بياسة كروشي عل شكل قلب

kamilia88 · 2014-03-22, 12:19

السلام عليكم الى خبيرات الكروشي من تعرف في هذه البياسة ترسملي عليها ما فهمتهاش وشكرا

lynda10 · 2014-03-22, 12:54

ان شاء الله يفيدوك الخبيرات أنا مبتدئة شوية
على حسب ضني تبداي بالمربع لي في الوسط و تبعي الترقيم

kamilia88 · 2014-03-22, 13:34

شكرا اختي ايه درت المربع باش نكمل ما عرفتش منين

نايليةوافتخر · 2014-03-22, 14:30

شوفي اختي بعد ماتخدمي المربع وتقطعي الخيط ابداي من المكان أ الي فالصورة حتى تكمليه وتقطعي الخيط ثم تخدمي الجزء الاخر من النقطة ب وتكملي لما تلحقي للنقطة ج تكملي التور على الشكل كامل باش يخرلك شكل المربع واذا مافهمتيش نزيد نشرحلك

kamilia88 · 2014-03-22, 19:05

ايه اختي لما نخدم المربع كي نبدا نخدم في 2 يبداو يجيو طالعين

نايليةوافتخر · 2014-03-22, 20:40

كي تكملي المربع ابداي فالجزء رقم 2ومن النقطة أ الي درت عليها سهم ديري سلسة 11غرزة وثبتي فالمربع ب4 غرزة حشو ثم عمري السلسة ب15عمودوثبتي فالمربع ب4غرزة حشو ثم ديري فوق كل عمود عمود اخر وبين كل عمود وعمود غرزة سلسلة وثبتي بنفس الطريقة وكملي باقي الادوار يعني تديري 5ادوار
الجزء رقم 3نفس الطريقة ولما توصلي للدور 5ماتقطعيش الخيط اطلعي بسلسلة فيها10غرز ثم ارفدي 4اعمدة في كل عمود 3لفات في الفراغ الاول واغلقيهم مع بعض مثل غرزة الفيشارة

وتواصلي العمل على مدار الشكل يعني شغل تور فيه 3ادوار
ان شاء الله تكوني فهمتي