كيفية احتساب معدل ماستر1 بالنسبة للمهندسين

حنان89 · 2013-10-07, 13:44

ن فضلكم محتاجا مساعدة
انا مهندسة دولة في البيولوجيا و درت ماستر 2 و تخرجت هدا العام لكن وقت اللي علقو نتائج المداولات يعني pv de délibération بالنسبة للماستر 1 حسبولنا معدل ال5 سنوات اللي قريناها و دروهالنا كانها السداسى الاول من الماستر 1 و كدلك عاودو كرروا نفس المعدل اي نتع 5 سنوات و داروه كانه معدل السداسي ال2 للماستر 1 علما اننا احنا مقريناش الماستر 1 يعني فتنا مباشرة للماستر2
و كاين وحدين ناس مطلعين قالولي انهم محيسبوش هكدا يعني راهم غاشينا لانه كاين قرار وزاري يقول انه لازم السداسي الاول و الثانى نتع الماستر 1 اللي مقريناش لازم يديرولنا في مكانه معدل السنة 4 و ال5 نتع النظام الكلاسيكي
سؤالي هو هل هدا صحيح يعني اي من الطريقتين هي معتمدة في كل الجامعات و شكرا

yabani · 2013-10-07, 13:53

أنا مهندس دولة ومتحصل على الماستر أيضا

المعدل يحتسب كالتالي 40% معدل السنة الرابعة + 40% معدل السنة الخامسة + 20% للماستر

ويتم احتساب المعاملات ألفا وبيطا مثلما يحتسب لطلبة النظام الجديد أل أم دي

هنا le décret الخاص بذلك

https://ftech.univ-skikda.dz/images/d...e_doctorat.pdf

وهنا يمكنك تحميل فاكس من المسؤولة عن نظام ما بعد التدرج بالوزارة لرؤساء الجامعات للتنويه أن ألفا وبيطا يحتسب بنفس الطريقة لطلبة النظامين

https://archive.org/download/Corresp...espondance.pdf

بالتوفيق

حنان89 · 2013-10-07, 16:00

نعم لكن انا اريد معرفة كيفية احتساب معدل الماستر 1 فقط لانه في جامعتنا حسبولنا جميع سنوات ال5 سنوات نتع الانجنيورا و دارو المعدل نتعها في سداسي الاول و السداسي الثاني و هدا غير طبيعي

حنان89 · 2013-10-07, 16:02

انا سمعت انه من المفروض انه يديرولنا معدل السنة الرابعة هو معدل السداسي الاول للماستر 1 و معدل السنة ال5 هو معدل السداسي ال2 للماستر 1 اما الماستر 2 فهادا قريناه و معدلاتنا باينا ,,,,,,,لكن احنا فوجئنا تماما وقت اللي حسبولنا جميع السنوات ال 5 و داروها كمعدل للماستر 1 هدا طبيعي ؟؟؟

knovel · 2013-10-07, 20:47

non innormale

yabani · 2013-10-07, 20:53

يا أختي ما يديرولكمش معدل الماستر 1

نسقسيك أنت قريتي ماستر 1 ؟؟ الجواب تاعك : لا ما قريتش

يعني كيفاش يديرولك معدل سنة ما قريتيهاش

نعم هناك خرق واضح للقوانين ولا يوجد قانون جزائري واحد يتكلم عن معدل الماستر 1 للمهندسين الحاصلين على الماستر ولكن يوجد معدل واحد وهو معدل الماستر 2 فقط

بالتوفيق وحاولي إصلاح الأمر في جامعتك وبالتوفيق

حنان89 · 2013-10-07, 22:17

اقتباس:

المشاركة الأصلية كتبت بواسطة yabani

يا أختي ما يديرولكمش معدل الماستر 1

نسقسيك أنت قريتي ماستر 1 ؟؟ الجواب تاعك : لا ما قريتش

يعني كيفاش يديرولك معدل سنة ما قريتيهاش

نعم هناك خرق واضح للقوانين ولا يوجد قانون جزائري واحد يتكلم عن معدل الماستر 1 للمهندسين الحاصلين على الماستر ولكن يوجد معدل واحد وهو معدل الماستر 2 فقط

بالتوفيق وحاولي إصلاح الأمر في جامعتك وبالتوفيق

لكن اخي ممكن توضحلي حاجا باش يديرو الترتيب لازم يكون عندهم ماستر 1 و 2 و احنا وش يعدولنا راني حايرا لانو كل واحد و كيفاش يقول

knovel · 2013-10-08, 08:43

classment selon master 2 en eliminatnt les note de master 1 pour les autres lmdis

yabani · 2013-10-08, 10:20

اقتباس:

المشاركة الأصلية كتبت بواسطة حنان89

لكن اخي ممكن توضحلي حاجا باش يديرو الترتيب لازم يكون عندهم ماستر 1 و 2 و احنا وش يعدولنا راني حايرا لانو كل واحد و كيفاش يقول

الترتيب هنا مشكل صح لأنكم ما قرتوش معاهم الـ Master 1 يعني " منطقيا " ما يقدروش يديرولك الترتيب مع طلبة ما قرتيش معاهم فالماستر 1 يعني لكان حسبولكم الماستر 1 = معدل السنة الرابعة ممكن يظلم كاش عباد ولكان الخمس سنوات يظلم آخرين

الله أعلم كيفاش يديرولكم حنا حسبولنا الترتيب بالنسبة للجماعة لأننا قرينا مع بعضانا الهندسة + الماستر

يعني رتبونا على حساب المعدل 40 بالمئة + 40 + 20

ربي يوفق

ocean1 · 2013-10-09, 19:34

جزاكم الله خيرا