالك من رجل عمره 40 سنة و إمرأة عمرها 23 سنة .
أما عن المال و السيارة و البيت فتأتي من بعد
تزوجوهم فقراء يغيكم الله .

[س..ع..ي..د]

واحد عمرو 59 سنة زوج بوحدة عمرها 19 ؟؟؟؟؟؟؟

نحسبوه عرس بنو عمرو 32 سنة بنو مسكين خدام بصح مزوجوش باباه قالو انا نزوج قبلك المراة الثالثة

العرس الزغاريت كل شئ مبروك كامل نحسبوه للطفل ومبعد صبناه لباباه شيخ كبير !!!!!


كفاش وعلاش وشكون السبة الله اعلم ...المهم الشيخ بصحتو زوج بوحدة اصغر من بنو هههه

اما بنسبة لموضوعك ختي !!!! كل تزوج نورمال اذا كانت الطفلة قبيحة في اللون ومتعرف تخدم حتي حاجة وباباها ويماها حابين يتخلصو منها تزوج بيها...

اما اذا كانت نورمال زينة ولا متوسطة وكما لبنات العاديات نقلها ارفضيه واستناي يجيك مكتوبك احسن ... و انا نظن انك تبقاي عانس احسن متزوجي بواحد قد دار البارود

ملاحظة
دار البارود مبنى من العصور القديمة يضرب بيها المثل عن كبر السن عندنا في الجلفة...

[linda1238]

المشاركة الأصلية كتبت بواسطة س..ع..ي..د

اما بنسبة لموضوعك ختي !!!! كل تزوج نورمال اذا كانت الطفلة قبيحة في اللون ومتعرف تخدم حتي حاجة وباباها ويماها حابين يتخلصو منها تزوج بيها...

اما اذا كانت نورمال زينة ولا متوسطة وكما لبنات العاديات نقلها ارفضيه واستناي يجيك مكتوبك احسن ... و انا نظن انك تبقاي عانس احسن متزوجي بواحد قد دار البارود

ملاحظة

دار البارود مبنى من العصور القديمة يضرب بيها المثل عن كبر السن عندنا في الجلفة...

ربي يهدي ما خلق
اانا نقلك ماتسمعيش كلام كيما هذا قبيحة ولا زينة ولا متوسطة الجمال هذا الشي ما عندو حتى دخل في قرارك اهم حاجة انك تكوني مقتنعة بالراجل وخاصة اذا راكي تحبيه وهو يحبك.
وانا تبالي مشي فرق كبير انتاع السن راه عادي انت 23 وهو 40 عادي جدا .
توكلي على ربي واستخيري وماتسمعيش كلام كل من هب ودب اطلبي النصيحة من اهل النصيحة (مع احترامي للجميع)

[عبد القادر28]

المشاركة الأصلية كتبت بواسطة س..ع..ي..د

واحد عمرو 59 سنة زوج بوحدة عمرها 19 ؟؟؟؟؟؟؟

نحسبوه عرس بنو عمرو 32 سنة بنو مسكين خدام بصح مزوجوش باباه قالو انا نزوج قبلك المراة الثالثة

العرس الزغاريت كل شئ مبروك كامل نحسبوه للطفل ومبعد صبناه لباباه شيخ كبير !!!!!

كفاش وعلاش وشكون السبة الله اعلم ...المهم الشيخ بصحتو زوج بوحدة اصغر من بنو هههه

اما بنسبة لموضوعك ختي !!!! كل تزوج نورمال اذا كانت الطفلة قبيحة في اللون ومتعرف تخدم حتي حاجة وباباها ويماها حابين يتخلصو منها تزوج بيها...

اما اذا كانت نورمال زينة ولا متوسطة وكما لبنات العاديات نقلها ارفضيه واستناي يجيك مكتوبك احسن ... و انا نظن انك تبقاي عانس احسن متزوجي بواحد قد دار البارود

ملاحظة

دار البارود مبنى من العصور القديمة يضرب بيها المثل عن كبر السن عندنا في الجلفة...

ليس عيب ان تجد من يسترها وخاصة ان كانت اخلاقه جيده اما السن لادخل له وخاصة ان الاخت سنها 23سنه وهو 40سنه عادي جدا مارائك فى صاحب80سنه ويتزوج بواحده 25 سنه لكن 40سنه ليس بكبير ولم يتزوج من قبل اما انت يامن تقولين انه قد دار البارود هذا عيب عليك نقك لبنات راهم سطوك وما لقاوش باش يتزوجو خلوا المخلوفه تتستر احسن المهم خدام

[س..ع..ي..د]

المشاركة الأصلية كتبت بواسطة علي النموشي

لا يهم السن بقدر ما يهم الدين و الخلق و التفاهم أختي الفاضلة .
الرسول - صلى الله عليه و سلم - تزوج من أم المؤمنين خديجة - رضي الله عنها - و هي تفوقها بـ 15 سنة . فما بالك من رجل عمره 40 سنة و إمرأة عمرها 23 سنة .
أما عن المال و السيارة و البيت فتأتي من بعد
تزوجوهم فقراء يغيكم الله .

الحمد الله بابا ماشي يدخل لمنتدى الجلفة ولا كون زوج علي يما مباشرتا بعد ميقرا ردك ههههههه

[سفيان]

لا ارى هناك اي مشكل في فارق السن

خاصة اذا كان قبول من طرف الفتاة

لان كما ذكرتي ان الزوج ليس له لا بيت ولا مال

يعني اذا كان قبول من طلرف الفتاة لا يكون مبنيا على طمع .....................

