إنهيار - الصفحة 2

la duchesse · 2014-06-25, 11:46

~ شوفي يا الاخت عندي صديقة في نفس عمرنا اعرفها عز المعرفة تكرمت مرتين من الوزارة بسبب تفوقها في الرياضيات بالمعنى كانت الطير مين فوتنا الباك مرضت بقلبها ماخدمتش و ادا لحقت عشرة راهي مليحة هادي شا تقول اظن انها ممتازة اكثر منك و مع دلك و الله تحكي معاها تقولي ما صرالها والو و تسمعي منها غي الحمد لله و متفائلة و تقولك علابالي ربي يبغيلي غي الخير و لحكمة منه صرالي هكا

قولي الحمد لله و شدي في ربي ما يخبكش و ادا مافلحتيش فالقراية تفلحي فحاجة وحدخرا و الدنيا هادي يجي نهار و تخليها غي ماتسرعيش و ا ستغليها في طاعة الله

بالتوفيق

مُﭔﭥسـّمہ دائمًا ツ · 2014-06-25, 11:31

يعني عندك ساهل تخلي والديك يستحملوا فكرة الموت تاعك وصعيب يستحملوا نتيجة الباك تاعك ؟ هههههه : )
ربي يهديك يا ختيتي استغفري ربي الانتحار معصية عظيمة وهي تجري على لساننا عادي ..

ابشريييي بالخير يا حبيبة

f0rest · 2014-06-25, 11:31

الله يهديك اختي ، على جال حاجة تافهة كيما هذي تخسري الدنيا والاخرة ؟
الباك مجرد امتحان فقط و الامتحان الاكبر هو الاخرة
ربي يسلكها على خير

sarah l'oranaise · 2014-06-25, 11:33

لا أحد سيفهمني منذ الصغر ممتازة و كي جات فالباك عميتها و ضيعت مستقبلي

شعلة الطموح · 2014-06-25, 12:25

اقتباس:

المشاركة الأصلية كتبت بواسطة sarah l'oranaise

لا أحد سيفهمني منذ الصغر ممتازة و كي جات فالباك عميتها و ضيعت مستقبلي

و لاه غير نتي لكنتي ممتازة و ماكيش رايحة جيبي مليح في الباك نتي على الاقل ماجبتيش مليح كاين لي ماجابوش خلاص وكانو من افضل التلاميذ
الا فكرتي في الانتحار رايح ضيعي البك و المستقبل نتاعك + الجنة
علابالك خليتي دمي يغلي و الله ناس ولات ماتامنش بالقضاء والقدر علابالي بلي رايحة تنهاري تبكي ماتاكليش سمانة يعيطو عليك والديك يضربوك ومن بعد تولي لحياتك العادية enfin c'est pas la fin du monde

ايا نحي هذي الافكار السوداء من راسك زعما الباك هو اللي رايح يديك للجنة

الاه غير الطب اللي كاين تخصص تربطو فيه روحكم اصلا انا راني نشوف فيك ما تاليقيش للطب خلاص حتى ويلا جبتي 19.99 لان شخصيتك ضعيفة

zikou3 · 2014-06-25, 11:34

نقلك ..... نديروا صفقة .... متقتليش روحك ديري بليزير خلي انا لي نقتلك هههههههههههه
"متعطش للقتل"

sarah l'oranaise · 2014-06-25, 11:36

أخ zikou آسفة لكنني إخترت طريقة للإنتحار

sara.souf · 2014-06-25, 11:37

ربي يجيب اللي فيه الخير اختي ماكلاه تديري هذا كااامل
و ربي يجيبلنا النجاح بالمعدلات اللي رانا حاببينها

abdou 07 · 2014-06-25, 11:38

ريبي يهدي
يعني و لنفرض انك لم تتحصلي على المعدل الذي يؤهلك لدراسة الطب و بالتالي لا يرضى عنك والديك
و لكن بالانتحار لن يرضى عنك الله عز و جل
فاختاري من تريدين ان ترضي

sarah l'oranaise · 2014-06-25, 11:41

يعني لو كان الأمر علي لكنت عاودت اجتيازه مرة أخرى لكن المشكلة أن والدي لن يصمتا أبدا يعني يعيشانني العذاب النفسي

~ قدس ~ · 2014-06-25, 11:47

اقتباس:

المشاركة الأصلية كتبت بواسطة sarah l'oranaise

يعني لو كان الأمر علي لكنت عاودت اجتيازه مرة أخرى لكن المشكلة أن والدي لن يصمتا أبدا يعني يعيشانني العذاب النفسي

اي عذاب اختي توكلي على ربي وعلى نفسك وعاودي كان ما عجبكشي المعدل وما وصلكشي لكلية الطب

didiche131 · 2014-06-25, 11:50

Mais tu es malade a cause du bac tu vas te suicider mais mridha smhili khafi rabi hram wach raki tkhami esstaghfri et va prier balak rabi yeghfarlak

tokio hotel · 2014-06-25, 11:52

Nétla9aw fi jahanem Sarah x) ana hbelt c bn mais kayen ghir Rabi li neteklou 3liih méme ana jai un réve haba nousel lih mais allah ghaleb jet haka

zikou3 · 2014-06-25, 12:26

يا جماعة راحي في حالة نفسية وتزيدو عليها ب راكي مهبولة و واش بيك؟

انتم مش مجربين هاذا الاحساس عام كامل مبعد جيك عفسة كيما هادي

والله صعيبة بزاف

اختي ننصحك راكي في نفس حالتي

حاولي تسيطري على روحك

شعلة الطموح · 2014-06-25, 12:34

اقتباس:

المشاركة الأصلية كتبت بواسطة zikou3

يا جماعة راحي في حالة نفسية وتزيدو عليها ب راكي مهبولة و واش بيك؟

انتم مش مجربين هاذا الاحساس عام كامل مبعد جيك عفسة كيما هادي

والله صعيبة بزاف

اختي ننصحك راكي في نفس حالتي

حاولي تسيطري على روحك

يا سلام زعما غير نتوم لي تعبتو في الدنيا كاين الناس تعبو كثر منكم و مازال نزيدو نتعبو كثر هذي هي اول خطوة و ما تقولوش ماكمش مجربين الاحساس.....الخ هذي هي منافذ الشيطان و مهما صرى الانتحار ماهوش الحل و لا كيفاش

و الله من خوفي عليها اللي قلت واش قلت انا نعتابرها اخت لي و هي طلبت النصيحة وحنا رانا ننصحو واش فيها