مشكلتي ارهقتني

[مشكلتي]

السلام

انا فتاة عمري 22 سنة عندي مشكل اني نحشم من الناس بزاف علابالي الحشمة مليحة مي مش تخربلك حياتك وتخليك كي تحبي ديري حاجة تخممي في الناس كيفاش تخبريهم خاصة العائلة , انا منيش مدايرة حجاب وبغيت ندير الحجاب بصح لم افهم من مادا بالضبط خاصة انو الحجاب فرض والبنات كامل مدايرينو بصح انا لا مفهماش علاش

ساعدوني خوتي وخواتاتي

[lilou f lilou a]

يا أختي الحجاب واجب دينا وشرعا حتى من ربي يبارك لك في ه الخطوة

[بلال الرومنسي]

ربما رايحة تلبسي حجاب موضة علابيها حشمتي ههههههههههههه المهم

لازم تكون عندك شخصية قوية وتأكدي ان الناس لن ينفعوك في شئ ........

[vava033]

الله يسهلك حاجة مليحةبزاف السترة

[simoa1084]

أختي إجاب تك موجودة في القرآن الكريم هناك آيات محددة تتكلم عن الحجاب الشرعي للمرأة

وفقك الله لما هو أصلح

[نجمة ساطعة]

ساهلة الحجاب فرض من ربي علينا و لازم نطيعوه طاعتوا واجبة فقط هذا ما كان هذي تحشم

[.زَيْنْ الْدِيِنْ.]

أخيــــتي الفاضلة تفضلي
نـــسأل الله أن يهديك و يهدي جميع بنات المسلمين

[الاستاذة المستقبلية]

السلام عليكم و رحمة الله تعالى و بركاته

ان امر الحشمة شيء جميل فالمراة تكون جميلة بحيائها و اخلاقها و حجابها .....اختي اعلمي ان ارضاء الناس غاية لا تدرك ..و لهذا يا اختي عليك ان تغيري افكار عن تاثير الناس عليك و لهذا يقول *فرانك اوتلوا* راقب افكار قبل ان تصبح افعال -راقب افعالك قبل ان تصبح عادات -راقب عاداتك قبل ان تصبح طباع -راقب طباعك لانها ستحدد مصيرك ....اختي الحجاب اروع لباس ترتديه الفتاة و لكن الحجاب الحقيقي بشروطه و ليس ما انتشر في الاونة الاخيرة ....نرتدي الحجاب ابتغاءا لطاعة المولى عزوجل .....نرتدي الحجاب لانه فرض..نرتدي الحجاب لانه ثابت في القران و السنة ........و اتذكر تلك القصة عن الفرنسي الذي سال الامام لماذا تضعون الحجاب لنسائكم ؟ أخد هذا الإمام 2 من الحلوى ثم أزال غلافاً لواحدة، فأجابه:أي حلوى ستتختار ؟ فاختار الفرنسي الحلوى التي كانت مغلفة ..فابتسم الإمام ثم قال :الشيء نفسه ينطبق على نسائنا.......



اختي الغالية ارجوك اسمعي هذه الفيديوهات من الاول الى الاخر و اقول لك مرة اخرى انه اذا كنت تفعلين امر صحيح و امر يجعل الله راض عليك فلا يهمك امر الناس ابدا لانه كل واحد منا يدخل للقبر وحده و يحاسب على اعماله وحده فقط

https://www.youtube.com/watch?v=-2lYVNbihVs

https://www.youtube.com/watch?v=z3Wna...eature=related

https://www.youtube.com/watch?v=SnLZI_BGNqw

[الاستاذة المستقبلية]

المشاركة الأصلية كتبت بواسطة مدونةالنجم

أخيــــتي الفاضلة تفضلي
نـــسأل الله أن يهديك و يهدي جميع بنات المسلمين

جزاك الله خيرا

[hayder07]

[سجل أنا جزائري]

نورمالمو الطفلة اللي تكون مش دايرة الحجاب اللي تحشم مش العكس

رانا في مجتمع اسلامي و ما كاش اللي يشوف الحجاب حاااجة غريبة ما فهماش علاش حشمتي ديريه

زعمي حشمتي من الناس يقولوك وش صرالك علاه تبدلتي ؟؟

ما تخفيش ما كان واحد راح يحير فيك بالعكس راح تكبري في عين الناس بزاف لأأنو ذرك كثير منهم يقولو عليك هذيك الطفلة الله يبارك متربية و تحشم خصها غير دير الحجاب برك

