قلبي شبه ميت

[مشكلتي]

السلام عليكم
أنا بنت مقبلة على البكالوريا هذا العام
وهذا العام الثاني إن شاء الله
مشكلتي بدات منذ العام الماضي منذ اول يوم دراسي لي في مشوار البكالوريا
بحيث اني خليت الدراسة جانبا وماعدت نخمم فيها كامل
فإما في القسم راني قاعدة وساكته لاني لست مثيرة للمشاكل
واما نطلب من الاستاذ يخليني نخرج برا ونقعد في الساحة
أهلي وصديقاتي منهم حتى اللي بكاو عن حالتي وما توقعو أنو يجي يوم من الأيام ونولي هكذا
لاني كنت تلميذة ممتازة من الأوائل وال17 تاعي واحد ماينحيهالي
تجربي العام الماضي قلت أني بعد الرسوب الي كنت متأكدة منو 100 بال100 بلي راح يتحرك قلبي شوية خاصة كي نشوف صديقاتي في الجامعة
لكن لا حياة لمن تنادي
ما تحرك في قلبي والو وما غرت من وحدة نجحت ولا حسدت حتى وحدة بل بالعكس اللي فرحانة فرحت معاها واللي زعفانة صبرتها ، وكأنو البكالوريا خاطيتني كامل
هذا العام أتعس من العام الماضي بحيث أنوالأساتذة اللي يقرو في يجو ينصحوني. لكني مانديها في كلام تاع حتى واحد
اللي ينوظني للسبورة نقلو منوضش واللي يقلي أقراي نقلو منقراش وهكذا ماشية الحالة
بصراحة كرهت من هذي الحالة وفضلت أني نقعد في الدار أحسن من هذا الشي
أحيانا نشوف بلي عندي الحق وأحيانا أخرى نحاول نشوف أي حل يخرجني من هذي المحنة
خاصة أنو والديّ قريب ما يبكو عني ومتمنيين النجاح نتاعي هذا العام ، ووعدني والدي بأنو إذا نجحت يديرلي عرس كبير
لكن أنا هذا العام ممسيت حتى كتاب ولا كراسة ولا حتى راجعت دروسي
واللي يضحكني ويبكيني أني أحرقت كراساتي الأسبوع الماضي
بصراحة غايضيني والديّ أكثر من ماهي غايضتني روحي
ومنيش قادرة نتوقع ردة الفعل تاع والدي يوم النتيجة تاع البكالوريا
تحطمت نفسيا ومالقيت ماندير

ماتقولوليش ديري قلب وأقراي لانو ماعنديش حاجة إسمها القلب

أريد أي حاجة أخرى

[milka40]

صلي و ادعي ربي راهو الشيطان ماثر عليك بزاف اقراي مدامك صغيرة يجيك نهار و تندمي ندامة كبيرة درك راهي تبانلك الدار هايلة مي تقعدي شهر تكرهي و حتى معاملة داركم تتبدل ابسط مثال ما يعطيكش مصروف كيما القراية مام اللبسة تهدري يقولك راكي في الدار حاجة مراح تعوضك في قرايتك صلي ركعتين و اباي الشغل كلش في هاذ المنتدى كاين ما يهفكش الصغر حاجة وحدة غير اذا القراية ماهيش مقنعاتك و حابة الدار قولي لداركم و صارحيهم

[و.وحيد]

ربي يزوجك ان شاء الله

[حميدي احمد]

عليكي بركعتين للاستخارة

[موج و صخر]

عندك صدمة قوية
تابعي مع اخصائي نفساني
ترجع احسن من الاول ان شاء الله
و سارعي قبل فوات الاوان
لانه اذا فاتك الباك هذا العام
تندمي عليه طول عمرك
و يبقى لك عقدة في حياتك
و ارجعي الى الله...

[ترب الندى]

لا حول ولا قوه الا بالله العلي العظيم ~ تابعي اخصائي نفسي يا اختي و خمي شوتحياتي ي في والدك ~

[السَّحابة البيضاءْ]

أصلا أنت تملكين دافع قوي لمواصلة دراستك ومع هذا أنت لاتتحركين ساكنا



حل مشكلتك يكمن هنا

المشاركة الأصلية كتبت بواسطة مش[u

[/u]كلتي;9734655]

السلام عليكم
بصراحة غايضيني والديّ أكثر من ماهي غايضتني روحي
ومنيش قادرة نتوقع ردة الفعل تاع والدي يوم النتيجة تاع البكالوريا
تحطمت نفسيا ومالقيت ماندير

