مشكلتي مع زوجي

[مريم العدراء]

المشاركة الأصلية كتبت بواسطة rihanna

الحجاب لباس تع خرجة لا لا ؟؟
وين راه المشكل ؟؟

الحجاب اعتقاد ديني ولباس العفة
وقد امر الله المرأة المسلمة بلباسه امام الرجال الاجانب عنها غير المحارم سواء داخل البيت وخارجه يعني لو جاء ابن عمك او ابن خالك او ابن خالتك عندكم للبيت يجب عليك لبس الحجاب
الحجاب مشي ملاية ولا جلابة الحجاب حجاااااااااااااب
فهمتي يعني لباسه عبادة مشي عادة

[oumhana]

ختي اصبري وروحي غير بالعقل هذي تجربتي الشخصيه انا عندي 7 سنين زواج فالأول راجلي كان يقولي منحبش المحتجبات منيش عارف كفاه خذيتك انا نجاوبو مشي نتا لخذيت ربي لكتب كان ميصليش و يقعد بالسوايع قدام التلفزيون ولانقعد في شامبرا تاعي يا نصلي يا نقرا القرآن لكن نقوم بكل واجبتي كانو يضحكو عليا كان كجي الصيف نهبل خاطر زوجي يحب البحر ونا نحب الحجاب وكما عيا فيا نقولو نجي ونقعد بحجابي ولا منجيش ونروح وناخذ معايا جريدة ول كتاب و نخليهم وندخل لعشيه مرتاحة الضمير. اليوم زوجي راه يصلي و كنصوم الحسنه يصوم معايا وكل يوم وراه بصح غير بالسياسه درك راهو يصلي فالجامع و يقرا الأذكار و معادش يهدر على حجابي أنت استعيني بالله وهو نعم الوكيل

[hodahodahoda]

اقنعي زوجك بهدوء ورزانة
لله يوفقك

[ام امـــــــنــــــة]

اختي انا نقولك حاجة

لا حق لمخلوق في معصية الخالق

التزمي بحجابك واياكي وان تقبلي بنزعه وحاولي تعامليهم بلطف وحنية واحسني اليهم وراح يتقبلو الامر بادن الله ربي يجيب الخير يااااالاب

[عبد الله 22]

الحل هو محاولة التاثير فيهم قبل أن يحدث العكس

[امونة الشاوية]

ربي يفرج عليك همك

[إشتاقت روحي لربي]

السلام عليكم
في البداية علينا ان نلقي بالعتاب و اللوم عليك لأنك ببساطة أسأت الإختيار الكل ضغط هكذا كان ردك و أنا أقول و الإستخارة لرب العباد أين هي
لا أعلم ما ذا كان في قائمة أولوياتك في الخاطب و الزوج و الزواج متيقن أنه ليس رجل و كفي كنت أكبر من هذا
أنا أخبرك لو كنت مكانك انفصل لأنه لا عهد بيننا و بين تارك الصلاة بمعني عند اهل الدين لا يجوز ان يعقد لكم و إسألي أهل العلم و الدين
لكن لو وجديه يتأثر بفقدانك و لهك تأثير عليه في أفكارك أعكسيها لمصلحتك بمعني حببيه في صلاه من خلالك من أخلاقك و شخصيتك وفي نفس الوقت كوني حازمة لا تتساهلي معه لا أن الصلاة لا غبار عليها مع الوقت لو لم تأثري ستتأثري و تتركيها و الله
و أكثري من الدعاء و كوني قوية الشخصية حازمة و ربي معاك

[نور الرحمان 94]

السلام عليكم
الله يكون في عونك اختي لكن مادامك تسكني في بيت مستقل عن العائلة أكيد تربيتك لابنائك راح تكوني انتي المسؤولة بالدرجة الاولى ماشي مثل تربية الابناء في منزل العائلة أما بالنسبة للحجاب حاولي بقدر ما تقدري مع زوجك ادعي ربك و اساليه العون و الهداية لهذه العائلة على يدك بإذن الله راهي عندك رسالة كبيرة لازم تبلغيها بالأخص مع زوجك ربي يقويك و يعينك توكلي على ربي و كذلك راهو أجرك سيكون كبير ان شاء الله لا تندمي على اختيارك أو زواجك من هذا الرجل مادام هذه هي مشكلته أكيد أحسن من اللي عندو مشقة مثل الكيف أو مخدرات توكلي على ربي و بالتوفيق

[بثينة 123]

السلام عليكم
ادعي الله يا اختي ان يهدي زوجك الى الطريق الصحيح وان يهدي اخوات زوجك ولا تنسي الادكار وقراءة القران