|
|
|
|||||||
| قسم المنزل و متطلباته كل ما يخص المنزل و متطلباته بصفة عامة ، الأجهزة الكهرمنزلية .. الحديقة ... |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
الطبعة التاسعة "دورة الرقي لمدبرة منزل مثالية"
 |
|
|
أدوات الموضوع | انواع عرض الموضوع |
|
|
2012-10-24, 07:38
|
رقم المشاركة : 1 | ||||
|
صباحكم بالخير و الهناء
أختي سندس وش راك إن شاء الله تكوني بخير و على خير .... أيا خلاص راني فهمت بلي راك مخطوبة و عندك حجاج في بيت الله ربي يجيبهوملك على خير و أمانة أمانة كان كلمتيهم اليوم أو غدوة قوليلهم يدعولي في عرفة أنا أختك ليلى أم أريج شوفي توقيعي هذاك ماراني طالبة أختي ملاك ربي يحفظك و يعطيك الصحة على الترحيب نردهالك في الأفراح إن شاء الله تعينلي راكي تلمسانية و إلا راني غالطة عزيزتي سعاد ربي يكون في عونك تبانيلي صغيرة و جديدة في الزواج و الأولاد ...صح وإلا راني غالطة .... إذا كان صح خوذي برأي ناس بكري "كان غلبوك بالكثرة أغلبيهم بالبكرة" يعني كان عندك أولاد بزاف أو قضية ياسر نوضيلها بكري .... و أنا راني نعرف قسمطينة مليح أُمَا من فَمَ من الفوبور و أكثر حاجة تعجبني فيها هو الهدرة انتاعكم و التسلام ... راكم تحبو تبوسو "تقبلو بعض" بزاف مازلتم محافظين على عادة التسلام كي تنوضو من النوم ... هي نبدأ بتطبيقي تاع اليوم الصلاة ...... الأدكار الحمد لله قمت بها كالعادة شعري راهو غارق في زيت اللوز و دابر أملا "مانقدرش لريحة زيت زيتونة" الأسنان انضاف رجلي درتلهم كرام و لبستلهم إبا شغُل الدار الي قلتو عليه كامل مداير و الغداء راهو يطيب درت عدس بلحم الجمل أيا مالي راني رايحة للكوزينة بقاولي غير حيوطها و زيد نلم بيت البنات خلاوهالي كيما راهي أو الطفل الله يسمحلو دار روحو عدل فراشو بصح لازم نعاودو و راني راح نسيق تسييقة تاع العيد اليوم باه غدوة حدني نلهى بالدوش انتاعي و انتاع البنات و السيشوار و عندكم تنساو غدوة اسمعو لخطبة عرفة امبعد نتأكدلكم على وقتها و انقوللكم عليه ثاني غدوة يجي رب البيت من العمل عندو شهر و نص ماجاش دبرو علي وش انطيب خاصة أنه موسم .... زعم قلت اندير رشتة لأنه موسم و سلاطة بسباس وش رايكم
|
||||
|
2012-10-25, 13:40
|
رقم المشاركة : 2 | ||||
|
مرحبا بك معنا أختي ليلى راكي متهلية خلاه عجبتيني دمك خفيف زيد اسمك كيما إسمي غير أنا مكتبتيش عليا رابور  اقتباس:
|
||||
|
2012-10-24, 08:45
|
رقم المشاركة : 3 | |||
|
اسعد الله صباحكن حبيباتي
أصبحنا وأصبح الملك لله، والحمد لله، لا إله إلا الله وحده لا شريك له، له الملك وله الحمد وهو على كل شيء قدير، ربِّ أسألك خير ما في هذا اليوم وخير ما بعده وأعوذ بك من شر ما في هذه الليلة وشر ما بعدها ربِّ أعوذ بك من الكسل وسوء الكبر، ربَّ أعوذ بك من عذابٍ في النار وعذاب في القبر اللهم بك أصبحنا وبك أمسينا وبك نحيا وبك نموت وإليك النشور |
|||
|
2012-10-24, 18:39
|
رقم المشاركة : 4 | |||
|
مساء الخير عليكم يالبنات راني درك واين قعدت نفضت البيت وسيقت وغسلت الثلاجة ويااختي اريج المسك راني عندى 13 عشرة سنة متزوجة و4اطفال 2بنات و2دكورة وعمري 32سنة يعني كبيرة بصح داري كبيرة بزاف وعندى الاتات في جميع البيوت والان مع الاولاد ندمت للي شريت بزاف والعادة تاع التقبيل كاينة منها وكينوضو الصباح تاني كل يوم ونقعدو نسلمو ساعة كي نتلاقاو وشكرا |
|||
|
2012-10-24, 19:51
|
رقم المشاركة : 5 | ||||
|
اقتباس:
مساك الله بالخير و الهناء عزيزتي
