الحساسية عند الأطفال - الصفحة 2

أم أولادي* · 2012-10-12, 21:04

اقتباس:

المشاركة الأصلية كتبت بواسطة ام مؤمن

الله يسلمك

ربي يشفيها ان شاء الله انا عانيت مع بنتي بنفس المرض الحساسية نتاع حليب البقر و لكنها عرضية تحتاج مدة معينة فقط للعلاج انا بنتي شفيت منها في ست اشهر فقط و لله الحمد فقط انت تابعي الريجيم الغدائي الخاص بهده الحساسية

من فضلك اختي

ساعديني ابنتي تعاني من نفس المشكل اكتشفت الامر عندما كان عمرها شهرين منذ ذلك الوقت و هي بالرجيم عنندها عام ونصف اومازلها حصلت في ماكلتها واش نقدر نعطيلها اكل

ام مؤمن · 2012-10-12, 22:23

اقتباس:

المشاركة الأصلية كتبت بواسطة الاء الصغيرة

من فضلك اختي

ساعديني ابنتي تعاني من نفس المشكل اكتشفت الامر عندما كان عمرها شهرين منذ ذلك الوقت و هي بالرجيم عنندها عام ونصف اومازلها حصلت في ماكلتها واش نقدر نعطيلها اكل

مرحبا بيك اخي و ربي يشافي بنتك ان شاء الله

المفروض الطبيب المتابع لابنتك كل ست اشهر يعملها تجربة باش يعرف ادا كان مازلت عندها حساسية ام لا انا الطبيب اللي كان يتبع بني كان يعمل هكدا

بالنسبة للاكل كان ممنوع عنها الحليب بكل انواعه و مشتقاته ياغورت جبن لبن زبدة شيكولة و حى الفرينة لانوا فيها مكونات الحليب

بطبيعة الحال كانت تشرب يوميا ملعقة كالسيوم دواء حتى تعوض الكالسيوم اللي فقدته من الحليب

كنت نوكل بنتي في سن بنتك سنة و نصف من اكلنا العادي قليل التوابل يعني معجنات مرقة بطاطا خضر مطهوة و نعوض الزبدة بزيت الزيتون و نمدلها بدل الياغورت عصائر و بدل الجبن بيض مسلوق و ركزي على الفواكه حاولي تنوعيلها في التغدية و تجنبي الحليب و مشتقاته

طبعا الحليب كانت تشرب حليب طبي معالج مدة ستة اشهر فقط و لما عملنالها التجربة شفيت و لله الحمد

اقرئي الردود فوق ممكن تفيدك و لازمك تابعي مع بنتك مع اخصائي احسن و اسلم

نتمنى نكون افدك و اي سؤال انا في الخدمة اختك ام مؤمن

أم ياسين الزهراء · 2012-10-10, 07:53

بارك الله فيك الموضوع جد مهم ومفيد هكى كل ام تستفاد

وحبيت نزيدلك معلومة العسل اقل من 4 سنين ممنوع عليهم هكى ينصح الاطباء ونزيد نقلك ماكانش كيما زيت الزيتون لازم ندخله في اكل الاطفال

ام مؤمن · 2012-10-10, 22:34

اقتباس:

أم ياسين الزهراء بارك الله فيك الموضوع جد مهم ومفيد هكى كل ام تستفاد

وحبيت نزيدلك معلومة العسل اقل من 4 سنين ممنوع عليهم هكى ينصح الاطباء ونزيد نقلك ماكانش كيما زيت الزيتون لازم ندخله في اكل الاطفال

و فيك بارك الله

و شكرا على نصائحك القيمة جعلها الله في ميزان حسناتك

ام مريومة · 2012-10-10, 22:52

من فضلك اختي ام مؤمن في الرد في موضوع الحساسية قلتيلي بنتك تاني كانت عندها حساسية ضد حليب البقر و شفيت انا بنتي اديتها للطبيبة لما كان عمرها عام و هي كانت عندها من قبل لكن معطاتنيش دواء قاتلي لازم تبتعدي على كل الماكولات الي تدخل فيها الحليب لكن معطاتنيش دواء
تعيشي فهمينيىواش قاتلك الطبيبة و اذا نعرضها على طبيبة اخرى من فضلك

ام مؤمن · 2012-10-10, 23:26

اقتباس:

المشاركة الأصلية كتبت بواسطة ام مريومة

من فضلك اختي ام مؤمن في الرد في موضوع الحساسية قلتيلي بنتك تاني كانت عندها حساسية ضد حليب البقر و شفيت انا بنتي اديتها للطبيبة لما كان عمرها عام و هي كانت عندها من قبل لكن معطاتنيش دواء قاتلي لازم تبتعدي على كل الماكولات الي تدخل فيها الحليب لكن معطاتنيش دواء
تعيشي فهمينيىواش قاتلك الطبيبة و اذا نعرضها على طبيبة اخرى من فضلك

