الاختيار

[مشكلتي]

كنت اعرف فتاة مدة خمس سنوات او اكثر من مرحلة الثانوية اكملت الجامعة وتوظفت وهي مازالت وفية ليا وحلمها الزواج بي لكن قبل اتقدم لها قلت لها اني لا اريدها ان تعمل وان تمكث بالبيت لكنها اصرت على العمل ونها لن ترمي تعبها ودراستها بالساهل وانا اصريت وهي كذلك وكل منا ذهب في حاله بعد فترة تعرفت على فتاة في العمل وجدت فيها كل مواصفات الزوجة الصالحة سالت وتحريت عنها كثيرا حتى تاكدت منها وبعدها كلمتها في الموضوع ولكي لا اقع في الحطا مرتين سالتها عن العمل قالتي غير واش تحب وبعد ان تاكدت من جديتي اخبرتني انها لت تعود للعمل مرة اخرى وانها تنتظرمجيئي لخطبتها لقد سعدت لفعلها واخبرت العائلة لكني فوجئت بصديقتي القديمة تخبرني انها نادمة وانها لم تكن تظن انني ساتخلى عنها بسهولة وانني ساتنازل لها عن العمل لاني احبها وانها لم تفعل ذلك الا لتضغط علي وانها تعرف كم احبها وتترجاني كي لا اهدم سعادتنا وان خطبتي ماهي الا انتقام منها وكي اذلها وانتقام لرجولتي وكبريائي وان اتراجع واخطبها هي ونها ستفعل كل شروطي ب الواحد مما ادخلني في مرحلة فراغ من اخطب كل الخيوط تشابكت لا ادري ما افعل من اختار

[aflawi]

اخي الكريم لا يمكنك التلاعب بمشاعر الفتاة التي تعمل معك فقد تفاهمت معها و انقضى الامر اما الاولى فالدافع الذي جعلها تعود اليك هو الغيرة و ليس حبها لك او شيئا من هذا القبيل.... تقبل مروري

[ترب الندى]

السلام عليكم
انا بنت و نعرف لبنات
لو بقيت تحلل في هاذيك البنت القديمه سنين ما كانت تحيرت فيك ولا سمعت منك
بمجرد انك اتخذت القرار الصحيح و اكملت حياتك غارت
ما هي الا غيره فقط
و سمحلي انت راجل و الراجل يتحكم من لسانو
خليك راجل في كلمتك
عطيت كلمه لهاذيك البنت و هي خلاص وافقت
اما لخرى قوللها خل غيرتها على جنب و تخدم و ما تضيع شقا عمرها و قرايتها
و الله انا بنت و نعرفهم غيره برك لو ما خطبت كانت خلاتك كيما انت
خليك على لي عطيتها كلمتك يا الرجاله
خليك مع لي عطيتها كلمتك...

[sarl02]

صعيبة بزاف انك اتفرط في حب صادق دام سنين ...وتاكد اخي لو تركت الاولى التي احببتها وتزوجت الثانية لمجرد انها قبلت بشروطك فستظلمها اكثر واكثر لانك لن تنسى الاولى هذا اكيد ....امامك خياران ..شوف اخي اذا راك قادر تعفس على قلبك وتنسى الاولى اتكل على ربي واتقدم للثانية ..اما في حالة ماكش قادر انهي العلاقة مع الثانية فورا باخف الاضرار ...وربي اوفقك.

[sarl02]

المشاركة الأصلية كتبت بواسطة ترب الندى

السلام عليكم
انا بنت و نعرف لبنات
لو بقيت تحلل في هاذيك البنت القديمه سنين ما كانت تحيرت فيك ولا سمعت منك
بمجرد انك اتخذت القرار الصحيح و اكملت حياتك غارت
ما هي الا غيره فقط
و سمحلي انت راجل و الراجل يتحكم من لسانو
خليك راجل في كلمتك
عطيت كلمه لهاذيك البنت و هي خلاص وافقت
اما لخرى قوللها خل غيرتها على جنب و تخدم و ما تضيع شقا عمرها و قرايتها
و الله انا بنت و نعرفهم غيره برك لو ما خطبت كانت خلاتك كيما انت
خليك على لي عطيتها كلمتك يا الرجاله
خليك مع لي عطيتها كلمتك...

