تم الزواج وماذا بعد... ؟؟؟ - الصفحة 2

اسلام انس · 2012-06-17, 14:29

اقتباس:

المشاركة الأصلية كتبت بواسطة soso sirin

فهل ترى ان بعد الزواج ... يذهب الحب ؟؟؟؟ والى اين ؟؟؟

الحب اذا كان صح و كان مبني على الصراحة و على ساس متين والله ماعندو مين يروح بالعكس والله يزيد كثر و كثر لانو ربي راح يقويه و راح تكون عشرة و راح تكون رحمة مي تختلف وسائل التعبير عليه برك معنتها من الاول يكون اكثريتو كلام مي بعد الزواج راح يكون افعال معنتها اهتمامو بيها و اهتمامها بيه لما يدخل للدار بكري معنتها راه دايرلها قيمة ماشي يقعد يدور في الزنق مع صحابو و مخليها وحدها في الدار .هي كي تبغي ماليه و تقبم والديه معنتها راهي ترضي فيه و تتحمل شي حوايج على جالو وبلاك يكونو غامينها في قلبها.لما تقولو توحشت الدار يديها و يروح ماشي يقول لخوه و لا يقولها روحي روحك و يريح معاها ماشي يوصلها و يروح يجري لما يمدلها قيمة وسط الناس و يحسسها بقيمتها قدامهم لما تحترمو قدام الناس و تحسسو بلي هو الكل في الكل .و راح تكون مسؤوليات كثر و هوما الذراري و هاذو رايحين يزيدو يقوو العلاقة بيناتهم.هاذا الشي الي راني نقول فيه ماشي جايباتو من كاش كتاب والله اختي تزوجت عن حب هي قاتلي الحب الي مورا الزواج حاجة وخدخرى و احسن مليون مرة من الحب قبل الزواج

انا حسبتك تزوجـــتي كي سمعت هاذ الكـــــلام.......راكي تطـــيري......اختي ســـــوسو

بصح الله غالب لازم نحب قبل الـــــزواج باه نتـــــزوجوا.........شكــــــرا لمـــــرورك

اسلام انس · 2012-06-17, 18:06

اقتباس:

المشاركة الأصلية كتبت بواسطة حموزه

بعد الزواج مزيد مسؤوليات ومشاغل تعكّر الصفو
المسكن
العمل المستقر
وأشياء أخرى قد لا ترقى لصعوبة ما أشرت إليه .
وفقكم الله

بارك الله فيك شكـــــــــرا لمــــــــــرورك

soso sirin · 2012-06-17, 17:46

حسبتك تزوجـــتي كي سمعت هاذ الكـــــلام.......راكي تطـــيري......اختي ســـــوسو

بصح الله غالب لازم نحب قبل الـــــزواج باه نتـــــزوجوا.........شكــــــرا لمـــــرورك

ان شاء الله كي اليوم . ايه انا ماقلتش واحد مايبغيش مي الصح مورا الزواج ان شاء الله لانو تم نشوفو اذا يدوم و لا لالا.و راني نطير والله ماعندي جناحتين الدنيا خويا الدنيا تشيب واحد قبل الوقت

اسلام انس · 2012-06-17, 18:02

اقتباس:

المشاركة الأصلية كتبت بواسطة soso sirin

حسبتك تزوجـــتي كي سمعت هاذ الكـــــلام.......راكي تطـــيري......اختي ســـــوسو

بصح الله غالب لازم نحب قبل الـــــزواج باه نتـــــزوجوا.........شكــــــرا لمـــــرورك

ان شاء الله كي اليوم . ايه انا ماقلتش واحد مايبغيش مي الصح مورا الزواج ان شاء الله لانو تم نشوفو اذا يدوم و لا لالا.و راني نطير والله ماعندي جناحتين الدنيا خويا الدنيا تشيب واحد قبل الوقت

علاه دنيا تشيب ياختي عيشي غي نهارك بزاف ولا نقولك عيشي غي ساعة لي راكي عايشة فيها بزاف

دنيا لا تساوي جناح بعوضة........بلاك لي جاي خير ملي راح.......ومازال راكي صغيرة معندك علاه تشيبي