المعركة الكلامية بين العجوز وكنتها

[jijibibi]

المعركة الكلامية بين عجوز وكنتها

كيما تعرفو دايما العجوزة كي تكون لعروس تخدم تبغي تنارفيها

العجوز: الله لا يخليني لليدين الله يخليني غابة و ناس حطاابة

نورمالمو حاجة مافهمتوهاش على خاطر هذي كلمات مشفرة بيناتهم ههههه
ماتتقلقوش بالشوية انفهمكم راهي تقولها ندعي ربي باش نبقى بصحتي وانا الي نخدم في داري
مع العلم لعروس هي الي دير كل شي الله يحفظ و يستر من هادي العجووز


عروستنا الساجية ترد علييها باينة الشقة على حواشيها

العجوز ترد اضحك يا فمي على همي هههههه العجوزة تشكي همها من عروستها

لعروس :تقول صح معاك حق هم يبكي و هم يضحك تضحك و تقهقه

ههههههههههههههههههه

العجوز : يعزيك في راسك الضحك يضحك على الضحك و الضحك يضحك عليهم رحنا لدار المهابل حرنا شكون يدبر عليهم

كي تكمل لعروس شغل الدار تجمل روحها باش تغير لعجووز

العجوز : ( خصك السواك يا معوجة الحناك) تقصد تقوللها انتي أصلا ماتصلحيش للزين
هههههه و تقابل العجوز المراية باش اتسقم روحها هي تاني

لعروس : ( سيدي مليح خصو الهوى و الريح ) يعني نفس معنى المثل ( اللي فاتو وقتو مايطمع في وقت الغير)

العجوز : ( الدنيا بالوجوه و الآخرة بالفعايل)

يدخل الراجل عياان لدار و يصيب كل وحدة تحكي قصتها
يقول جملة واحدة ( كي سيدي كي لالا) يعني وجهان لعملة واحدة وهي الإزعاج طبعا
هههههههههه.
اتمنا ان يعجبكم الموضوع

[مملكة الغربة]

ههههههههههههههههههههه شكرا جيجي ربي يهدي لعجايز ولعرايس ... كامل.

[قمر الصحراء]

لعجوز : ( خصك السواك يا معوجة الحناك) تقصد تقوللها انتي أصلا ماتصلحيش للزين
هههههه و تقابل العجوز المراية باش اتسقم روحها هي تاني


هذه كلمات ومعاني ناس زمان
اما الان غير تخزر فيها جيبلها الشرطة وتعقبها لعدالة ههههه

[الفتاة الصغيرة]

راااسي حبس

[sayo.maya]

Makach jawab khir min assamt, 3an tajroba!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!

[*ثزيري*]

شكرا على الموضوع

[جويرية الإيمان]

ههههههههه مت من الضحك

راني قاعدة نخفظ في الأمثال ههههه

أنا عجوزتي مليحة بصح من ذالك تخرج خرجة

بصح ما نرجعلهاش و إذا رجعت نفهمها برك (و هي أصلا ما تحبش تفهم) ههههههه نخليها و خلاص و ننسى أصلا كلامها

و نرجعو كيما كنا عادي .

[kripese]

ههههههههههههههههههههههههههههههها
منين جاتك هذه الفصاحة بيان عليك عندك خبرة فى هذه الحرووب

[ghada91]

هههه و الله الكناين تاع ضرك ما يحتارموش عزايجهم

يحسبوها شطارة بصح هي وقاحة و قلة ادب

كيما كنتي مع يماك كوني مع عجوزك

العجوزة اصلا ما لازمش نديرو عليها على خاطرش كبيرة و مرفوع عليها القلم لازم غير نساعفوها واش ما قالت تبقى هيا الكبيرة و ساس الدار

و الله البيوت خربت غير من هاذ الكناين اللي قيلين التربية و ما يعرفوش القدر و الاحترام

حاشا بعض الكناين الي ربي يجازهم بالخير بنات الفاميلة يبانو من تصرفاتهم

سال مجرب لا تسال طبيب

انا مانيش متزوجة بصح راني حافضة طبايع الكنان من العشرة

العشرة فتاشة