....ليس سهلا ان ينسى الشخص حب سنين حتى ولو تزوج فما بالك انه الفرصة مازالت قائمة لتصحيح الوضع ....وضعية صعيبة راه فيها الاخ ان كان صادقا في سرد الوقائع .

[ترب الندى]

المشاركة الأصلية كتبت بواسطة sarl02

....ليس سهلا ان ينسى الشخص حب سنين حتى ولو تزوج فما بالك انه الفرصة مازالت قائمة لتصحيح الوضع ....وضعية صعيبة راه فيها الاخ ان كان صادقا في سرد الوقائع .

واحد تقدم لخطبه اختك و بعد يومين قالك خوذها عليا رافي تفاهمت مع صديقتي ؟ احلف ما تقول عليها ان ماش راجل ؟
و هاذيك البنت و الله ما تخاف ربي ولا ما كانت رضت للطفله لي ما ترضاه لنفسها
ما قلت الامر سهل
لكن المخلوق بدا حياتو من جديد و نسى خلاص و انهى كل شي
هي رجعاتو للصفر و رجعاتو يغلط
و البنت المظلومه شكون لي ياخذ لها حقها
اتقو دعوه المظلوم فسهام الليل لا تحطئ

[عُضو مُحترم]

المشاركة الأصلية كتبت بواسطة sarl02

....ليس سهلا ان ينسى الشخص حب سنين حتى ولو تزوج فما بالك انه الفرصة مازالت قائمة لتصحيح الوضع ....وضعية صعيبة راه فيها الاخ ان كان صادقا في سرد الوقائع .

صحيح مش ساهلة

ولكن اللي تفضل عليّ الخدمة و الشهرية

لا تستحق مني ان اُفكر فيها فما بالك اتزوجها

و اللي باعتك بالخدمة

بيعها باطل
==============

وحدة اختارت الزواج ............... تتزوج

الاخرى اختارت العمل ................ تعمل


======================================

و كُل وحدة مسؤولة على إختيارها

=========================================

شخصيا لن أعود لمن فضلّت العمل عليّ




فكما هي لها كرامة لا تسمح لها بتضييع قرايتها

ان ايضا لي كرامة لا تسمح لي بالرجوع لها































و مادام الكلمة خرجت

لازم نكون عند كلمتي

[ترب الندى]

نستعرف بيك خويا ياسين
صح لسانك

[المتيقنة بالله سارة]

يا اخي شوف واش يخرجلك عليك وما تقولش بلي راح تتنازل على كبريائك وياما ناس نهار قبل لعرس وتفارقوا ومعليش تتفارق ليوم مع لي راك تخدم معاها احسن ما تكون معاها وانت مشاعرك مع الاخرى.وانا على عكس الاخوة ماشي شرط تكون غيرة لي تكون رجعت الاولى بلاك حست انو مراحش تحب انسان غيروا ومكانش واحد راح يبادلها هاد شعور من غيرك.....وبلاك هي بطبعها انسانة مترددة وكي هدرتلها على الخدمة تخوفت وانا معها وبلاك توصلوا لحل لمسالة العمل خاصة اذا كان مجال عملها لا ياخدها منك كل الوقت......انا وحدة منقدرش نفرط فلي يحبني وانا اتكلم من منطلق اني اعايش تجربة مع انسان صادق معايا...................وتبقى ردودونا مجرد اراء وانت ادرى بالفتاتين بحكم معرفتك بيهما ومن تستحق ان تكون معك ............والسلام.

[manina_dr]

لا اوافق الاخوة في ارائهم فممكن الانسانة التي انت على علاقة معها تكون شرطت العمل وهي متاكدة انك متتخلاش عليها يعني تقبل شرطها ونهار اللي حست بللي خسراتك عرفت بللي لازم تبدل رايها وموش معناتو خيرت العمل عليك لا و من رايي الاخ انك تحكي للفتاة اللي تعمل معاك و تصارحها بكلشي يعني انك حبيت الاخرى وممكن كي تحكيلها و تصفي نيتك هي وحدها تقوللك ولي للي حبيتها و تتمنالك الهناء وليس معناه انك كون تولي ماكش راجل كيما راهم يخرفو البقية يا اخي هذا الحب هكذا وبالنسبة ليا صرا سوء فهم بيناتكم لا غير و السلام عليكم و رحمة الله

