لي عندو مشكل في وضعيته اتجاه الخدمة الوطنية ... انا في الخدمة

[salim blida]

السلام عليكم الى الأخ محمد أٍريد أن توضح لي حالتي
أنا خريج جامعي سنة 2010 أشتغل في منصب متعاقد مع قطاع حكومي وصلني استدعائين أخر استدعاء وصلني لدفعة 22/03/2013 لكن لم أذهب أود أن أكون ملف كافل العائلة مع العلم البايانات الآتية:
- أخوتي الذكور الكبار متزوجين ومنفصلين على البيت
-أخي الكبير سوى وضعيته العسكرية كافل العائلة مع العلم( متزوج وله بنت ومنفضل على البيت)
-أنا أعيش مع أمي و2أخوة
-أمي مريضة مرض مزمن(السكر - الضغط)
-أبي متوفي
-أخي الي أصغر مني مريض نسبة النظر لديه ضعيفة جدا مع لعلم انه لا يشتغل
-اخي صغير لا يشتغل
ماهو افضل حل؟

[zng41]

السلام عليكم
اخوتي انا من موليد 12/1989 في وهران بصح من بعد رحلنا الى ولاية اخرى و انا صغير
ولكن في هده الولاية الان ماجاني حتى ورقة ولا انا روحت لعندهم و ما فوتش لافيزيت
مع العلم اكملت الدراسة في 2009 السنة التانية تانوي
ومن بعد قريت بالمراسلة و فوت الباك و مديتهش وفي 2013 ديت ديبلوم نتاع conducteur engin عن مركز تكوين خاص privee
ودروك قلولي القصية كيفاش نروح عندهم ولا لالا
وادا روحت نقولهم بلي قريت بالمراسلة و لا لالا و حبيت تاني ما نقولهمش بلي عندي ديبلوم نعطيلهم برك نهاية الدراسة نتاع 2009 باش ندي اعفاء 1989

بعد ما حكيتلكم قولولي ادا راني في وصعية قانوني و واش لازم مدير
و جازاكم الله كل الخير و السلام عليكم...

[brahimoxdz]

لدي أخ توفي فى الجيش[الدرك الوطنى] هل لى الحق فى الأعفاء

[abbes21]

كاش جديد حول الاعفاء

[غـاني]

بسم الله الرحمن الرحيم

أنا من مواليد 1993سجلت نفسي في البلدية في شهر ديسمبر الفائت وذلك للفحص الطبي والأسبوع هذا جائني أمر إستدعاء (مؤهل تلقائيا)
1- هل ضاع مني حق الفحص الطبي او بامكاني اجرائه؟ وكيف السبيل الى ذلك ؟

أرجو منكم التوضيح وأجركم على الله .

[khalilovic16]

المشاركة الأصلية كتبت بواسطة saber-cabba

يا جماعة حبيت ندير هدا الموضوع من أجل مساعدة اخواني في حل مختلف مشاكلهم اتجاه الخدمة الوطنية
لاني على دراية في مجمل قوانينها لانه سبق لي ان كنت ضابط احتياطي في مركز الخدمة الوطنية يعني جوزت السارفيس ناسيونال في هدا المجال.........ولي عندو مشكل نحاولو ننصحوه

السلام عليكم انا الولد الذكر الوحيد في العائلة ابي متوفي رحمه الله انا الاكبر عندي 3 خياتي بنات صغار عليا حطيت ملف كفالة فمركز الخدمة فباب الواد مقبلوهش قالولي بعتنالك استدعاء+ امر التحاق ف مارس 2011 الاستدعاء ملحقنيش بصح هوما قالك بعتنالك قولي وين راه الحل

[sofi_dx]

المشاركة الأصلية كتبت بواسطة khalilovic16

السلام عليكم انا الولد الذكر الوحيد في العائلة ابي متوفي رحمه الله انا الاكبر عندي 3 خياتي بنات صغار عليا حطيت ملف كفالة فمركز الخدمة فباب الواد مقبلوهش قالولي بعتنالك استدعاء+ امر التحاق ف مارس 2011 الاستدعاء ملحقنيش بصح هوما قالك بعتنالك قولي وين راه الحل

اذا قالولك خرجك امر بالالتحاق معندكش حق تدفع ملف في مركز الجدمة انا نقولك وجد ملف فيه الكفالة و ادفعو فالمحكمة العسكرية هذه اجراءات لازم تفوت عليها

[سمسار92]

السلام عليكم اخي انا طالب سنة اولى من مواليد 92 لم ياتني استدعاء من قبل اي لم اجتظ هدا الفحص
ماالعمل رغم اني الصغير ووالديي متوفون شكراا

[محسن1988]

خويا قلتلنا اسؤلني وانا اجيب خويا اللي عندوا كيس فالخصية حشاك هل يتحصل على الاعفاء ارجوا الرد السريع وراني مداير سورسي نخدم الملف الطبي درك ولا حتى يخلص السورسي وماهي مكونات الملف الطبي وشكرااا

[abdessamia]

السلام عليكوووووووووم

[فريد القبائلي]

هل من جديد حول متخرجي 2010 ؟

[sofi_dx]

هذه معلومة ليستفد ممنها الجميع
---اللي خارجينو 2 اوردبال يكون في علمو بلي خارجاتو معاها امر بالالتحق
---اللي خارجتلو اوردبال + امر بالالتحاق الحل الوحيد هو المحكمة العسكرية هذه اجراءات لازم يفوت عليها
--- او يصبر حتى يخرج كاش اعفاء رئاسي يشمل العصاة

[amine eco]

ما رأيكم انا راح ندفع ملف طبي في الثكنة تاع القلب والامراض الصدرية
هل عندي حظوظ[ زعما كي روح في سبتمبر خير ولا مارس خير [

[عزيز النايلي]

عندي واحد صاحبي في عمرو اكثر من 30 سنة دزيرتا من الكازيرنا بلاما لبس الزي العسكري خلال 2003 وعندو حكم غيابي هل يستفيد من العفو ....للاشارة الحكم خرجلو من المحكمة العسكرية بقسنطينة سنة 2004 هل يستفيد من العفو افيدونا جزاكم الله كل الخير ومن كان في حاجة اخيه كان الله في حاجته

[أخوكم الصادق]

السلام على الجميع، أنا من ضحايا قانون اعفاء 2009 حيث لم يتم اعفاؤنا لأسباب نجهلها حتى الآن حتى أن لي صديق صدر في حقه الروشارش مباشرة بعد رفض ملفه و قد أرسل من المحكمة العسكرية الى آفلو مباشرة دون محاكمة، المشكلة أنه لدي استدعاء قبل صدور العفو و الأرجح أنه صدر في حقي الاستدعاء الثاني في مارس الماضي و أنا في حاجة ماسة الى سورسي و مع أنني أدرس حاليا في مدرسة غير تابعة لوزارة التربية و لا لوزارة التعليم العالى و لا التكوين المهني الا أنني خائف ان أنا عملت سورسي بالشهادة المدرسية أن أفقد حقي في اعفاء 2010 ان صدر، أرشدوني من فضلكم كيف أعمل سورسي أو أطالب بحقي في الاعفاء و جزاكم الله خيرا.