ما رايكم في الامر

[بتول8]

السلام عليكم
سؤال
امراة متزوجة منعها زوجها المبيت مع امها؟

يعني روحي شوفي امك كي تكون وحدها و لا نديك كي يكون السيد لتمة... بصح تباتي معاها بحكم مريضة ؟مليحة؟ متوحشين بعض ؟و و و,,,,, ماكاش المبيت
بيت والديها مفروق يعني الاب يعمل بعيدا جدا و ما يروحش بالاشهر
الام مهتمة بشؤون البيت و الابناء في غيابه

لكن المشكلة انو الام

من وقت طويل مربية وليد خوها اللي عانى فحياتو واليديه مطلقين و كل واحد معاود حياتو و هو راح فالرجلين يعني يجي ياكل و يرقد فالمنزل تاع عمتو $لي هيا الام%

كبر الجميع الابناء ووليد الخال المربي معاهم
ماناش حا نفصلو فالشرع اكيد لا يجوز لكن المخلوق ما لقا غير عمتو حنت عليه و ما لقات غيرو يقضيلها اموراتها و يقضيلها بحكم غياب الاب $ مع العلم عندها ولد لكن يدرس يعني ماراح يفك ماراح يصك $

الزوج اللي مانع زوجتو بحكم وليد الخال لي شايفو الاجنبي على زوجتو مع العلم انو هاد الوليد خال من وقت الشوفة و
التعارف عمبالو بيه و بظروفه و يقلها انا ماعاجبنيش الحال راه اجنبي و فنفس الوقت يقولها الله غالب عليه يتسمى راه شفقان عليه
$و الزوجة المعنية من قبل الزواج و هي تلبس الحجاب الشرعي قدام وليد الخال يعني فيه وعي ووازع ديني $

بعد الزواج منع بات من المبيت مع امك لانو الاجنبي الي تربا معاكم موجود
ما الحلول الوحشة راها قاتلاها حابة تفوت يومين مع امها تعاونها ترتب معاها البيت الام كبرت و المنزل كبير ؟

[omeyacine]

راك تقول بأن ترب معاها و أنها متحجبة أمامه فلا أرى من داعي لأن يرفض الزوج غير إلا ماراهش داير التقة في زوجته أو أنه لا يستلطف هذا الشاب المهم الحل بسيط ما عليها إلا الصبر و تستطيع أن تساعد أمها في النهار و تعو لدارها هذا أكرم لها وبالتوفيق

[z.abdo]

من الأحسن أنو ما يخليهاش تبات مدام كاين اجنبي في الدار وانتهى الكلام من حق الزوج يفكر هكذا

[achwak.1993]

وليد خالها لوكان عينو يديرلها حاجة ماشي مليحة لوكان دارها قبل ما تتزوج
بصح يبانلي ناس ملاح ودايرها كيما أختو وهذا الزوج راهو يغير بزاف

[المتوكل محمد]

هو منعها من المبيت فقط
وتستطيع في كل النهار تساعد امها
والبنت هنا تحمد الله تعالى بأن زوجها
لم يمنعها حتى من النهار كذلك

[amola 14]

تقول لزوجها يبات معاها .....

[بتول8]

شكرا \
بانتظار المزيد من الاراء القيمة

[بتول8]

المشاركة الأصلية كتبت بواسطة amola 14

تقول لزوجها يبات معاها .....

هما في ولاية اخرى بعااااااااااااد ايضا ما يقدرش

[المتوكل محمد]

الاخت امولا 14 أعطت رأيا جميلا وهو زوجها يبات معها
ممكن في العطلة الاسبوعية

[بتول8]

المشاركة الأصلية كتبت بواسطة المتوكل محمد

الاخت امولا 14 أعطت رأيا جميلا وهو زوجها يبات معها
ممكن في العطلة الاسبوعية

ما يحبش يبات برا دارو حشااااااااااااااااااااااااام هههه

[المتوكل محمد]

معناته رجل طيب ويحب زوجته وعليها أن تحترم رغبته
وفقهم الله تعالى و أسعدهم دنيا وآخرة ..

[هدايات26]

اذاكان زوجها قادر يعاونها تدير مرا لامها _خادمة_تعاونها كل ما احتاجتها اما عن المبيت تقدر مرة على مرة تاخذ يماها عندها

وهكذا ترضى وترضي زوجها .

[السيدة كرمين]

عزيزتي الزوج كان واضح من قبل وقال مش عاجبني الحال

ولأنوا كان مش مزوجها اي عاقد عليها وباباها وليها سكت

لكن هي اليوم زوجتوا وتحت طوعوا ومن حقوا وعندوا لحق يقلها

ما تباتيش في دار اهلك بسبب وجود أجنبي وان كان متربي معاكم

المهم لي توحشت يماها تقدر تتفق مع زوجها أنها تزورها مرة كل اسبوع ترتب ليها البيت

وتقضي معاها ليوم كامل وتروح لدارها فبصراحة مش لازم لمبات

هي الآن مرت راجل وراح تعمر دارو مشي دار يماها

لكن واجب المساعدة وبر الوالدين مش راح يخلي زوج رائع

كيما هذا يمنعها

والله المستعان

[محمد جديدي التبسي]

قضية صعبة لكن وجب طاعة الزوج لأن ما أمر به من طاعة الله عزوجل ودرء لكل الشبهات

[abdelkader21]

و الله ياأختي أنت من تبحثين عن المشاكل و تحبي تعطي فرصة للغير باش ايحلوا أفمامهم ويقطعوا في شرفك انصحك لوجه الله أن تطيعي زوجك خاصة في هذا الامر بالذات طبعا اذا كنت حابة اتحافظي على بيتك و زوجك . الام تبقى أم و الزيارة واجبة لكن مع زوجك خاصة اذا كانت من ولاية الى ولاية جيبي امك الى عندك تبقى ايامات و ما تكبريش المشكل و الزوج اللي يترك زوجتو تدور كما تحب وما ايغيرش عليها هذا ذيوث و العياد بالله وما اتقوليش راني امحافظة و ملتزمة و... و.. و العفو اذا كان قلت كلام يجرح لا ن هذا ما اشعر به انا شخصيا وشكرا على الموضوع و تقبلي تحياتي.