والله بزاف عليك الشغل أيا ريحي و ديري رجليك في ماء و ملح و تعشاي مليح باه تتقوتي و تنجمي تنوضي غدوة لدوش و السيشوار راني رديت عليك لما قريت مواضيعك و لقيت موضوعك على الإنشاء أو الوضعية الإدماجية فحبيت ننصح أختي العزيزة أولا انحب انقولك بلي موضوعك ما حطيتيهش في مكان مناسب لوكان حطيتيه في منتدى التعليم الإبتدائي و هو أصلا موجود للشيخ عبد الناصر أمازيغ اسم الموضوع لماذا يعاني التلاميذ في التعبير؟؟؟ هذا هو الرابط https://www.djelfa.info/vb/showthread.php?t=1098778 ثانيا ... أختي سعاد في منتدى العام للمرحلة الإبتدائية كاين ركن مهم جدا "بكل تواضع أنا من إقترحه" و الحمد لله ثبته المشرف و هو ركن مفيد جدا اضربي طلة عليه و على كل المشاركات الي فيه لأني طرحت فيه مشكل التعبير أوالوضعية الإدماجية و جاوبوني المعلمين و الحمد لله ابني السنة الرابعة تحسن ياسر ياسر هذا الركن هو "همزة وصل بين المعلم و الولي " كما قتلك في المنتدى العام للمرحلة الإبتدائية و هذا هو االرابط انتاعه زوريه و ابحثي فيه تجدي فيه عن التعبير و عن القسمة و عن الإعراب و كل شيئ لن تندمي على زيارته أبدا https://www.djelfa.info/vb/showthread.php?t=1080102 سامحوني حبيباتي خاصة انت يا سندوسة لأني خرجت عن الموضوع لكن لمجرد الفائدة إن شاء الله تتقبلوها بصدر رحب و شكرا |
||||
|
2012-10-24, 21:09
|
رقم المشاركة : 6 | |||
|
الله يباركلك في اولادك ويخليلك الزوج انتاعك راهو عجبني المنتدي بزاف ودرك نعود مانخرجش منو والله فرحت كى اهتميتي بالموضوع انتاعي راهو كان عندي مشكل مع بنتي التانية والثالثة ماقراتهمش المعلم كاين يبقي قاعد برك في القسم وانا اللي نقريها وحدى الان الحمد لله بدلتله المدرسة كامل وتهنيت المعلمة ماشاء الله بقالي التعبير فقط وراني في الليل نوجد السحور غدا نصوم انا والزوج انتاعي عرفة ماقدرتش نصوم 10 ايام وراني ماتعشيتش ندير الرجيم ناوية نقس شوية ماما قاتلي راكي مليحة بصح انا ماشى مقتنعة والغد نمسح الغبرة تاع البيوت كامل وجميع المرايات بالجرنان ومنضف الزجاج ونوجد السينية في للصالون وكاش خدمة غدا نكتب تطبيقي |
|||
|
2012-10-24, 08:47
|
رقم المشاركة : 7 | |||
|
ايه اختى اريج تلمسانية .......... كدلك ربي يجيبلك راجلك على خير احنا عندنا كى نفرحوا بواحد جاى اول حاجة نديرو لحريرة ونزيدو اما برقوق ولحم ولا زيتون اخضر مع اللحم والشونبينيو او اللبيا خضراء زيد سلاطة عن نفسي هدا فطور مغرب غدوة ان شاء الله لانو الكل يكون صائم
وربي يحفظك راك شاطرة انا نضت صليت ورجعت ما فقتش حتى ضروك |
|||
|
2012-10-24, 08:55
|
رقم المشاركة : 8 | |||
|
حبيبتي ام ملوكة ماشاء الله عليك راكي قايمة ربي يكون في عونك
حبيبتي ام اريج ماشاء الله عليك انت تاني راكي قايمة بالنسبة للحجاج ان شاء الله كي نكلمهم راني نقلهم يدعولك ويدعو لكامل لبنات بالنسبة للخطبة لالا مانيش مخطوبة هاكي فولتيلي هههه بالنسبة لطياب غدا حنا في عادتنا هنا في لمسيلة اكيد صيام يعني نديرو لفطور برك انا غدوا ان شاء الله رح ندير شربة فريك باللحم مرقة جلبانة بالجاج السلاطة الفلفل وراح نزيد الرولي المالح على خاطر عجبهم و للسهرة كرام كرمال واكيد مع الديسار حبيبتي وفاء كيف حالك ليك وحشة انت و كمال لبنات راهم غايبين |
|||
|
2012-10-24, 09:31
|
رقم المشاركة : 10 | ||||
|
طريقة الكرام كراميل
اقتباس:
المقادير : "ل5اشخاص" 5بيضات نص كاس سكر احرش 3 فاني 2كيسان و نص حليب في اناء تخفقي البيض مليح ثم تضيفيلو السكر و تخفقيه ثم الفاني ثم الحليب و تواصلي الخفق تحضري الكراميل في طاوة تحطي السكر "انا ندير 2كيسان " على حساب البلا اللي راح تديري فيه تحطيه على النار مع التحريك حتى ولي كراميل تصبيه فوق المول و تحركي المول باه يتوزع الكراميل الا كان المول نتاع اينوكس ولا زجاج بالاك راح يكون سخون هزيه بفوطة والا كان تاع سيليكون عاد "انا نستعمل السيليكون يجي هايل" و من بعد تحطي فوقو خليط البيض و تحطيه في سينية الفور و تملايها بالماء لغاية المنتصف ولا فوق بشوي المهم مايقيسش الماء الخليط نتاع البيض و تحطيها في الفور حتان يطيب ومن بعد تديريه في الثلاجة لمدة من 1ساعة الى 2.30 ساعة و تقطعيه وتقدميه و تقدري تديريه في قوالب فردية بالتوفيق حنونة |
