مشكلتي مع المطلوع

honey bees · 2013-09-13, 13:50

السّلام عليكم

أنا عندي مشكلة و هي المطلوع ديما مايصلحليش
و حبّيت نستفسر كاش عفايس باش نصلحو
قولولي اسم الدقيق اللي تخبزو بيه و الطريقةة اللي تعملوه بيها باه يجي خفيف و طالع

سلام راني في الانتظار يا الحراير

touta2010 · 2013-09-13, 13:58

كتبي طلبك في موضوع اسئلة او استفسرات بلييييز

كريمة كوكة · 2013-09-15, 09:10

المطلوع تمون عجينتو طرية باه يجي خفيف
استعملي سميد عمر بن عمر او الوردة البيضاء

RANIA 2001 · 2013-09-15, 10:58

انا نستعمل سميد عمر بن عمر وندير سميد وملح وخميرة وسكر وسينوج ومن بعد نبلوا بالماء الدافيء ونخليه يطلع بعد ما نغطيه بساشي وفوقها سرافت ندفيه مليح وكي يطلع نعود نعجنو بشوية مارغرين او زبدة او زيت ونقرصو ومن بعد نسخن الطاجين وكي يسخن مليح ويزيد يطلع المطلوع شوية نطيب مباشرة راهو يجي يسخف هاذا ماكان ونتمنى نكون فهمتك مليح والمرة الجاية يجيك المطلوع مليح ان شاء الله المهم عجينتو تكون مرخوفة اي ماتكونش يابسة