موضوع مميز الكعك الإسبانية بالتفصيل الممل من مطبخي ^_^.

fella food art · 2012-10-20, 15:01

السلااااام
بمناسبة عيد الاضحى حبيت نوريلكم هذه الوصفة الجديدة باش ديروها في العيد ان شاء الله تعجبكم و جربوها صدقوني بنيييييينة بزااااااااااف مكاش لي كلاها و ماعجبتوش جرجوها و شوفو

مقادير العجينة : *200غ زبدة ذائبة و باردة /*6ملاعق عسل /*2 كيسان moyen سكر عادي /*2ملاعق كبار كاكاو /*2بيضات
/*2ملاعق كبار لافاني /*قرصة ملح /*700غ فرينة /* 1ونصف باكي لالوفوغ lever chimique

مقادير الكريمة créme moussline
*1لتر حليب /*3فناجل سكر عادي /* 2 فناجل مايزينة /*2 بيضات /*250غ زبدة فلوغيال /*5ملاعق كبار لافاني
ضربي السكر من البيض حتى يتضاعف الحجم

+لافاني

من بعد فرغي الزبدو و الباتوغ يدور

من بعد العسل و الباتوغ يدور تاني

كي يتخلطو مليح المواد السائلة نزيدو الفرينة و الكاكاو و لالوفوغ باليد ماشي بالباتوغ و الا عندك بيتخا ديري k

خلطيها حتى تنطم كي لي سابلي

من بعد قسميها الى 4 اجزاء 3 قدقد و 1 صغير

lمن بعد حليها فوق السنيوا تكون بلا و اذا معندكش اقلبي السنيوا

حلي بالوحدة يلزم في 3 يكونو كيفكيف

كي طيب تكون يابسة لعجينة ما تنخلعوش نوغمال يلزم تكون يابسة

ذرك لاكرام موسلين
ديري السكر +النشا +البيض فوق الحليب سخون و خلطيهم فوق النار اقعدو تحركو حتى تعقد

غير طفي النار ارمي فوقها 50غ زبدة نحيهم من 250غ لي قلتهم قبيلا من بعد حرطيها حتى تدوب الزبدة فرغيها في حاجة بلا باش تبرد خليوها تبرد ساعة يلزم تبرد مليح

طي تبرد مليح ديري هادوك200غ تع زبدة لي بقات ديريها في البيتخا و ديري ملعقة كبيرة لاكلرام باتيسياغ لي خلينها تبرد
و خلطو مليييييييييح ملييححححححححح حتى الزبدة ماتوليش تبان

من بعد زيدو فرغو بقية لاكرام و5ملاعق كبار لافاني و خلطو مليييييييح مليييييييييييييح حتى تولي تبرق

طريقة التشكيل
حطي في سنيوا العجينة الاولى و اطليها بالكرام موسلين من بعد زيدي حطي فوقها الطبقة التانية تع لابات و زيدي اطليها من بعد زيدي حطي الطبقة الثالثة و الاخيرة و اطليها

من بعد هديك لابات الصغيرا تكونو طيبتوها كيما لوخرين بصح ماهمش شكلها خطرش ترحيوها في الروبو فهمتو
كي ترحيوها ذرذروها فوق وجه الخبزة

من بعد غطيوها مليح و خليوها 24 ساعة في الثلاجة يلزم 24ساعة باش تولي طريو و بنيينةةةةةةةةة اممممممممممم

بعد 24 ساعة قطعوها كيما تحبو
و ان شاء الله تكونو فهمتو لي مفهمتش تقولي
ا

اتنمى ان تعجبكم

و شهية طيبة............

ام بلبل · 2012-10-20, 15:10

يعطيك الصحة اختي على هذه الوصفة الهايلة لو تتكرمتي و تعطيتا الطريقة

fella food art · 2012-10-20, 15:12

اقتباس:

المشاركة الأصلية كتبت بواسطة ام بلبل

يعطيك الصحة اختي على هذه الوصفة الهايلة لو تتكرمتي و تعطيتا الطريقة

راني ندير فيها

sawsssen · 2012-10-20, 15:19

win rahi lasuite !!!!!!!!! .?????????????? rana nastanaw chahitinaaaaaaaaaaaaaa

sarah3113 · 2012-10-20, 15:19

واو الله يبارك ومشاء الله والله وصفاتك كامل كتبتها ان شاء الله نجربها وتنجحلي وشكرا لك حبيبة

sarra5 · 2012-10-20, 15:27

ya3tik lsaha raki foort bzef

ام ياسين187 · 2012-10-20, 15:28

واااااو حنا موافين نشريو هنا في إسبانيا بنين بزاااف يعطيك الصحة أختي

أم سيرين1 · 2012-10-20, 15:42

هااااااااااااااااايل يعطيك الصحة اختي فنانة تاع الصح

fella food art · 2012-10-20, 15:51

مشكورييييييييين ♥♥♥♥

ام ملاك. · 2012-10-20, 16:23

يعطيك الصحة عجبتني بزاف لازم نديرها اليوم ولاغدوة ان شالله عجبتني
تديري واحد الوصفات روعة
لازم نولو صحابات انا وياك هههههه
نقصر معاك والله غير عجبتني حتان خلاص خليت المواعنوقعدت نقرا فيها مي بزاف هايلة
صحيتي