[nouna-12]

شوف اخي انت راك بين نارين
الاول انك الاولي حبيتها 5 سنين و مدة ماشي ساهلة و بعد ماتفاهمتوش و كل واحد راح في حال
و الثانية قبلت بكل شروطك و انت اعطيتها كلمة راجل
علي هادي انا نقدر ننصحك الا بصلاة الاستخارة و عليها ربي يسهلك
اكثر منها و ستفرج بادن الله بالتوفيق

[fullafifi]

اخي لفاضل الي بديت فيه كملو ماعندكش حل ثاني
اصلا البنت تاااع خمس سنين لو مارحتش خطبت وحدة خرى ماكانتش رايحة تتنازل على العمل تاحا ملا كمل مع البنت
او عندك تسمع لكلامها
بالتوفيق

[manina_dr]

اكيد مولاتش ليه على امل تقول بللي كي عاد يحبني يدور يدور و يولي ليا صبرت هي تستناه يستسلم و يولي و يقبل بشرطها وكي هو خطب هي راحت تنقض الموقف وتنقض علاقتهم وين المشكل يعني و5 سنين ميش ساهلة باش يسمحو فيها و زيد انا قلت كون يروح يحكي للفتاة الاخرى من الاول وش كاين و يزيد يقوللها بللي اللي حيها راها ولات ليه و يشوف وش تقولو عندي احساس تقدر و تفهمو مليح و هي اللي تقولو روح ليها باسماح و الرضى والله قادر يكون هكذ نورمال

[sarl02]

المشاركة الأصلية كتبت بواسطة ترب الندى

واحد تقدم لخطبه اختك و بعد يومين قالك خوذها عليا رافي تفاهمت مع صديقتي ؟ احلف ما تقول عليها ان ماش راجل ؟
و هاذيك البنت و الله ما تخاف ربي ولا ما كانت رضت للطفله لي ما ترضاه لنفسها
ما قلت الامر سهل
لكن المخلوق بدا حياتو من جديد و نسى خلاص و انهى كل شي
هي رجعاتو للصفر و رجعاتو يغلط
و البنت المظلومه شكون لي ياخذ لها حقها
اتقو دعوه المظلوم فسهام الليل لا تحطئ

لو اتقدملك واحد وعرفتي بلي قلبه مازال مع اخرى وخطبته لك مجرد تحصيل حاصل ..يعني ماشي انت الحب اتزوج بيك باش يتزوج واخلاص ...هل توافقين ؟؟...اذا قلتي ايه مالا ما عندكش القلب.....افهمي كلامي مليح وامبعد علقي انت راكي تحكي من منظور شفقة على البنت الثانية ...بصح كون جيتي اتخمي بعقلك ...اخليها ذرك مدام مكاش شيء رسمي خير من يتزوج بيها وامبعد يظلمها اكثر واكثر ....اين هو اخف الضررين؟...وما فيش شك بلي البنت الثانية هي الضحية الكبرى في هذه الحلقة...افهمتي ولا انزيد انفهمك؟

[sarl02]

المشاركة الأصلية كتبت بواسطة عُضو مُحترم

صحيح مش ساهلة

ولكن اللي تفضل عليّ الخدمة و الشهرية

لا تستحق مني ان اُفكر فيها فما بالك اتزوجها

و اللي باعتك بالخدمة

بيعها باطل
==============

وحدة اختارت الزواج ............... تتزوج

الاخرى اختارت العمل ................ تعمل


======================================

و كُل وحدة مسؤولة على إختيارها

=========================================

شخصيا لن أعود لمن فضلّت العمل عليّ




فكما هي لها كرامة لا تسمح لها بتضييع قرايتها

ان ايضا لي كرامة لا تسمح لي بالرجوع لها































و مادام الكلمة خرجت

لازم نكون عند كلمتي

ياو ما بدلاتو ما بدلها مزالت تبغيه ومزال يبغيها وخطبته وزواجه من الثانية مجرد تحصيل حاصل .....راني نحكيلك من نماذج واقعية شافتها عيني ...والضحية دايمن هي الي وقع عليها تحصيل الحاصل.