شهرين

kh1994 · 2012-03-20, 13:28

]شهرين بقاوا على الباك وانا مادرت فيها والوا
والله غير انا خايفة كل يوم نقول ذرك نبدا
بصح كي نجي نشوف نلاقا روحي مافهمتش منين نبدا
ما حفظ المواد تاع لحفاظة ولا المواد العلمية مانقرهمش فالدار
و زيد على هذا اللغات الاجنبية ساعات وين نحضرهم في كلاسة
في الثلاثي هذا جبت 13 وقالولي ماتكفيش باه تنجحي بالنسبة لشعبة تقني رياضي
انصحوني على وجه ربي

فطومة 32 · 2012-03-20, 13:43

رانى gـــاع في الهوى سوى يا اختي
و13 الله يبارك عندها وما دير خليك منهم ما يطحولك المورال ما والوا
اما اللغات الاجنبية رانا غي كيفك ونجيب غي تحت المعدل جامي جبت 10حتى الكراس ما عنديش و الادب
شوفي دير نهار بنهار كل النهار شدي مادة وتقدري تلحقي
والله العظيم رانى gـاع كيف كيف ضربي مجهودك وخلها على الله
انا صي المسلسلات بغي نخطيهم راني دارة بيهم حالة ....... من الصيف ربي دير تاويل

mimi-leales · 2012-03-22, 20:40

رانا كيفكيف أختي انا كل يوم نقول غدا وجبنت 14,70 هدا الفصل رايحة نهبل اني تعبت

الهام الجزائرية · 2012-03-23, 13:02

والله راني خاااااااااااااااااااااايفة

kh1994 · 2012-03-25, 11:16

اقتباس:

رانى gـــاع في الهوى سوى يا اختي
و13 الله يبارك عندها وما دير خليك منهم ما يطحولك المورال ما والوا
اما اللغات الاجنبية رانا غي كيفك ونجيب غي تحت المعدل جامي جبت 10حتى الكراس ما عنديش و الادب
شوفي دير نهار بنهار كل النهار شدي مادة وتقدري تلحقي
والله العظيم رانى gـاع كيف كيف ضربي مجهودك وخلها على الله
انا صي المسلسلات بغي نخطيهم راني دارة بيهم حالة ....... من الصيف ربي دير تاويل

مرسي اختي على النصيحة

زكي bac · 2012-03-25, 12:56

توكلي على الله و ماتخافيش
شهرين=60يوم=1440 ساعة
كاين 14 درس في الاجتماعيات تقدري تحلصيهم gاع في 30 ساعة راح تبقى 1410 ساعة+العلوم اسلامية ساهلة تحتاج لغير 20 ساعة يعني راح تبقى 1390ساعة
اما الفسلسفة فانصحك بمطالعة مفالات و بالنسبة للمواد الادبية كاللغات و الادب احسن حاجة هي حل المواضيع
المهم ربي يوفقنا

nazim16 · 2012-03-25, 13:57

ختي لعزيزة شوفي انا العام لي فات قريت الشهر الاخير برك
صدقيني ما مسيت والو العام كامل
و حتى في اللغات الاجنبية ما مسيتهمش حتى في الشهر الاخير و ما مسيتهمش
و بلا ما نهدرو على التاريخ و الجغرافيا لدرك ماعلاباليش واش كنت نقرا
بصح خدمت في الشهر الاخير برك
و الحمد لله جبن 12.58
وينك يا نتي مازالولك 3 اشهر
ابداي اتكلي على ربي من درك تجيبي 16 نورمال
+
كا ما خصك رانا هنا ختي

nesrine92 · 2012-03-25, 15:07

الوقت من دهب

انا نبات نحلم بالباك
ربي معانا

انا كل يوم نحفظ درس
باش نقص شويا دروس

هدي الطريقة خير

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري