الكل يعطينا جدوله المسائي للمذاكرة

[hana bonoise]

نعم اختي lili انا علمية / علوم تجريبية/ انا حسب توقيتي كل مادة نعطيها حقها ما عدا المواد الاساسية نعطيهم اكثر من حقهم وبالنسبة للفلسفة عندي موعد معاها 3 مرات في الاسبوع واحنا ياك نقراوها 3 مرات في الاسبوع وزيد على هذا هي مادة جديدة علينا ما نعرفولها راسها من رجليها قلت خلي نعطيها اكثر من حقها شويا يمكن تطلعني في الباك خفت نعاملها كيف المواد الثانوية الاخرى ونهار الباك نندم . وشكرا جزيلا على الملاحظة

[ح ـكآيه م ـبدع]

السلام عليكم

شكرا لكل لي شارك معانا

و انا الجدول ديالي لي راني نظن ثري وش شارجي بزاف

كل يوم نحل تطبيقات اليوم الدراسي يعني امر مفروغ منه
و اليوم لي ندرس فيه مادة 2 سوايع نراجعها في وحدها في داك اليوم
+ نهار فقط نراجع فيه المواد الادبية و يوم السبت غير مواد ادبية و الجمعة حوصلة للمواد العملية و نعملها تمرينات و نغلقها نهائيا

[سلمى سلومة]

أما أنا فأدرس الرياضيات والعلوم والفيزياء كل يوم والمواد الأدبية الجمعة والسبت والثلاثاء مساء
لمن يهمه يمكن أن أعطيه التفاصيل

[صديقة الجميع]

بالنسبة لي ، عندي برنامج نتبعوا باش نلحق كامل الدروس في جميع المواد:
أولا:المواد الأدبية :
ننهض كل يوم نقرا قرآن ونصلي ونقرا أذكار الصباح ومن بعد نقرا مادة أدبية قبل مانروح نقرا حسب البرنامج التالي:
السبت:ساعة صباحا فلسفة
الأحد: // // تاريخ<حفظ درس>
الاثنين: // // علوم طبيعية<مراجعة>
الثلاثاء: // // مرة لغة حية و مرة لغة فرنسية<مراجعة>
الأربعاء: // // الأدب العربي<مراجعة و يمكن التمرن على طبيعة الأسئلة>
الخميس: // // جغرافيا<حفظ>
الجمعة : // // حفظ علوم شرعية<حفظ>

ثانيا:المواد العلمية<رياضيات و فيزياء> كوني في شعبة رياضيات
الرياضيات : أدرسها كل يوم<ماعدا الخميس> بعد الرجوع من الدراسة مساءا،و تحضير الدرس قبل دراسته و محاولة حل تمارينه كما خصصت يوم السبت بأكمله لحل تمارين الرياضيات بتنظيم في الساعات.
الفيزياء :أدرسها يوم الخميس مساءا وخصصت يوم الجمعة لحل تمارين دروسها، طبعا بتنظيم في الساعات أيضا.

وهكذا لكي أستطيع أن أحوي جميع المواد و أجعل بينها توازنا وأظن أن هذا البرنامج ناجح بالنسبة لي ...
ويمكن لكم كذلك أن تعتمدوه في تنظيم دراستكم باضافة بعض التغييرات حسب أهمية المادة ...
أردت أن أفيدكم ببعض ما عندي...
تقبـــــــــــــــــــلوا منــــــــي...
أجمل تحيـــــــــاتي...
والسلام علــــــــــــــيكم...

اللهم وفقنا لما تحب و ترضى
و نسأل الله العظيم أن ينجحنا في شهادة الباكالوريا

[تسنيم91]

انا كي نرجع من الثانوية نريح شوية امبعد نصلي المغرب بالطبع
امبعد نقرا المواد العلمية 3 سوايع على الاقل,,,,,,,,,,,,, امبعد نحضر المواد الادبية
اما الحفظ في الصباح الباكر
ربي يوفقنا ان شاء الله

[M khalil]

الله لا يجعلنا من الحاسدين
انا مني ندير في والوا

[faty_46]

انا منيش عارفة كيفاش نظم وقتي راني كي نبد في مادة تروح قاع الاسبوع راني مخربش تاع بضح

[salahcab]

انا راني نقرا مواد علمية و الله غير عييت نقرا مواد ادبية ربي يجيب الخير

[mhamed1958]

صراحة والله كلش راه مخلط عندي

[أسامة حمزة]

انا ليس لدي برنامج محدد كل يوم وطريقة جديدة

[ayouba]

الكارثة الكبرى راهي عندي
لا مراجعة لا حفاظة لا حتى حاجة
المحاسبة نقدر نقول الحمد لله أما الباقي بدون تعليق
غير ندخل للدار نشرب قهوة ونصلي وممبعد ديراكت للميكرو
سيت مور سيت حتى يلحق وقت العشاء، نتعشى ونولي للميكرو
غير نتفكر الباك قلبي يولي يخبط فور ونحب نبكي
ما قدرت ندير والو
اللي عندو كاش نصائح ما يبخلش عليا
ربي ينجح الجميع

[ح ـكآيه م ـبدع]

المشاركة الأصلية كتبت بواسطة ayouba

الكارثة الكبرى راهي عندي
لا مراجعة لا حفاظة لا حتى حاجة
المحاسبة نقدر نقول الحمد لله أما الباقي بدون تعليق
غير ندخل للدار نشرب قهوة ونصلي وممبعد ديراكت للميكرو
سيت مور سيت حتى يلحق وقت العشاء، نتعشى ونولي للميكرو
غير نتفكر الباك قلبي يولي يخبط فور ونحب نبكي
ما قدرت ندير والو
اللي عندو كاش نصائح ما يبخلش عليا
ربي ينجح الجميع

نضمنلك 80 % عندهم نفس الحالة نتاعك

[riro1992]

أنا درت بروقرام هايل بصح ما قدرتش نتبعوا ،الدروس راهي غير تتراكم و الحفظ رب يستر ،راني ملي نخرج من الليسي لميكرو ،مع هاذوا اليمات رانا غير مع الأخبار نتاع الإضراب ،ربي يجيب الخير

[بوتقجيرت نهلة]

إلى الأخت hana bonoise
قد لاحظت مدى كبر برنامجك و ضخامته ففي الأول أهنؤك لأنك استطعت تنفيذ هذا البرنامج و هذا يدل على قدراتك و امكانياتك الباهرة كما اشيد بإعطائك الإهتمام اللازم للمواد الأدبية و هي صفة غائبة عند 90 % من التلاميذ إلا أنني أردت أن أنبهك إلى أنه يجب عليك تخصيص وقت أكبر للراحة أعلم أنك لا تودين تضييع الوقت و أنا مثلك تماما و لكن صدقيني إذا أصيب عقلك بالإرهاق سوف تجدين نفسك غير عادية يوم الإمتحان و قد لا تفهمين أبسط التمارين عفاك الله من ذلك.

[alikk555]

عندي ملاحظة الكل لا يستهين بالمواد الغير الأساسية فأنا مثلا عندي تجربة بكالوريا إستهنت بالرياضيات و وضعتها خارج مجال التغطية كانت سبب الرسوب في البكالوريا بعد أن تحصلت فيها على علامة 3.50 في البكالوريا.
ربي يوفق الجميع