مهلبية من مطبخ سرسورة

[sarsora777]

بسم الله

المقادير:
لتر حليب
كاس معمر عصير حسب الذوق المهم بنين
8 مغارف اكل مايزينة
مغرف قهوة اكستري دو فاني( extrais de vanille) او 2 اكياس سكر فاني
2 مغارف كاكاو
6 مغارف اكل سكر
مكسرات اي نوع

التحضير:

ناخذ نصف لتر حليب ونزيدولو 3 مغارف مايزينة و3 مغارف سكر و 2 مغارف كاكاو نخلطوهم مليح قبل ما نحطوهم على النار باه ما تتكعبرش المايزينة وامبعد نحطوهم على نار هادئة ونحركو بلا ما نحبسو حتى تعقد ومبعد نصبوها في ls coupes تاع الفلان شوي شوي قيس 4 coupes ومبعد نفتتو فوقها شوي مكسرات
نزيدو الطبقة الثانية ناخذ الحليب المتبقي لهو نصف لتر ونخلطو معاه 3 مغارف مايزينة و الفاني و3 مغارف سكر ونخلطوه مليح بارد ومبعد نحطوه فوق النار مع التحريك بدون توقف حتى يعقد ومبعد لوحيه فوق الخليط الاول. الي يكون شاح وزيدي ديري المكسرات
نزيدو الطبقة الثالثة ناخذ العصير و 2 مغارف مايزينة ونخلطوه بارد وامبعد نحطوه فوق النار مع التحريك بدون توقف حتى يعقد و نلوحوه فوق الطبقات 2 حطيه في الثلاجة 3سا وامبعد زينيه بالمكسرات وقدميه
و بالصحة

ملاحظة

يمكن الاستغناء عن المكسرات
يمكن استبدال المكسرات بالفاكهة
السكر حسب الذوق ممكن تزيدي ممكن تنقصي