ماتقولوليش ديري قلب وأقراي لانو ماعنديش حاجة إسمها القلب

أريد أي حاجة أخرى

والدك هو نقطة ضعفك حاولي تفرحيه معندكش قلب للقراية معليش .................وقلب البنت إلي تخاف على والدها مزال حي ولا قتلتيه


المحيطين بك قلوبهم كامل عليك " خاصة والدك "


نتمنالك التوفيق

[Lam!ne]

رسوبك ليس نهاية العالم

عليك بالإجتهاد و العمل في السنة القادمة مع استغلال العطلة الصيفية و تصحيح أخطائك

اتمنى لك النجاح

[nasma belle]

يا اختي اكيد كاين سبب قوي خلاك من بعد ما كنت مجتهدة وليتي غير مبالية يا اختي خمي مليح حاولي تجمعي افكارك وقواك حاولي ديري هذا الشيء وتقراي على الاقل على جال والديك لانو فرحتهم بيك وانت ناجحة كبيرة بزاف انا عن نفسي قريت ومازالني نقرا غير على جال والدي وباش نفرحو والله العظيم انا عمري ما شفت بابا يبكي ولكن نهار جاء خويا وقالو بلي راني نجحة في الباك بكا من الفرحة انا نشوف بلي عندك اكبر محفز باش تتداركي واش فاتك ويا اختي تقدري ديري نسخ على الدروس لي معندكش وتحاولي تقراي لانو عندك ارادة وزيد راهو مازال شهر للباك حاولي بكل قوتك تفرحي والديكوانت ديري لي عليك والباقي على ربي على الاقل متبقايش تلومي في روحك وتقولي كنت قادرة نفرح بابا ومفرحتوش. ربي يوفقك يا اختي.

[الورود المنسية]

عليكي بركعتين للاستخارة

[aissam .3820]

مادام يغيضوك والديك يا اختي....
..
ديري قلب لمرة وحدة في حياتك..

..

وفرحي والديك يا اختي..
..


ما كانش حاجة تضاهي رؤية الوالدين فرحانين..

يستاهلوا الفرحة يا اختي والله..
..

[نانا الحيرانة]

السلام عليكم

أختي مآدام إنك تقولي كنت مميزة

أكيد إنو بيك عين لهذآ وصلت حآلتك لهاد الدرجة لأنه بين ما كنت وكيفاه وليتي مستحيل يكون الموضوع طبيعي

عليكي بالرقية الشرعية ووالله ماراح تندمي يا أختي خاصة وأنت قبلة على شهادة

هذا كلام ربي ، علاج للنفس أكيد راح ترتاحي وتحسي بتحسن كبير ويرجع حبك للدراسة بإذن الله

صلي وإدعي الله بقلب صادق

ربي يوفقك ويجيبلك اللي فيه الخير

[أمة الجبّار]

السلام عليكم
اختي الفاضلة حالتك ليست طبيعية، امّا ان تكون مشكلة نفسية او عين او حتّى سحر ،،، الحل هو الفراااااااااااااااااااااااااااااار الى الله جلّ في علاه،، الدعاء و تحرّي اوقات الاجابة باذن الله (عند السجود، ما بين الاذان و الاقامة,,,,,,)،اذكار الصباح و المساء، قراءة القرآن و سماعه،،،،،،،،،
لا تدعي الشيطان يفرح لانّه يعد بالحزن و الفقر،، تيقني انّ الله تعالى معك فكوني معه، كوني من الصابرين ""إنّ الله مع الصابرين""،، اسجدي، ادعي،ابكي، نادي يااااااااااااااااااااااااااااا أالله أغثني،، يااااااااااااااااااااااا حيّ يا قيّوم ارحمني و ارحم حالي و ضعفي، فإذا الغوث،،،، أحسني الظن بالقدير فليس هناك معه عسير، فامره بين الكاف والنون،،،، و إيّاك ثم إياك ان تتركي الدعاء،، و من جهتي سادعو لك ان شاء الله و ارجو من الاخوة و الاخوات كذلك
يــــــــــــــــــــــــــــــــــا حيّ يــــــــــــــــــــــــــــا قيّوم برحمتك نستغيث أصلح لنا شأننا كلّه و لا تكلنا إلى أنفسنا طرفة عين و لا أقل من ذلك فنهلك

[عميروش الحر]

انصحكي بالرقية الشرعية و طبعا باجتهاد قليل منك سيزول كل هذا
واذكري الله ألا بذكر الله تطمئن القلوب

[حنان شلفية]

نصيحة روحى رقي واقراي ادعية وقران لانو كاين بنات يغيرو من بنت القاريةويديرولها اي حاجا باش تكره القراية انتى انعلي بليس هدى مستقبل تاعك قعدا في دار تكرهي منها وتولي تندمى على هدى قرار ربي يهديك مكاش كيما قرايتك