[djalal kais]

وين راح المشكل كي يكون ناس ملاح برك

[دموع الحيــاة]

إن كانت هي تريده ومتأكـّة بأنـّها لن تندم على قرارها

فلها أن تتزوجه ولا يوجد أي مشكل

وأمـّا السيارة والمال والبيت سوف يأتي وقتهم
المهم أن تكون مرتاحة

Bonne Continuation

[رحاب الأمل]

أختي الكريمة أنا عن قناعتي الذاتية ماكان حتى مشكل في السن مدام راكي تقولي راه مدين ومتخلق هذ اك هو الصح وزيد ورلي واحد في مجتمعناهذا الوقت تسمحلوا ظروفوا يتزوج قبل 30الله غالب على الشباب.
وزيد متنسايش أهم حاجة استخيري لأنوا عمروا مايندم من استخار مولاه.
ربي يجيب لي فيه الخير.

[جولنار1000]

المشاركة الأصلية كتبت بواسطة رحاب الأمل

أختي الكريمة أنا عن قناعتي الذاتية ماكان حتى مشكل في السن مدام راكي تقولي راه مدين ومتخلق هذ اك هو الصح وزيد ورلي واحد في مجتمعناهذا الوقت تسمحلوا ظروفوا يتزوج قبل 30الله غالب على الشباب.
وزيد متنسايش أهم حاجة استخيري لأنوا عمروا مايندم من استخار مولاه.
ربي يجيب لي فيه الخير.

اختي الفاضلة كلامك صح راكي عطيتيها اهم نصيحة الا وهي الاستخارة لانو ماندم من استخار وماخاب من استشارلكن اسمحيلي عندي ملاحظة صغيرة لا اتفق معك في نقطة السن لانو الفرق كي يكون كبير راهو يشكل عائق والفرق بينهم راه قريب 20 سنة وزواج ليلة دبارتو عام يعني هي 33 سنة اعز الشباب واحلى العمر وهو 50سنة قرب الشيخوخة هو درك في 40 راهو ناضج تماما وربما يعيش في المراهقة الثانية نتاع سن 40 وهي مازال حتى ماخرجتش من فترة المراهقة الاولى والله غالب صغيرة تحب تعيش لازم كل واحد يعيش حياتو فترة بفترة هو ديجا فاتهم خلاص ويشوف ربما تصرفاتها نتاع دري وهذا في حد ذاتو مشكل بغض النظر عن الغيرة دايما يشوفها صغيرة عليه والله راح تكون مشاكل بينهم ولا يتبعها ويولي صغير كيما هي لكن وين تروح شخصيتو ماتخرجش عليه اختي راني نحكي على الموضوع بصفة عامة صح كاين حالات استثنائية ربما تنجح لكن عموما والله الفرق كبير جدا
راني معاك الظروف راهي صعيبة و ماتسمحش للشباب يتزوجو شوي قبل وهو في سن الاربعين عادي مازال مافاتوش الحال وهذا وين كتب ربي لكن ياختي الراجل مايطيحش خلاص من روحو شوفي كي يحب يتزوج راح لبنت العشرين لوكان مرا عندها 40 اييييييييييه صايي الكل يياس منها ومسكينة تولي تقول لوكان غير يجي حتى لوكان عندو 60 سنة وعندو دراري ماعليش المهم نتزوج والله حالة غريبة
ياختي حاب يتزوج يشوف مولاة 30 -32-35 كاقصى تقدير وهادو شكون يديهم لكن مولاة 23 راهي في نظري مازلت صغيرة حتى على الزواج ومازال عندها فرص كثيرة والاهم انو كيما قلتي تبقى الاستخارة هي الفاصلة في الموضوع

[dido19]

لا يهم السن بقدر ما يهم الدين و الخلق و التفاهم أختي الفاضلة .

[abdelkader21]

شيء جميل ان تتزوج البنت بمن تحب . وعامل السن في مثل هده الحالة غير مهم . ولكن المشكل حسب راي في السكن فان توفر هانت كل النقائص ما دام يكسب قوته من عرق جبينه.سلام

[لقاء الجنة]

فارق العمر لا يشكل اي مشكلا بالعكس المشكل هو الاخلاق و الاحترام.. ان انعدما تلاشت العلاقة الزوجية مع مرور الوقت..

اما من الناحية المالية.. "وعلاش المسكين ما يتزوجش؟.."..بلاك مع الايام ربي يقدرو و لا تربحي عليه..

Et pourquoi pas

[malak13]

ماخاب من استخار و ما ندم من استشار توكلي على الله و افعلي ما لا تندمي عليه لكن اقول لكي راي بصراحة كما قال رسول الله صلى الله عليه و سلم ادا جاءكم من ترضون دينه و خلقه فزوجوه......فان لم تفعلو تكن في الارض فتنة و فساد كبير لكن اسالي الله خير هدا الزواج و خير ما يعده و تعودي بالله من شر هدا الزواج و شر ما بعده
و نقولك حاجة ديري اليى يريحك ماشي الي يريح الناس و ما تسمعيش لهدرتهم


ربي يستر كامل الوليات

[رشيد آل عمر]

قد يكون الكهل اكثر حنكة ورزانة واقل طيشا من الشاب.واما المال فهو احرص عليه من كثير من شباب اليوم.ما ندم من استشار وما خاب من استخار.والله الموفق.