طبق الروز من مطبخي

[جيجلية]

السلام عليكم ورحمة الله وبركاته

اليوم جبتلكم طبق كامل تعرفوه الاختلاف فقط في طريقة الطهي ممكن يفيد بعض الاخوات

درت صوص بالبصل والثوم والطماطم والتوابل فلفل وملح وكركم وفلفل احمرقليتها مليح ثم ضفت الماء وحطيت جلبانة او ممكن جزر وزدت لحم مكفت مداوي بالتوابل وطماطم مصبرة ايضا وورقة رند وخليتهم يعقدوا

الرزو غليته في الماء والملح نص طياب ثم صفيه وغسلته بالماء في الكسكاس باش يهبط النشاء اللي فيه ويولي ما يلصقش ثم فرغته في القصعة وزدتله الملح والفلفل والكركم وشوية زيت او زبدة وعاودت فورته مليح وكنحيته حطيتله الزبدة او السمن وخليته يتشربها مليح

دهنت المول بالزبدة وفرغت عليه الروز وسقيته بالصوص من فوق مليح وخليت شوية منها كاين اللي يحبو يسقيوه من بعد وعاودت حطيته في الفرن يتشرب وهذه الصور