خطوات انجاز مفرش الورقة - الصفحة 4

amiramirna · 2013-03-03, 22:28

اختي مسلمة 21 من المفروض يخرجو 17 سطر + القلب
السطر اللي خاصك راهو خاص فالبداية تبعي في شرحي راهو مكتوب السطر الثامن (3 دوبل بريد + جسر +3 دوبل بريد)
بصح مايبانش ما تكسريش راسك
برك كي تخدمي كملي كيفييف باش ما يظهرش الاختلاف
والله غير شابين هاذي هي خدمة اليدين تظهر فيها لمسة كل فحلة

amiramirna · 2013-03-03, 22:30

رباب حبيبة حطيلي صور نشوف وين راكي
مافهمتش عليك
اللي فهمت انك تبلعي بالمنزلفة هادي صح
لكن السوال التاني ما فهمتش اسفة اذذا تفصدي كيفاه تبداي ؟
دخلي الهيط في الفراغ التاني و اطلعي ب2 سلسلة +1 بريد+ دوبل بريد حسب السطر اللي فالاسفل+ الجسر فوق الجسر اللي فالاسفل للاخير ذهابا و ايابا

رباب مختار · 2013-03-03, 22:36

تخلطت عليا راني قريب نهبل شوفي يا اختي راني عارف كثرت عليك بصح ان شاء الله تكون
في ميزان حسناتك المهم انتي في الصورة راكي كاتبة ديري 2 سلسلة و 1 بريد و تكملي ب دوبل بريد هاديك البريد وين نديرها؟
الخيط كي نقطعه كيفا ش نعاود نلصقه مع الخدمة؟
في الصورة راكي كاتبة نكرر العملية ذهاب و يعني كي نبغي نولي نقلب الخدمة في يدي و نطلع ب 4 سلسلة و نكمل ب دوبل بريد
يا اختي الله يفرحك ويرضى عليك اسمحيلي

amiramirna · 2013-03-03, 22:56

شوفي ختي هاذ التقنية تديريها دايما كي تكوني تطلعي روحي بالتدريج منزلقة او 2 سلسلة ( على حسب ) ،بريد، دوبل بريد و كي تكوني رايحة تهبطي بالمقلوب دوبل بريد ،بريد ،منزلقة باش ماتجيش الخدمة معوجة
باش تعاودي تلصقي الخيط في الخدمة تديري كيما نبداو البريد تدخليه ف الفراغ و تسحبي الخيطين معا القصير و الطويل و تديري 2 سلسلة بيهم هكذا ما ينسلش و في نفس الوقت تخفيه بين الخدمة و تكون نظيفة
كي تولي صحيح بصح ما تطلعيش 4 سلسلة 2 فقط و تبعي التسلسل اللي قلتلك عليه(2 سلسلة بريد دوبل بريد)
و ما تقلقيش روحك راني هنا ماكان حتى مشكل

رباب مختار · 2013-03-03, 23:09

بديت نفهم شوية انا هادي الي كانت خاصتني كيفاش نطلع و كيفاش نهبط فالخدمة بصح كاينة حاجة ما زال مابغاتش تدخل في راسي
2 سلسلة و بريد و دوبل بريد في نفس الغرزة؟ انا غدوة تعاود نبدى في واحد اخرى و نشوف كيفاش ندير الله يجازيك اختي

amiramirna · 2013-03-03, 23:20

[IMG][/IMG]

[IMG][/IMG]

رباب مختار · 2013-03-03, 23:29

صايي بديت نفهم يا اختي و الله ما راني عارف شانقولك الله يفرحك و يوفقك و يكملك ما راكي متمنية انا غدوة نبدى نخدم و لا ما فهمتش حاجة نهجم عليك
ما عليش ستحمليني شوية حتى نكملها الله يصبرك معايا

amiramirna · 2013-03-03, 23:33

شوفي نديرلك فيديو طويل شوية يصح ان شاء الله تفهمي عليه

ام احمد وصال · 2013-03-04, 12:27

اقتباس:

المشاركة الأصلية كتبت بواسطة amiramirna

شوفي نديرلك فيديو طويل شوية يصح ان شاء الله تفهمي عليه

مشكورة اختي على المجهود حتى انا بديت نخدم فيه كيما بديتي بصح لقيت روحي راني غير ندور مخرجليش كيما نتي خلاص وحرت كيفاه انا راني مبتدئة وكل يوم نكتشف حاجة جديدة في الكروشي ياريت كون ديرينا فيديو من البداية والله راه ندعيلك لليل مع نهار اني شفت الفيديو الي حطيتيه ماشاء الله عليك