عزيزتي ماقلتليش بنتك حاليا واش حال عمرها و ايضا ماهي الاعراض التي تعاني منها لانوا اعراض حساسية حليب البقر مختلفة

ابنتي ايضا اكتسبت الحساسية وراثة لكن شفيت منها

الطبيب نتاعها مامدلهاش دواء مدلها حليب خاص بالاطفال الرضع حليب ريجيم خالي من مكونات الحليب العادي و خالي من مكونات حليب البقر و ايضا خالي من الكالسيوم يعني حليب معالج و اعطاها معه دواء كالسيوم لتعويض الكالسيوم الدي فقدته من الحليب العادي و ايضا منع عنها الطبيب كل مشتقات الحليب و لحوم الابقار لمدة ستة اشهر و بعدها عملنالها تجربة و رجعت تشرب الحليب العادي تحت المراقبة مدة خمسة ايام و عندما لم تظهر معها اي اعراض جانبية و لا حتى الاعراض القديمة للحساسية قالي انها شفيت و تستطيع ان تشرب الحليب العادي و مشقاته و الحمد لله عندها الان اربعة سنوات و هي بصحة جيدة و تاكل كل مشتقات الحليب

الطبيب قالي في حالة تجربة ستة اشهر لم تنفع نعملها نفس الريجيم ستة اشهر اخرى و هكدا حتى تشفى امعائها و تزول عنها الحساسية و الحمد لله الستة اشهر الاولى كانت كافية
حبيبتي ممكن تحكيلي تجربة بنتك خصوصا الاعراض و العمر و كيفية العلاج و انا ان شاء الله ننصحك لانوا عندنا في العائلة حالتين من حالات الحساسية و الحمد لله نفس الطبيب ساعدنا على العلاج

ام مريومة · 2012-10-10, 23:49

شكرا لك ام مؤمن على الرد ابنتي من نهار كان في عمرها ستة اشهر اعطيتلها جبن خاص بالاطفال خدودها ولاو حمر و بدا الحب يخرج من هاداك النهار وانا منوكلهاش الحليب حتى جيت عطلة للدزاير حماتي طيبتلها فرميسال بالحليب كونديا الطفلة ولات ماشي قادرة تتنفس ادينها عند طبيبة عملنالها تحليل في معهد باستور و خرجت النتيجة حساسية في الحليب و المكسرات و لكن معطاتي والو قاتلي متوكليهاش و خلاص و على هاد الشئ مقدرتش نقصلها الرضاعة باه نعوضعها شوية و شكرا لك مرة اخرى ربي يبارلك في اولادك

ام مؤمن · 2012-10-11, 00:05

قلتلك انوا اعراض الحساسية مختلفة انا بنتي كانت اعراضها الامساك الشديد و اوجاع البطن الشديدة و الغازات الشديدة و كانت تبكي بشدة من الالم كلما شربت الحليب او اكلت احد مشتقاته و خصوصا الجبن و مع العلاج اللي سبق و حكيتلك عليه راحلها الامساك و الغازات و الاوجاع و صارت طبيعية

بنتك المفروض ماتبقايش حارمتها من مشتقات الحليب بصفة دائمة لازم طاسطيها و نعمليلها التجربة باش تعرفي انوا الحساسية نتاعها راحت او لا

و غالبا ما تروح حساسية الامعاء عند بلوغ الاطفال سن 15 شهراا هذي قالهالي الطبيب طبعا من بعد ماتكوني حرمتيها الفترة السابقة من مشتقات الحليب

ادا حبيتي الافضل اتبعيها مع طبيب مختص احسن هكذا تعرفي اذا كانت الحساسية نتاعها عرضية او دائمة لا قدر الله

و الله يشفيهالك و يعيشهالك و شكرا على دعواتك

ام مريومة · 2012-10-11, 00:41

شكرا لك على النصيحة و انشاء الله رح نجربلها من جديد.و نشوف اذا صبت اعراض الحساسية رح ناخذها لطبيب مختص كيما قلتيلي
شكرا لك مرة اخرى تعبتك معايا انشاء الله في ميزان الحسنات

ام مؤمن · 2012-10-12, 22:08

اقتباس:

المشاركة الأصلية كتبت بواسطة ام مريومة

شكرا لك على النصيحة و انشاء الله رح نجربلها من جديد.و نشوف اذا صبت اعراض الحساسية رح ناخذها لطبيب مختص كيما قلتيلي
شكرا لك مرة اخرى تعبتك معايا انشاء الله في ميزان الحسنات

العفو اخيتي الله يحفظ وليدانا