ارجو النصيحة

[مشكلتي]

يريد التقدم لخطبتي يكبرني بخمس سنوات يعمل عن طريق عقود ما قبل التشغيل ويدرس في نفس الوقت وهده اخر سنة دراسة له ولديه مسكن وانا اشعر اني معجبة به و لكن المشكلة انه يعلم اني كنت على علاقة سابقة بغيره و رغم دلك فالبانسبة له لا توجد فتاة لم تعرف شاب خاصة في هدا الوقت المختلط و لكني خائفة يجي نهار و يعايرني بيه رغم انه هو من قام بالمبادرة الاولى ووكان يعلم قبل ان يتقدم لي ولكن لا اعلم متخوفة جدا ارجو النصيحة

[أم لجيـن]

السلام عليكم
ما خاب من استخار ولا ندم من استشار

[hamzagolf6]

اختي اسئلي ايضا اذا اقام هو الاخر بعلاقة مع شابة

[بلال الرومنسي]

يا اختي هدا الكلام اصبح قديم ... الان مع وجود الانترنيت والهاتف المحمول البنت او الشاب يقدر يعمل اي شئ خلسة ليس ضروري الخروج والالتقاء في الشارع او في اي مكان .. يعني قليل من تجدهم لم يعملو علاقات ولو علاقات تعارف ......... لو شفتيه انسان طيب ومرتاحة معاه تكلي على ربي وتزوجي .... وان شاء الله مايعايركش + لما قلك لا تهمني علاقتك السابقة فهو يعلم مايقول وعقله اكبر من هدا ...... ولما تتزوجو وتجيبو اطفال يتغير كلش ... وتتغير العقلية
بالتوفيق

[ام تنهنان]

المشاركة الأصلية كتبت بواسطة hamzagolf6

اختي اسئلي ايضا اذا اقام هو الاخر بعلاقة مع شابة

يعني وحدة بوحدة

[محمد غيزة]

ان بحث في الف امراة لوجدت انها كانت على علاقة
انسي الماضي وتوكلي على الله مادام يعلم افضل اختي تخيلي انه لا يعلم ويتزوجك وياتي اليوم الذي يعرف ما هو موقفك
اقبلي به اختي ما دام يريد الزواج ولا تفكري في الماضي ابدااااااااااااااااااااااااااااااااااااااااااااااا اااااااااااااااااااااا

[السَّحابة البيضاءْ]

صلي استخارة اختي

مادام تقدملك وعارف بعلاقتك السابقة هناك احتمالين

اما لما سال عنك لم يجدك ذات ماض يعيرك بيه

واما لايهمه

لاعلينامن نظرته هو المهم انت

يعني تخوفك مجاش من فراغ بينك وبين نفسك وش تحسي اختي

الا قدرتي تواجهي نفسك تقدري تواجهيه

لاكون صريحة معك حللت الموقف بنية صافية لانك ماذكرتيش اي حاجة فيما يخص علاقتك

ربي يوفقك ويسرلك امورك اختي

[- بصمة خير -]

المشكل انه يعرف عليك انك كنت في علاقة

أنا في مكانك

نرفض -صراحة خوفني يعرف بوحدة كانت في علاقة و حاب يتزوجت بيها ؟؟؟؟؟؟-

و لكن خلي امل و ديري صلاة الاستخارة و ربي يجيب التيسير


اللهم صلي و سلم و بارك على سيدنا محمد

[ابتغي الجنة]

علابالو بلي درت غلاقة و علابالو مع من كنتي دايرة علاقة اممممممممممممم هادي صعيبة شوية
اخطيك منو وخلاص يجيك مكتوبك
وحبسينا العلاقات يرحم والديك

[دادي84]

بصراحة الراجل كون يصيب يكون أول واحد يدخل قلب زوجتو و مادام انه يعلم بعلاقاتك السابقة صدقيني سيأتي فيه اليوم الذي يذكرك فيه بتلك العلاقات و راح يعيش موسوس خاصة اذا كان رفيقك السابق يسكن في نفس الحي و أي حركة او غلطة من جيهتك تجرك لما لا يحمد عقباه ...... مارانيش نخوف فيك و لا حاب نبعد بيناتكم بل العكس مادا بيا تزوجو و ديرو دار و تعيشو مهنيين و لكن كل واحد كيفاه يخمم ...نتمنى أنو يكون من النوع اللي ما تهموش العلاقات السابقة .....بالتوفيق