كيف تجتنب شخص كثير المشاكل

كاميلا · 2012-09-05, 15:17

من طباعي احب الهدوء ونحب منتعدى على حد ولا حد يتعدى عليا يعني بالمختصر نحب نكون ترونكيل والشيء اللي منحبوش منرضاهش لغيري لكن واش ندير خاصة اذا كنت نسكن مع شخص يموت ويفنى على المشاكل وهو فرد من العائلة اختي الكبرى تستفز اللي قدامها تلوح الهدرة تعاير تفتعل مشكلة من الهوى حتى بعض المرات نكره حياتي ونقول وقتاش نخرج من هاد الدار كرهت ظلمها المستمر كون نفوت على الكوزينة نلقاها تمنشر فيا ساعات نلقاها تسب فيا ساعات نلقاها تكذب عليا وتتبلى عليا وزيد ديما تلعب روها ه يالضحية عندها وحد البطش تقول فرعون تظلمك ومبعد تبلعط الامور وتردك انت اللي غالطة تضربك وتقول انت اللي ضربتي مدايرة في الدار تقسيم الابناء الكبار هوما الخيرة ومثال التربية والصغار هوما اللي مش متربيين
كيفاش نتعامل مع هاد النوع نقفل ودنيا ونغمض عينيا ؟

ghani stayfi · 2012-09-05, 15:25

زيد ي اصبري شوية حتى اجي مكتوبك وتتهناي ان شاء الله

soso sirin · 2012-09-05, 15:37

يا اختي هاذي اختك كون جات واحد براني نقلك اخطيك منو كي تشوفيه بدلي الطريق مي اختك ماعندك ماديريلها مي بلاك صح تقلقيها و انتي ماتحسيش ماتنسايش انو حنا مرات نديرو شي حوايج يبانولنا عادي مي الصح راهم يقلقو اهدري معاها و لا حاولي تعرفي علاه راهي تتقلق منك

اللؤلؤة مريم · 2012-09-05, 15:45

كما قالت سيرين هذه أختك يعني تجنبها و الإبتعاد عنها ليس حل و أكيد يوجد سبب لتصرفاتها يعني يمكن عندها مشكل حاولي التقرب منها و قضاء بعض الوقت معها في أمور يحبها كلاكما كالتسوق مثلا و إستغلي الفرصة و إشتري لها هدية

كاميلا · 2012-09-05, 15:51

شكرا للنصح والارشاد لكني استنفدت كل الطرق وهذه الحلول خلصت لها بعد طول مرار وعذاب وحتى والديا قالولي هكدا

soso sirin · 2012-09-05, 15:55

صح اختي كاميلا انتي ماديريلهاش حاجة تقلقها شوفي مليح اسلوبك في الكلام معاها و لا كاين حاجة انتي ماتعرفيهاش و احسن شخص تسقسيه هو يماك لانو ماراهيش رايحة تكذب عليك و ان شاء الله تلقاي الحل

كاميلا · 2012-09-05, 16:02

اقتباس:

المشاركة الأصلية كتبت بواسطة soso sirin

صح اختي كاميلا انتي ماديريلهاش حاجة تقلقها شوفي مليح اسلوبك في الكلام معاها و لا كاين حاجة انتي ماتعرفيهاش و احسن شخص تسقسيه هو يماك لانو ماراهيش رايحة تكذب عليك و ان شاء الله تلقاي الحل

شكرا جزيلا معا حق بصح يبقى حل نغمض عينيا ونغلق ودنيا هو الحل

مريم الصابرة · 2012-09-05, 16:18

السلام عليكم اختي بارك الله فيك خليني نقولك والله كنت هكذا مع اختي مش للدرجة هذي لكن ندابزو بزاف وحتى تزوجت قلت اوف تهنيت منها كانت تحلاش يمى عليا ههههههه وتعلق على كل شي مع العلم إنها أصغر مني ولأنها كانت مخطوبة دات مكانتي يعني المتزوجة ارشد وأكبر من ختها لكن عالجت الأامر بروية حكمتها وحكيت معاها ومنعتها تدخل في حياتي وكنت تعايرني نعايرها ديركت ومن بعد بدلت العقلية وليت نحكي معاها بالسياسة ومرة حكمتها وفهمتها ايا خلاص وزادت تزوجت وراحت ااااااااوووووووووف تهنيت هههههههه اختي فترة وتمر ممكن ختك عندها مشاكل عندها عقلية تحب تسيطر الله غالب جات الضربة فيك إنت تحملي وديما أضحكي وخليها ورديلها بكلام مليح وتشوفي حتى لو داخلك حابة تضربيها دقدقيها لكن معليش كبير خاطرك هذي ختك ويجي وقت تتفكري وتضحكي بارك الله فيك على ثقتك فينا