||||
|
2012-10-24, 09:35
|
رقم المشاركة : 11 | |||
|
صباح الخير البنات انا ام امجد |
|||
|
2012-10-25, 13:52
|
رقم المشاركة : 12 | ||||
|
الله يبارك عليك أختي على النشاط و الهمة ربي يدومها ويحفضك من العين  اقتباس:
|
||||
|
2012-10-24, 10:05
|
رقم المشاركة : 13 | |||
|
الرولي المالح
الوصفة لام رامي السلام عليكم ورحمة الله وبركاته هذا رولي مالح لذيذ جداا من مطبخي وينفع كمقبل للضيوف انا ماكنش عندي لحم مرحي استعملت اسكالوب رحيته وتبلته مليح وطيبته  إضغط هنا لرؤية الصورة بحجمها الطبيعي. ملعقة كبيرة بصل +ثوم + زيت + طماطم حب ومصبرة وهريسة + فلفل حار مقطع + دبشة وملح وفلفل اسود وكمون وجوزة الطيب على نار هادية اكيد مع السكالوب المرحي حتى طاب ونشف مليح إضغط هنا لرؤية الصورة بحجمها الطبيعي. جهزي زيتون اخضر مقطع دوائر +وريقات دبشة + فرماج في كيس مثقوب للتزييين إضغط هنا لرؤية الصورة بحجمها الطبيعي. اخفقي ثلاث بيضات + ملعقة قهوة فرينة + قبضة خميرة كيميائية +ملح فلفل اسود جوزة الطيب ودبشة مقطعة رقيق سخني مقلاة تيفال او شواية وادهنيها بالزيت ونقصي النار واسكبي خليط البيض بمجرد ما ينشف ضعي الفرماج ثم اللحم ثم الفرماج ولفي إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. حطيه في صحن اقسميه كيما الرولي وزيني بالفرماج ودوائر الزيتون ووريقات الدبشة إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. ملاحظة لازم كمية اللحم تكون كثيرة باه الرولي يجي مرتفع وشكله جميل شهية طيبة لكم |
|||
|
2012-10-24, 13:16
|
رقم المشاركة : 15 | |||
|
السلام عليكم
كي راكم خواتاتي لعزيزات أنا راني طايحة بالأربعة راح انموت بالتعب هذا وين كملت .... و لكن الدار ماعندي مانقولكم نظيفة و نقية و ريحة البخور في بيتي و ريحة ...... في الصالة و الغرف الأخرى و الكوزينة ما حبيت انديرلها حتى ريحة لاخاطر عجبتني ريحة الجافيل الرغوي الي استعملتو بالمناسبة الي مش متعودة عليه ننصحها تستعملو ينقي روعة و ريحة مليحة و ما يخليش ريحة النتانة تاع الجافيل العادي يعطيكم الصحة على ردودكم و استهلاي يا سندس توصي الحجاج ... راني نهدر معاك تاع الصح عندك تخذليني .... و مشكورة حبيبتي أم ملاك ربي يبارك فيك و يهنيك راكي فكرتيني في الزيتون رب البيت يحبو يموت عليه راح انطيبو مع الرشتة لأنه نحنا في بسكرة مازال شادين في عادات بكري يعني في المواسم نبعثو لبعضانا "الذوايق" يعني نذوقو بعضانا من أكلاتنا و الرشتة تصلح باش نبعثها لجاراتي لعزيزات و لوالدتي ربي يحفظها و طبعا معاهم السلاطة و في الليل ندير الكراميل راهي فكرتني فيه سندوسة و اليوم إن شاء الله راح اندير كيما سندوسة راح اندير جاري فريك باللحم و نجرب الرولي المالح إذا صلحلي راني نعاودو غدوة .... غير ربي يكون في عوننا و يعطينا الهناء و السعادة في هذا العيد لينا و لكل أمة محمد صلى الله عليه و سلم آمين أيا انخليكم على خير درك و إذا مازدتش بنت غدوة صح فطوركم و ما تنساونسيش بدعوة زينة ليا و للأولاد بالنجاح و التوفيق ... أنا مانيش صايمة استهلاو انتوما حق انسيت ... أنهنيك عزيزتي أم أمجد و إن شاء الله تداومي على النهوض بكري راهو فيه براكة كبيرة و كي تخلصي شغلك بكري تلقاي وقت لنفسك با تستهلاي فيها ربي يدومها عليك نعمة و يحفظها من الزوال اللهم آمين السلام عليكم |
|||
|
| الكلمات الدلالية (Tags) |
| "دورة, لمدبرة, مثالية", أوسم, التاسعة, الرقي, الطبعة |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض المتطور