و زيد هذي ما فيها تخمام أختي

قال الله تعالى =( “”وَمَا كَانَ لِمُؤْمِنٍ وَلا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَنْ يَكُونَ لَهُمُ الْخِيَرَةُ مِنْ أَمْرِهِمْ وَمَنْ يَعْصِ اللَّهَ وَرَسُولَهُ فَقَدْ ضَلَّ ضَلالا مُبِينًا ”)

ربي يوفقك أختي

[SOUSOU. DZ]

اسمحولي ندخل في موضوع اخرا عندا قراء لي ردود الرجال او ذكور كاملين يحبو لبنات متحجبات انا شخصيا نسمع بلي البنات مش متحجبات يقول نتوما الرجال كامل مايفوش فيكم والله غير نحير

[ريحان الجزائر]

السلام عليكم و رحمة الله و بركاته يا أختي الحشمة هي الحياء و هي راهي نعمة عظيمة و لوان تكمليها بالحجاب تولي ما شائ الله لوكان نقولك نعطيك زوج حبات حلوى وحدة مغلفة و وحدة ماشي مغلفة واش راح تختاري ؟ أكيد لمغلفة لأنك تقولي عليها نظيفة و مافيهاش غبار و لا موسخا و لي ماشي مغلفة راهي قاسها الغبار و مسوها اليدين و غير ذلك هذا مثال صغير حتى تعرفي أهمية الحجاب بالنسبة للمرأة المسلمة فهم يا غاليتي فرض على المرأة يعني لوكان ماديروش راح تتحاسب و وعلاش تتحاسب لاخاطر ربي عطاها مفاتن و ماراهيش تستر فيهم و تخلي الرجال و كل من هب و دب يشوفهم و أنا نشوف أن هذا القرار راهوا في مصلحتك من جهتك أنت كبنت و من جهة أبويك و إخوتك لأنهم كلهم راح يكونوا مأجورين في لبسك للحجاب لأنك سترتي نفسك و سترتيهم معاك يقولو الناس شوفو بنت فلان ما شاء الله المهم يا أختي الحجاب ماراهوش عيب و لا تحشمي لما ديريه بالعكس قولي نديرو و خبري ماليك عادي و اعلمي أن كل شيء جعل الله له حجابه و لا تنظري لبعيد أنظري في نفسك فقط أنظري لجلدك الذي هو حجاب أعضائك وانظري إلى الفواكه الموز و البطيخ و الطماطم أي شيء سواء كان إنسان حيوان خضر فواكه و سوف تعلمين أنه هو درب العفاف و اسلكيه لا تخافي و الله يرزقك لبس الحجا عاجل غير آجل و حطي في بالك أنه كل يوم يضيع منك و انت مالبستيهش راح تتحسري عليه في يوم ما فبادري أختي و لا تستحي من أمر كهذا بل بالعكس سوف يفرح لك والديك و الناس و ثقي بنفسك . تقبلي مروري و وفقك الله لما يحبه و يرضاه

[الجواهر]

فهمت من كلامك انك تريدين ارتداء الحجاب و لكنك تخجلين و هذا شيء طبيعي لان اي انسان يغير من ملابسه يجد حرجا في البداية و لكنه يعتاد على الملابس الجديدة البسي الحجاب في البيت امام اخوتك ثم امام الجارات و الصديقات حتى يعتاد الجميع عليك بالحجاب وفقك الله الى ما يرضاه و اعلمي انه فرض لا يجب المماطلة في القيام به

[سجل أنا جزائري]

المشاركة الأصلية كتبت بواسطة sousou. Dz

اسمحولي ندخل في موضوع اخرا عندا قراء لي ردود الرجال او ذكور كاملين يحبو لبنات متحجبات انا شخصيا نسمع بلي البنات مش متحجبات يقول نتوما الرجال كامل مايفوش فيكم والله غير نحير

بعض الرجال يحبو السيفليزي باش يعقبو بهم الوقت برك بسكو متفتحيين

اما نهار يجي يزوجو كامل الرجال حتى و اللي مش مدين يجيب وحدة متحجبة

و الي تقولك ما يشوفوش فيكم قوليلها ما يشوفوش فينا بسكو يحترمونا مش كيما نتوما لقاوكم ساهلين يلعبو بيكم كيما يحبو